19/03/2026
الله معك يا رمضان💞أعاده الله علينا و عليكم بالخير و البركة
كل عام و أنتم بألف خير
معمول سميد الفرخة الفاخر بحشوة الفستق 👌نزلت بفيديو سابق و الشرح هون 👇
الشرح
نعجن نصف كيلو سميد فرخة مع ربع كيلو سمن حيواني بحرارة الغرفة لمدة عشر دقايق حتى يصبح عجينة كريمية يغلف و يترك يوم او يومين بدون براد لتتفتح حبات السميد
تاني يوم منعجن العجينة قليلا و نضيف كاسة طحين 100 غ مع نص ملعقة محلب و نعجن جيدا لتصبح كريمية كما موضح بالفيديو
في وعاء نخلط نص كاسة ماء مع نص كاسة سكر و 3 ملاعق قطر و تضاف فوق العجينة و نلوش الخليط بالاصابع لوش و ليس عجن مهم جداااا ممنوع العجن بعد اضافة السوائل منعا باتا👍سنحصل على عجينة طرية جدا(لاااا تخافو🙋🏻♀️) تغلف و تترك بالبراد مدة ساعتين ستتماسك و تصبح ممتازة رائعة بالعمل😍
نقطع العجينة و تحشى بكل بساطة بدون عمليات تقوير الكبة🤣بتلف لحالها عالحشوة ما شاء الله
نحشي كل الكمية و نرمد حبات المعمول برشة خفيفة جدا من الطحين قبل كبسها بالقالب حتى تخرج بسهولة أو بالجراب أو بالنايلون💁🏻♀️
تصف بصواني الفرن بدون ورق زبدة
الخبز هاااااااااام جدا و يعتبر أهم مرحلة 👩🏽🍳
سخنو الفرن على أعلا درجة حرارة عندكم لمدة ربع ساعة
منحط الصينية على الرف الوسط و مدة الخبز لااااا تتجاوز ال8 دقائق
إذا طولو معك أكتر من هيك معناها فرنك مش ساخن
اخبزو صينية صينية ماااا تحطو 3 صواني سوا بالفرن مااا بدنا الحرارة تنزل و بالتالي المعمول رح ينشف و لحشوة رح تتمدد جوا المعمول و يشقق لا سمح الله🤕بتمنى تلتزمو بالملاحظات و رح تاكلو أطيب معمول باذن الله
#معمول
