شهيوات جزائرية Cuisine

شهيوات جزائرية Cuisine صفحة خاصة بالطبخ و كل ما يخص المطبخ
قناة : شهيوات جزائرية

وصفات ، أدوات المطبخ ، نصائح و تدابير السيدة نور صاحبة قناة شهيوات جزائرية cuisine
(2)

13/09/2026

وصفة ساندويتش آيس كريم باردة ومنعشة 😍🍦 من cuisine
#

🍦 ساندويتش آيس كريم منزلي اقتصادي وبنين بزاف! 🍦يا لالة ويا لالة، اليوم جبتلكـم وصفة منعشة وسهلة 100% يفرحوا بيها الكبار ...
10/09/2026

🍦 ساندويتش آيس كريم منزلي اقتصادي وبنين بزاف! 🍦
يا لالة ويا لالة، اليوم جبتلكـم وصفة منعشة وسهلة 100% يفرحوا بيها الكبار والصغار في هذا الصهد 🌞 ساندويتش أيس كريم بزوج أذواق (فراولة وشوكولا) يضاهي محلات الأيس كريم الكبار! 😋
📝 المكونات:

1. طبقة لفريزة (الفراولة):
كاس بودرة الشانتيي 🥛
علبة فلان بذوق الفريز (50غ / حوالي 3 مغارف كبار)
مغرف كبيرة معمرة مليح حليب بودرة (لحظة)
كاس حليب بارد من المجمد ❄️
نص كاس ماء بارد من المجمد
عطر وملون الفراولة (Pâte à arôme)

2. طبقة الشوكولا:
3 مغارف كبار كاكاو بني نوعية ممتازة 🍫
3 مغارف كبار سكر
أقل من نص كاس ماء عادي
علبة شوكولا (من 80غ لـ 100غ)
كاس بودرة الشانتيي + كاس حليب بارد + نص كاس ماء بارد

3. للقاعدة:
بسكويت (أي نوع متوفر عندك) 🍪
صوص فريز (Topping) للتزيين (اختياري)

🥣 طريقة التحضير:
1️⃣ تحضير طبقة الفريز:
نخلطو كامل مكونات الفراولة بالباتور (المضرب الكهربائي) مليح مليح حتى يتضاعف الحجم ونتحصلو على كريمة ثقيلة.
نجيبو سنيوة (20x20 سم) نغلفوها بالبابيي فيلم (ورق شفاف).
نستفو حبات البسكويت فالبلاطو بجنب بعضاهم، ونفرغو فوقهم كريمة الفريز ونمشيوه مليح، وندخلو السنيوة للمجمد تتشكم شوية.

2️⃣ تحضير قاعدة وطبقة الشوكولا:
في كسرونة نحطو الكاكاو، السكر، والماء، نخلطوهم مليح ونحطوهم على نار هادئة مع التحريك حتى يغلي الخليط.
نطفيو النار ونرميو ديك الشوكولا ونخليوها تذوب في السخونة.
نفرغو الخليط في ريسيبسيون، نغطيوها بالبابيي فيلم ونحطوها في الفججيدار (الثلاجة) حتى تبرد تماماً!
بعد ما تبرد، نزيدولها كاس الشانتيي، كاس الحليب البارد، ونصف كاس الماء البارد ونطلعوها مليح بالباتور.

3️⃣ المونطاج والتقديم:

نخرجوا السنيوة ملي كانت فالمجمد، نديرو خطوط خفيفة بصوص الفريز (Topping).
نزيدو فوقها طبقة الشوكولا ونسموها بالسباتيل.
نغطيو الوجه بطبقة ثانية تع البسكويت (حاولي تحطيهم بنفس ترتيب الحبات التحتانيين باش تجيك ساهلة فالتقطاع).
نغلفو السنيوة مليح بالبابيي فيلم وندخلوها للمجمد ليلة كاملة (أو 6 سوايع على الأقل).
نقطعوها مربعات على حساب حبات البسكويت وبالصحة والهناء! ❤️

📌 جربوها وشاركونا تطبيقاتكم في التعليقات! وماتنسوش البارطاج والجام باش توصل الوصفة لكامل الحراير! 🌸👇
cuisine

🌙 #كرواصون مالح بالجبن (بعجينة قطنية بدون بيض)المقادير نخليهم فالتعليق ...أول حاجة تبداي بيها تحكمي كأس حليب دافئ تزيدي...
08/09/2026

🌙 #كرواصون مالح بالجبن (بعجينة قطنية بدون بيض)
المقادير نخليهم فالتعليق ...
أول حاجة تبداي بيها تحكمي كأس حليب دافئ تزيدي عليه مغرفة صغيرة سكر ومغرفة كبيرة خميرة الخبز تخلطيهم مليح وتغطيهم بالسيوفان وتخليهم يرتاحو قدر عشر دقائق حتى تتفاعل ديك الخميرة وتدير رغوة من فوق.

بعد ما تفوت عشر دقائق تزيدي نص كأس زبدة دايبة وتكون بدرجة حرارة الغرفة وإذا حبيتي تخلطي زبدة وزيت تقدري. تبداي تفرغي في الفرينة غير بالعقل وتزيدي معها الملح وتبداي تلمي في العجينة تاعك حتى تتحصلي على عجينة تكون طرية ومطاطية.

تحطي العجينة فوق طابلة العمل وتدلكيها مليح بيدك قدر سبعة حتى لـ 10 دقائق حتى تولي رطبة وما تلصقش في اليدين. ترجعيها للسيبيون مرشوش بشوية فرينة وتغطيها بالسيوفان وتخليها تخمر في بلاصة دافية حتى يتضاعف الحجم تاعها.

كي تخمر العجينة تخرجي منها كامل دك الهواء وتلميها كورة. ترشي الفرينة فوق طابلة العمل وتفتحي العجينة بالرولو على شكل دائرة كبيرة ويكون السمك تاعها رقيق بزاف حوالي زوج حتى لثلاثة مليمتر.

بالجرارة تقسمي الدائرة تاعك على سطاشن مثلث متساوي وتديري فتحة صغيرة في قاعدة كل مثلث. تحطي كمية مليحة من فروماتج أطارصيني في قاعدة المثلث وتبداي تلفي وفي نفس الوقت تجبدي وتكسلي شوية في رأس المثلث هكذا باش يجوك طبقات بزاف وتجيك مورقة.

تستفي حبات الكرواصون في سنيوة وتغطيهم بطرشونة وتخليهم يرتاحو ويخففو قدر عشرين دقيقة. تخلطي صفار حبة بيض مع مغرفة صغيرة قهوة وتدهني بيهم الوجه تاع الكرواصون وتزيني من فوق بالجنجلان وبذور الشيا والسانوج.

تدخليهم لفرن يكون سخون من قبل على ميتين درجة وتخليهم يطيبو ويتحمروا مليح وياخدو دك اللون الذهبي الشباب.

04/09/2026

من فضلكم كاش أخبار على الطفل أيوب

29/08/2026

كما حزنا و بكينا على إخواننا في #جيجل أثلجت صدورنا وقفة مساندة الجزائريين من كل درب
#الجزائر ❤️

27/08/2026

#جيجل 😥
إنا لله و إنا إليه راجعون

25/08/2026

طمينة جزائرية عاصمية بمناسبة المولود

24/08/2026

وصفة #طمينة جزائرية عاصمية ✨ 🥳 مع اسرارها لكي تبقى طرية لأطول مدة بدون ما تطلق ليدام و طرق تزيين مختلفة بالمكسرات و #الشوكولا أقدمها لكم انا السيدة نور من #مطبخ شهيوات جزائرية cuisine

22/08/2026

تحتفلون بالمولود ؟

Adresse

Algiers

Site Web

, ,

Notifications

Soyez le premier à savoir et laissez-nous vous envoyer un courriel lorsque شهيوات جزائرية Cuisine publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à شهيوات جزائرية Cuisine:

Raccourcis

Partager