24/09/2026
بسم الله
كيما وعدتكم سابقا هاي ليكم وصفة البتي 🥐 مقادير قليلة بصح تخرجلكم كمية لاباس بيها❤️
450غ فرينة نزيدولها نصف فنجال زيت (انا غلطت درت فنجال جا زايد قرمشة بصح بنين 😋) نصف ملعقة صغيرة ملح ملعقة خميرة و2مغارف كبار سكر شوي فانيلا نص باكي خميرة كيميائية ونبلها بماءدافىء نخليها طرية كيما موضحة نخبطها وحد 3 دقايق ونخليها تختمر
بعد ما تطلع نهبطها ونطرحها طوليا نرش الفرينة في كل مرة على سطح العمل ومبعد نحكم 250غ زبدة التوريق نخبطها بالحلال حتى تولي مسطحة ونحطها في وسط العجينة يعني في الثلث الأوسط ونطبق عليها الجهة اليمنى ثم اليسرى مبعد نطرحها بنفس الطريقة السابقة ونطبقها بنفس الطريقة ونحلها هك 3 مرات وبين كل مرة واخرى نخليها ترتاح 15دقيقة وفي المرة الأخيرة نطرحها كيما موضح في الفيديو ونروليها من حاشية للسمك الموضح ونقفلها بشوي ماء بالبانسو ومبعد نقصهم ونخليهم يخمرو
ندهنهم بالبيض ونحطهم يطيبو فالاول ولمدة 10دقايق على درجة 220 ومبعد نهبطها ل180 ونخليهم يكملو طيابهم 😊
اي استفسار نجاوبكم عادي 💯
متبخلونيش مالبارتاج 😘
