09/06/2026
من بين الادوات المهمة لي متقدرش تستغني عنها اي خياطة:
1. مقص من نوعية جيدة:
به متعيايش مع الاقمشة الخشنة ولا كما فالحالة تاعي لاكورد لازمك مقص مليح استثمري في واحد نوعيتو جيدة مام غالي وانساي تزيدي تشري مقص
2. كوب فيل:
براتيك بزاف تقصي بيه الزوائد تع الخيط به تجيك فينيسيون مليحة (متنساوش لافينيسيون من اهم الحوايج فالخياطة)
3. نقابيات او ليزيبانڨل:
به تحكمي اجزاء القماش (او لاكورد) قبل الخياطة هكا كي تخيطي بالمشينة ميهربش القماش وتجي كل قطعة مع ختها ڨدڨد
4. الحديد:
الحديد هو اهم حاجة في خياطة الملابس بالنسبة ليا يعطي فينيسيون هايلة ومنظر بزاف شباب للخياطة تاعك جربي خيطي نفس الحاجة مرة بالحديد ومرة بلا بيه ورح تشوفي الفرق بنفسك
#خياطة
