Quel est le site Web ?

https://www.facebook.com/914767535049186/

Zahia Déco

كل ما يخص التصميم والطباعة: توزيعات جميع المناسبات/ كارت فيزيت/ كادر برسوناليزي/ ستيكرز/ logo......
بالإضافة إلى باقات ورود ساتان💐(fleur artificielle )

13/08/2026

الذاكرة عندي راهي 2% وشارجور ماكاينش! 😂🤦‍♀️

هاد التوزيعات الخدمة تاعهم كملت، الباك جابوه، وعاودوا قراو، وربما حتى تخرجوا من الجامعات.. وأنا هذا وين تفكرت نحط الصور! 😭✨
قولولي الصراحة.. كاين أمل للذاكرة ولا خلاص نستسلم؟ 👀👇

*المهم الزين يفرض روحو لوكان بعد أعوام* 😄

#توزيعات

06/08/2026

#ورد #ساتان #باك #هدية

03/08/2026

"الزين والإتقان كامل في صورة واحدة 🌹👑
هدية تحمر الوجه وتفرح القلب ✨
طلبية زبونتنا الغالية وُجدت بلمسة خاصة بحروف ذهبية تسحر العين ✨
تقدرو تطلبوا البوكيه تاعكم بالحروف والألوان اللي تعجبكم ❤️

ونتوما واش تقولو على هاد التحفة ؟ 🤍❤️🤍
#ورد #بوكيه #نجاح #باك #ورود

10/07/2026

جريدة خاصة لأحلى أميرة!🩷🩷🎀
شوفو تبارك الله على هاد (L'idée) شحال شابة.. طلبية زبونتي العزيزة بمناسبة عيد ميلاد الكتكوتة إيفا لي قفلت 3 سنين. 🥹👑
من الطلبيات لي استمتعت بزاف وأنا نخدم فيها.. جريدة خاصة ومميزة لعيد الميلاد. 😍
بالصحة والراحة على زبونتي العزيزة وعلى الأميرة الصغيورة، ربي يحفظها ويكبرها في طاعتو. 🎂🎈
شكراً للزبونة تاعي على الثقة، وكل عام والأميرة بألف خير ولعقوبة لـ 100 سنة يا رب! ❤️✨
شوفولي روتور تاع لابخانساس ماشاء الله عليها🩷🩷
#طلبيات #خدمتي

#أميرتي

30/06/2026

اليوم صراتلي قصة تع "أكشن".. جاتني زبونة تجري، لسانها خارج، وقاتلي: "رايحة لمناسبة ومستعجلة، دبريلي كادو شباب، أنيق، ويحمر الوجه.. وعندي 5 دقايق برك!"
أنا هنا دخلت في مود "توم كروز" تع المهمة المستحيلة 😎. شمرت على يديا، نحيت العجز، ورفدت قلم الرصاص وبديت نزرب تقول راني في مسابقة "شيف المطبخ" بصح تع الرسم!
ورفدت القلم:
✏️ رسمت هاد البنت العصرية (بيني وبينكم، غطيت عينيها بالقبعة باش نربح الوقت وما تخرجش حولة 🤫).
🌸 رشيت عليها شوية ورد مجفف باش تبان مخدومة بـ "عمق وحب" وهي مخدومة بالسرعة القصوى.
🖼️ درتها في إطار أبيض أنيق.. وها هي التحفة واجدة !

الزبونة رفعتها وهي مخلوعة وسلكت من الحصلة تع "علاش جيتي ويدك فارغة؟"
😂.
ونتوما واش تقولو على هاد الطلبية ؟؟

#رسمتي

16/06/2026

لأنّ لكل مجتهدٍ نصيب، وفرحة التخرج ما تكمل غير بهدية تخلّد هاد الإنجاز... 🎓❤️
طلبيّة زبونتنا الغالية لـ "جريدة التخرج" 🎓. فرحة النجاح والتخرج من الجامعة إحساس عظيم، والجريدة الشخصية هي أحسن توثيق لهاد الرحلة والتعب اللي وراها. 🥰📜
ألف مبروك للتخرج، والعقوبة لنجاحات أكبر ومستقبل زاهر إن شاء الله. 🎉✨
شوفوا روتور الزبونة وفرحتها بالجريدة بعد ما لحقتها.. ! 😍🎓

#تخرج #نجاح #تخرجنا

15/06/2026

مايحس بالجمرة غير لي كواتو🥹🤣

#ورد #سيديبلعباس #صناعة

12/06/2026

🎓💐 بوكي ورد تخرج بلمسة خاصة..

اللمسة الأخيرة دايماً هي اللي تصنع الفرق! 😍 خدمت هاد التحفة باش تكمّل فرحة التخرج🎓 وعطيتها حقها في التصوير📷 لدرجة تحمست من قوة الإعجاب 😅بصح بغيت رأي المتابعين والزبائن نتاعي
لو كان تختاروا كلمة وحدة توصف هاد البوكي، واش تكون؟
1) فنّانة 👌
2) خيالية ✨
3) ناقصتها حاجة (قولولي واش هي!) 😅

#تخرج

09/06/2026

كنت نحوس فالأرشيف تاع التلفون حتى لفتت عليا هاد الصور الرائعة.. تفكرت بلي صورت هاد البوكس ونسيت كامل باش نحطو 🤦🏻‍♀️✨.. المهم أن تأتي متأخراً خير من أن لا تأتي أبداً 😂❤️
بوكس عيد ميلاد بنوتة ربي يحفظها🤍🎀 و يكبرها على طاعته 🩷 شوفولي الكياتة والحلاوة✨️🎀🩷🎁
واش رايكم فالثام لي خيراته الزبونة ؟؟

Adresse

Sidi Bel Abbés
Sidi Bel Abbès
22

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Zahia Déco publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.