By AFG

05/07/2025

خبز محشي
🔸️المكونات :
•الخبز :
• زوج كيسان ونص فرينة
•ربع كاس زيت
•مغرف كبيرة خميرة خبز
•مغرف ك سكر
• مغرف ك حليب بودرة
•مغرف ملح
• رشة خميرة حلويات
•ماء دافئ
▪︎الحشو :
• لحم مرحي او دجاج مرحي اختياري
• طماطم وخس
• صوص قرويار او مايوناز
• جبن شرائح
•الباقي اختياري
🔸️طريقة التحضير :
▪︎ نبداو بالخبز تاعنا نخلطوا الفرينة والزيت وباقي المكونات مع بعض ونلموها بالماء حتى تولي عجينة هشييشة ونخلوها تخمر 20 دقيقة بالضبط في مكان دافئ ولا شعلوا الكوشا وخلوها تسخن طفوها وحطوا العجين يخمر ، بعدها نحكموها نقطعوها الى اجزاء قيس ماتخرجلكم وقيس الحجم يلي حابينوا ، احكموا كل كرية اخدموها ملييح كيما الكسرة ماتدلكوهاش هاذي العجينة بدون دلك ، وحطوها فوق البلا تاع الفرن وحبطوها شوي لضوها ديروها شغل شريحة وخلوها تخمر حوالي 20 دقيقة اخرى ثاني حتى يطلعوا ملييح ثم ادهنوهم بالبيض وشوي جلجلان او سانوج دخلوهم للفرن مايطولوش في الطياب ياربي 20 دقيقة ولا 15 دقيقة المهم خلوهم يطيبوا مليح وخرجوهم افتحوهم من الوسط وابداو الحشو ،
▪︎بالنسبة للحشو انا حكمت رحيت اللحم ودوزنتوا درتلوا حبة بصل بيضة وشوي شابلير وملح وفلفل اكحل وشوي كاري ولا دوزان ابيض على حسب الذوق شكلوهم دوائر وشرائح واقلوهم في شوي زيت ولا زبدة ويكون كلش واجد
انا درت هريسة ثم مايوناز حطيت السلاطة والطماطم ومباعد حطيت اللحم وفوقوا الفرماج الشرائح هذا ودرت فوقوا صوص قرويار وحطيت الخبز الاخر ،
منقول

14/04/2025

فطيرة محشية 💜
المقادير 💜
كأس حليب دافئ + ربع كاس زيت + حبة بيض + ملعقة كبيرة خميرة الخبز + نصف ملعقة كبيرة سكر + ملعقة صغيرة ملح
طريقة التحضير 💜
نخلط جميع المكونات مع بعض و نخليهم يتفاعلو ربع ساعة و نضيف الفرينة و الملح و نعجن حتى نتحصل على عجينة طرية نخليها تخمر و مبعد نشكلها كويرات حسب الرغبة و بالنسبة للحشو إختياري على حساب المقدور و بالصحة و العافية 💜

12/03/2025

مملحات رمضان مستحيل تشوفيها ومتجربيهاش

6 كؤوس من دقيق الخاص بالحلويات

ملعقة كبيرة ممسوحة من خميرة
ماء دافئ
ملعقة كبيرة سكر حبيبات
ملح
التوريق:
زبدة المركارين
الحشوة اختيارية

طريقة تحضير فطائر مالحة بعجينة هشة:
1. في وعاء نضع الدقيق الأبيض، خميرة الخبز، السكر، ملح نضيف ماء بالتدريج حتى تجمع العجين و ندلكها جيدا و نغطي عليها و نتركها جانبا ترتاح لمدة 10 دقائق.
2. بعد ذلك نشكلها 4 كويرات و نغطي عليها ترتاح لمدة 5 دقائق.
3. نأخذ كويرة و نبسطها بالزيت و تذهن بالزبدة و نلفها على شكل مربع نأخذ كويرة الثانية و نبسطها بالزيت و تذهن بالزبدة ثم نضع مربع الأول وسط العجين و نلفها على شكل مربع نستمر بنفس الطريقة للكويرات المتبقية.
4. نحضر الحشوة، في مقلاة نضع الزيت الجزر مبشور، قرعة مبشورة، الفلفل ألوان مقطع، هريسة نضع المقلاة على نار و نتركها على نار حتى تتشحر.
5. ثم نضيف له شعرية الصينية مسلوقة مقطعة ونخلط المكونات نترك حتى تستوي ونطفئ النار، ثم نضيف له تونة نخلط الكل نترك الحشوة تبرد جانبا.
6. نأخذ مسمنة الأولى و نقطعها على 2 أقسام بالسكين ثم نضع الحشوة فوسط العجين و نضيف جبن مبشور و نلف العجين كما موضح في الفيديو ونضعها في صفيحة فرن مفروشة بورق الطبخ و نبسطها و تذهن فطائر بمزيج صفار بيضة وقطرات من الحليب السائل.
7. ثم نقطع بالسكين العجين إلى قطع و نعمل خطوط بالسكين من فوق بالعجين و نرش ليها حبوب الخشخاش و تدخل للفرن ساخن على 180 درجة.

8. بعد أن تستوي فطائر مالحة تقدم ساخنة
#منقول

27/02/2025

افكار طاجين حلو 🇩🇿

27/02/2025

ديكورات سلاطة

19/02/2025

بزاف بزاف يطلبوني في الوصفة تاع les boites de cakes وديما نمدها في الپريفي ليوم قلت نپارطاجيها جاي رمضان بلاك تحبو تعتمدوها كمشروع وتسترزقو بيها نيتي ندي بيها الأجر ممكن تكون سبب في باب رزق لكاش وحدة ادعولي دعوة خير برك ❤️

ركزوا مليح يا نسوان خاطر الوصفة فيها عصفورين بحجر واحد وصفة الجينواز لي نعتمدها ووصفة التحلية

الطبقة الأولى ( الجينواز)
كل بيضة تقابلها 30غ سكر و 30فرينة و كي تعود goût choco نقصو 5غ فرينة ونعوضوها بكاكاو يعني تولي كل بيضة تقابلها 30غ سكر،25غ فرينة و 5غ كاكاو ( نشرح بالتبسيط هك باه الناس كل تقدر تفهمني )
مثلا كي نحبو نخدمو ب 3 بيضات تقابلهم 90غ سكر و 75غ فرينة و 15غ كاكاو
نفصلو الصفار عن البياض و في récipient نطلعو البياض مع قرصة ملح حتى تتشكل رغوة و يضاعف الحجم نضيفو السكر تعنا على ثلاث دفعات ونبقاو نطلعو حتى يباض الخليط تعنا و كي نهزو الخلاط تعنا يشكلنا منقار العصفور نزيدو نضيفو الصفار و نطلعو شوي مبعد نغربلو الفرينة و كيف كيف نحطوها على ثلاث دفعات مبعد نخلطو من تحت للفوق باه ماتهبطش ونفرغوها طيب
ملاحظة : الحوايج لي نخدمو بيهم يكونوا ناشفين خلاه بويسك قطرة تع ماء تفسدلنا la texture ومتطلعش مليح والبيض يكون بدرجة حرارة الغرفة ...

نشربوا لاجينواز تعنا بالسيرو لي كنا خدمناها قبل وبردت

السيرو: كاس سكر مع ثلاث كيسان ماء نحطوهم فوق النار كي يبدا يغلي نحسبو 10 دقايق ونطفيو

الطبقة الثانية : (لا موس )
نطلعو لاشونتي ونزيدولها شوكولا دايبة ( انا نخدم بدادا نواغ ) منقدرش نمدلك مقادير مظبوطة خاطر كل وحدة راح تخدم بكونتيتي زي المهم لاكرام ماتكونش ثقيلة بزاف بويسك كي تبرد تزيد تحكم روحها

ملاحظة: كي ذوبوا الشوكولا نزيدولها شوي من لاشونتي لي طلعناها ونخلطوها مليح باه كي نفرغوها ما يصراش le choc thermique خاطر الشوكولا سخونة ولاشونتي باردة تولي تيبس وتكعبر ( اني نعطيكم في عصارة أخطائي لي طحت فيهم 😂)

الطبقة الثالثة: (لاقاناش)
انا ندير شوكولا +كرام ليكيد ( نخدم ب إيلا ونزيدلها شوي حليب خاطر تجي ثقيلة ) ونحط نفس القيس منهم في زوز مثلا 100غ شوكولا و 100غ كرام ليكيد ونحطوهم فوق النار حتى يتجانسو ومبعد نفرغوهم فوق الطبقة الثانية لي أكيد تكون بردت مليح على الاقل ساعتين

ملاحظة: لي تحب وصفة اقتصادية للقاناش دير مثلا مورصو شوكولا وفنجال حليب
منقول

15/02/2025

14/02/2025

#رسالة
السلام عليكم
بنتي هربت م الدار يوم 31ماي ولم تعد لحد الساعة علما انو ابنتي من مواليد 9جانفي 2004 سبب لي خلاها تخرج انو الاخ ديالها تقبض عليها تحكي مع شخص في الهاتف و بعد ماراقب الهاتف لقى المحادثات مع رجل تحبو ..الخ ضربها و عنفها و قالها نحبسلك الدراسة في اليوم الموالي انتهزت الفرصة وهربت حوالي 13h حوسنا عليها في كل مكان حتى الشرطة بحثت ومزالها مستمرة في البحث
ممكن راكي تقراي و تشوفي ف رسالة هادي صدقيني مراني لا نرقد لا نأكل لا نشرب رآه كل مايطبطو عليا فلباب نقول ممكن هي ولات ، راهم عينيا نشفو م لبكا عليك راني نوض بيك نرقد بيك وكل مانفتح لخزانة نشوف حوايجك. نولي نبكي حتى يطلعلي الضغط و السكري ونلقى روحي ف سبيطار يابنتي راني مكوية منك علابالي بلي كامل الناس تغلط علابالي بلي راكي خايفة تولي و يزيدو يضربوك و يحبسولك قرايتك و يزوجوك ديري ف بالك هادي مكاش منها راهي مجرد هدرة نهدرت في وقت التقلاق ونتي علابالك بلي مانسمحش يصرالك هكا وخاوتك مايسجنوكش بهاد طريقة ، صدقيني والله غير واحد مايمسك وواحد ما يهدر معاك وواحد ما يغلق عليك غير وليلي برك ،غير سمعيني صوتك برك ،غير قوليلي راني مليحة برك يا يما، يابنتي راني نتعذب ونار شاعلة في قلبي غير طمنيني عليك برك هذا مكان منبعد ديري واش تحبي ،انا يماك ماعنديش من غيرك
ولادي ، بناتي من فضلكم بارطاجيو معايا هذه الرسالة وعاونوني ربي يعطيكم ماتتمناو ممكن هذه الرسالة تقراها وتوصل ليا خاطر ماخليت حتى حاجة مادرتهاش ممكن هذه الرسالة تكون سبب يكتبها ربي تقراها و تفهم كلامي وتوليلي ،ادعو معايا توليلي بنتي بخير وعلى خير ومن فضلكم التعليقات السلبية ماتزيدوش عليا خاطر لي فيا راه يعلم بيه غير ربي سبحانو ،

11/02/2025

#رسائلكم
مزال سمانة و نولد انا يتيمة مقطوعا من شجرة عندي خياتي بصح جامي جات وحدة لداري بسك راجلي ماشي من نيفو تاعهم منافري كانو كي نروح ليهم نشبع معاني معاير حبست من عندهم وقفتهم عند حدهم على جال راجلي بصح يالبنات ولد حلال وسيد رجال ومفرحني يقيمني 5سنين زواج مكانش نهار زعفني لا هو ولا شيخي عجوزتي حماتاتي جامي دروني بلي برانية متهلين فيا يشرولي كلش عجوزتي ديرتني كيفها كيف بناتها في كلش ديما واقفا معايا جامي لا ننسا خيرها عندها سمانة قاتلي كي تولدي نديرو عقيقة مسكينة عجوزتي توجد وتفتل في طعام من قلبها قاتلي نعرضو خياتك يفرحو معاكي نهار تولدي سكت سكت بسك هيا معلبلهاش بلي كانو يعا.يرو وليدها حتا جات ليا ليوم قاتلي نروح نخبرهم خياتك نعرضهم في طريقي راحت ليهم اختي كبيرة قلتلها هداك ما خصني نجي عند طلابين قالتلها لعجوزتي غضتها عمرها حتا دمعة طحتلها جات ليا قاتلي اقسم بالله مدام راني حيا ما يدخلو داري ولا نوجبهم ونتي متروحيش ليهم بنتي وتقعدي بنتي ونفسك نرفدك فوق كتافي ايه هدي عجوزتي ربي يحفظهالي جاست من صباح في راسي لقيت خير في عجوزتي بصح غضتني كي قالولها منجوش عند طلابين ادعولي ربي يعطيني وقفة ساهلة بسك عندي مرض سكر

10/02/2025

طاجين الحلو :
الوصفة:
كيلة سكر
2 كيلات ماء
كيلة فواكه جافة (مشماش ، برقوق ،اناناس ،زبيب....)
عود قرفة باه ماتكحالش المرقة و تقعد شابة قصدي ماديروش قرفة بودر
نجمة الأرض ان توفرت
مغرف زبدة
ندير الزبدة مع القرفة في قدرة كي تذوب نزيد السكر و الماء و شوية ماء زهر نخلي السيرو يطيب نار قليلة
من جهة ندير الفواكه الجافة تفور حوالي 10د بعد الغليان
البرقوق نديرو ف كسرونة غير يغلي غلية برك نطفي عليه باش يتلق اللون الاسود تاعو ومايفسدليش اللون تاع المرقة
كي يطيب السيرو يبدا يتقال ندير المشماش و الزبيب كي يتنفخو و يدخلهم الطياب نزيد التفاح لي قشرتو و ودرتو ف récipient فيه ماء و قارص و حكيتو بالقارص المهم ديروه غير تشوفوه بدا يولي طري ما تخلوهش يتحرحر خلو الحبة تقعد على قوامها واقفة زيدو العينة خلوها 10 دقايق طفو النار و ديرو ماء زهر
قبل لا تطفئ ب5دقايق ارميلو حبيبات شباح الصفراادا حبيتي
او زينيه بلوز وشهية طيبة
وراح يكون متوفر للبيع طيلة الشهر الفضيلطاجين الحلو :
الوصفة:
كيلة سكر
2 كيلات ماء
كيلة فواكه جافة (مشماش ، برقوق ،اناناس ،زبيب....)
عود قرفة باه ماتكحالش المرقة و تقعد شابة قصدي ماديروش قرفة بودر
نجمة الأرض ان توفرت
مغرف زبدة
ندير الزبدة مع القرفة في قدرة كي تذوب نزيد السكر و الماء و شوية ماء زهر نخلي السيرو يطيب نار قليلة
من جهة ندير الفواكه الجافة تفور حوالي 10د بعد الغليان
البرقوق نديرو ف كسرونة غير يغلي غلية برك نطفي عليه باش يتلق اللون الاسود تاعو ومايفسدليش اللون تاع المرقة
كي يطيب السيرو يبدا يتقال ندير المشماش و الزبيب كي يتنفخو و يدخلهم الطياب نزيد التفاح لي قشرتو و ودرتو ف récipient فيه ماء و قارص و حكيتو بالقارص المهم ديروه غير تشوفوه بدا يولي طري ما تخلوهش يتحرحر خلو الحبة تقعد على قوامها واقفة زيدو العينة خلوها 10 دقايق طفو النار و ديرو ماء زهر
قبل لا تطفئ ب5دقايق ارميلو حبيبات شباح الصفراادا حبيتي
او زينيه بلوز وشهية طيبة
منقول

08/02/2025

اطباق رمضانية 😋
للمزيد من الافكار ديرو جام يلحقكم كل جديد

08/02/2025

قلب اللوز فالمول الأسطوري 10 ×30اكسبراس معسل للقلب ناجح ومضمون وصفة مكتوبة للشاف سمية
كاس سكر نص كاس ماء زهر نخلط مليييح حتى يذوب السكر نزيد ربع كاس زيت رشة مرح ونصف ملعقة صغيرة كاكاو بني من اجل اللون نخلط ونضيف 2كاس سميد خشن خاص بقلب اللوز ونواصل الخلط حتى تندمج جميع المكونات ندهن المول بالسمن نوزع الخليط ونخليه ربع ساعة قبل الطهي يطهى على 200م° من أسفل حتى تتحمر الاطراف نزيد ندهن السطح بالسمن ونطيبو من أعلى بعد لي يطيب نسقيه بالشاربات ونخليه يريح عالاقل 3ساعات
الشاربات
كاس سكر 2كاس ماء شريحة ليمون تحسبيلها من وقت الغليان 15دقيقة على نار متوسطة وضيفيلها ربع كاس ماء زهر
منقووول