10/06/2026
📌لو هتجيبي غسالة أطباق لأول مرة متستعجليش وخدي بالك من كام حاجه مهمين جدًا 👌🏻♥️
🔹من وجهة نظري تجيبي غسالة اطباق 14 فرد حتى لو انتوا اتنين بس أو أسرة صغيرة.
ليه⁉️
لأنك مش بتشتري كوبايات ولا حله هتغيريها بعد سنه، انتي بتشتري جهاز المفروض يعيش معاكي سنين.✨
فبصي لقدام شويه مش لاحتياجك النهارده بس يعني ممكن ربنا يرزقك بأطفال، ممكن العزومات تزيد، ممكن تلاقي نفسك بتطبخي أكتر، وساعتها هتندمي لو جبتي سعة صغيرة
✨ الـ 14 فرد هي اكتر حاجه معقوله لانها هتستوعب احتياجاتك دلوقتي وكمان بعد سنين بإذن الله ♥️
🔹شوفي استهلاكها للكهربا والمياه
علشان تبقي مرتاحه وإنتي مشغلاها ومتبقيش قلقانه من الفواتير نموذج A دايما كويس ✨
🔹عدد البرامج / مش مهم يبقى عندك 15 برنامج عمرك ما هتستخدميهم، المهم البرامج الأساسية اللي هتعتمدي عليها فعلاً في يومك 👌🏻
🔹مستوى الصوت خصوصًا لو مطبخك أمريكان أو مفتوح على الريسبشن ف كل ما كان صوتها أهدى كل ما كان استخدامها مريح أكتر♥️
🔹بصي على عدد الرشاشات / كل ما توزيع المياه جوه الغسالة كان أحسن كل ما النضافة كانت أفضل😍
🔹اسألي عن الصيانة لان ممكن غسالة تبقى مواصفاتها تحفه لكن صيانتها سيئة أو قطع غيارها مش موجودة.
ودي حاجه محدش بيفكر فيها غير لما تحصل مشكله للاسف🙆🏻♀️
📌وآخر نصيحة باكدلك عليها متجيبيش غسالة على قد ميزانيتك وبس ولا على قد احتياجك النهارده وبس
جيبي غسالة تعيش معاكي وتستحمليها سنين وتكفيكي حتى لو ظروفك اتغيرت وعدد أفراد بيتك زاد لأن الأجهزة الكبيرة دي استثمار طويل المدى، والاختيار الصح من الأول بيريحك سنين قدام ❤️
وأحب أقولك إن غسالة الأطباق اللهم بارك من الأجهزة اللي فعلًا فرقت معايا في المطبخ ووفرت عليا وقت ومجهود كبير جدًا والاختيار الي عمرك ما هتندمي عليه ابدا بجد ♥️
