Smile Gallery “المهندسة بسمه"

22/07/2026

ناس كتير مننا بتعاني من ان زجاج الشبابيك عندها شفاف وبيدخل اشعة شمس وحراره شديده وبالليل لما نشغل النور بيبقي مفيش خصوصيه ومكشوفين من الخارج

كتير مننا بيشتكي من ان زجاج الشبابيك عنده شفاف وبيدخل اشعة شمس وحراره شديده وبالليل لما نشغل النور بيبقي مفيش خصوصيه ومكشوفين من الخارج

او سعات بيبقي عندنا الشيش بيدخل تراب شديد ومحتاجبن حاجه تقفل عليه من الخارج او الداخل شكلها شيك وتدخل اضاءه في نفس الوقت

وسعات زجاج الضلف بينكسر ومفيش ميزانيه حاليا نشتري زجاج مصنفر جديد

لقيتلكو الحل بديل الاكريليك الباك لايت دا تحفه

بيدخل اضاءه وبيمنع الاتربه ويستخدم بديل للزجاج نفسه

دا بالاصافه لانه اساسا بيستخدم لتوزيع الاضاءه مع الخشب المفرغ للاسقف بس مفيش ما يمنع اننا نستغل مميزاته في ايجاد حلول لمشكلات اخري 🤩

22/07/2026

ليه بنشوف نفس شكل المرايتين

وواحده سعرها عاالي واالتاني سعرها اقل وننخدع بالسعر

الفرق هو نوع الطبقه العاكسه اللي بتفرق في جودة نقاء صورتنا في المرايه هل الطبقه دي المونيوم هل الطبقه العاكسه دي فضه

فا مننخدعش ونقارن اسعار بدون ما نعرف التفاصيل👌



@الجميع

22/07/2026

رف ديكور سداسي استيل +شلال زرع ايكيا ❤️❤️🌹

19/07/2026

بتعملو مطبخ مفتوح وبعدين بتطلبو نداريه ازاي بديكور شيك.. طب ليه😊

اعملو مطبخ مفتوح علي المعيشه مفيش مشكله

اعملو بوفيه مفتوح علي ريسيبشن يِخَدِم علي ضيوف الريسيبشن اوك

لكن مطبخ رئيسي مفتوح علي ريسيبشن 🤷‍♀️

بس ولا يهمكو اعملو اللي يعجبكو 👌

واحنا نظبط معاكو الامور عمليا وديكوريا 😊

اي مشكله حلها سهل معانا ان شاء الله

ستاره رول باشكال ثري دي

والاشكال والرسومات زي ما تحبو ❤️❤️

08/07/2026

سيلفر & جولد

اطقم شمعدان ديكور تحفه

ينفع علي السفره او الدليسوار او ترابيزة الالانتريه

08/07/2026

فازه كونكريت بالورد تحفه

حجمها مناسب للسفره

05/07/2026

05/07/2026

مرايات ليد وبدون ليد ❤️

متاح تنفيذ جميع المقاسات والاشكال👌

02/07/2026

هي الادوار السكنيه الاخيره مفيش حل للشمس اللي ضاربه فيها في السقف والحوائط دي ؟

كتير بيعاني من ارتفاع درجات الحراره بسبب الاحتباس الحراري داخل الشقه في الادوار السكنيه المرتفعه
علاوة لو دور اخير حاجه اللهم اجرنا
لو انت دور اخير ولسه محطتش بلاط في السطح
فكر تعزل ب فوم عزل حراره تخفف شويه من امتصاص السقف للحراره وبلطها بلاط موزايكو او بلاط سنجابي وبلاش السيراميك لانه بيحتفظ بالسخونه
طيب لو عامل بلاط في السطح بدون عزل حراري او عملت عزل حراري ومش حاسس بفرق كبير عن قبل
يبقي ظلل السطح بمظلات بخامه مناسبه مع الامكانيات الماديه ولكن نراعي الارتفاع ما يبقاش عالي عشان يفضل السطح مظلل من الشمس اكتر وقت ممكن لان كل ما زاد ارتفاع المظلات كل ما بنسمح بدخول اشعة الشمس فترة اطول علي الارضيه

ولو عملنا عزل حراره في الارضيه + مظلات
اكيد النتيجه هتكون افضل

طيب لو حائط في الشقه معرض باستمرار للشمس
ودرجة الحراره مرتفعه باستمرار بالداخل
في الواح عزل حراري للحوائط اسمها الواح مارموكس بورد
عباره عن فوم مضغوط وسطحها معالج بحيث جاهزه لفرد المعجون والدهانات فوقها او ممكن نلزق فوقها ورق حائط
والمارومكس بورد دي هي مش عازل حراره بس لا دي كمان عازل صوت وفي منها سمك مختلف وتستخدم كقواطيع لتقسيم الفراغات الكبيره👌

تحياتي لحضراتكو / المهندسه بسمه المشنب
@الجميع

28/06/2026

محتار او محتاره في هديه قيمه
تهنئه بالجواز او الخطوبه او الجواز
متوفر اباجورتين ابيض Très chic