Rema's kitchen مطبخ ريما

07/07/2026

طريقة احلي سينابون ممكن تدوقوه في حياتكم زي برا بالظبط وبأقل التكاليف هنا في مطبخ ريما يلا بينا نبدء
بسم الله والصلاة والسلام على رسول الله
نبدء بالمقادير :
نص كيلو ٣ كوبيات
معلقه كبيره خميره فوريه مع معلقة سكر صغيره
معلقة زبده / ربع كوب زيت
ميكس مابين قرفه علي سكر
كوب لبن او نص كوب لبن او حته قشطه اي منتج من منتجات الالبان ماعدا الجبن يعني كريمه او وش لبن او حليب او لبن بودر
نص كوب مياه دافيه
السر هنا بقي 👈 : هنجيب في طاسه كوب مياة عليهم معلقتين دقيق ونقلبهم ونرفعهم ع النار لحد ما الدقيق يتجانس مع المياة ويبقي خليط بيلزق كده وبيتفرد دي اسمها #العجينه #اليابانية

🟢الطريقه 👈
الخميره ف نص كوب مياه دافيه مع معلقه سكر نقلب ونسيبها ع جنب
نجيب بوله نحط فيها كيلو الدقيق عليهم رشه ملح صغيره عليهم ونحط الخميره وقلب كويس ونبس الدقيق في بعضه كويس جدا ونحط عليها العجينه اليابانيه وبعد كده المياه الدافيه او اللبن حبه ب حبه لحد ماتلم وتبقي طريه جدا نسيبها تخمر لو في الشتا هتبقي ساعه لو في الصيف هتلاقيها ٤٥ دقيقه او نص ساعه وارتفعت خالص تضاعف حجمها ناخدها بقي ونكون محضرين الحشو عباره عن معلقه كبيره قرفه علي معلقه كبيره سكر وربع كوب زيت ونقلب كويس جدا
ونجيب العجينه ونفردها بالنشابه لحد ماتبقي مستطيله كبيره نجيب الحشو ونفرده ع العجينه كويس وتقطع العجين الي شرايح طويله ونجيب من طرف اول شريحه ونلمها لحد ماتبقي معانا شبه الكوره المقلوبه كده وهكذا في كل الشرايح ونجيب صينيه مدهونه زبده او زيت ونرص السينابون بتاعنا ونغطيه بفوطه تخمر ربع ساعه ونكون مسخنين الفرن مسبقا ندخلها ونتابعها عشان السينابون مبتاخدش سوا كتير ولا بنشغل الشوايه
اول ماتطلع ع طول نرشها عليها ببخاخ مياه وبعد كده بنغطيهابفوطه تهدا حبه وبعد كده بنحط عليها خليط مابين القرفه والسكر البورد ونغطيها
وبألف هنا وشفا😍🫶

06/07/2026

لما تكون غرضك تزين بسكوت بالشوكلاته ف يطلع منك شكل الفلافل ( بصوا النية يا جماعة ميغركوش المظهر ) والله تسلم ايدي الطعم خطييير
بسم الله والصلاة والسلام على رسول الله
بسكوت الشوكولاتة الاقتصادي السريع 🍫☕️ من غير ولا نقطة زبدة ومن غير بيض! مقرمش وهش ومكوناته كلها في البيت بنتي قالتلي ياماما عاوزه اكل بسكوت وطبعا انا ضد اي حاجه تتتجاب من برا ف عملتلها بسكوت بالشوكلاته في ثواني والمقادير دي تعمل معاكي ٣٠ حبه دا اقل حاجه . دي المقادير المظبوطة "الكمية الكبيرة" عشان تكفي وتفيض:
✨ المــقـاديــر بالظبط ✨
• 3 كوبايات دقيق
• كوباية زيت نباتي (يكون نضيف وخفيف) ممكن نستبدله بزبدة
• كوباية سكر بودرة انا حطيت عليها حبه جوز هند مطحون
• 6 معالق كبار كاكاو خام (مش محلى)
• 2 معلقة صغيرة بيكنج بودر
• 2 معلقة صغيرة فانيليا
• رشة ملح صغيرة
• من 6 لـ 8 معالق كبار لبن أو مية (حسب ما العجينة تلم معاكي)
🥣 الطريقة في السريع:
1️⃣ اضربي الزيت مع سكر البودرة والفانيليا كويس لحد ما السكر يدوب خالص.
2️⃣ انخلي فوقيهم الدقيق والكاكاو والبيكنج بودر ورشة الملح.
3️⃣ لِمّي العجينة باللبن أو المية حبة حبة (بلاش عجن كتير عشان ماينشفش، مجرد تلم معاكي وتبقى ناعمة ومش بتشقق).
4️⃣ كوريها وبططيها حاجة بسيطة ورصيها في صينية فيها ورقة زبدة أو مدهونة مسحة زيت خفيفة.
5️⃣ ادخليها فرن سخن على 180 درجة في الرف الوسطاني من 10 لـ 12 دقيقة وبس.
⚠️ ملحوظة: أول ما بيطلع بيكون طري شوية، سيبيه يبرد تماماً في الصينية وهتلاقيه قرمش وبقى خطير مع كوباية الشاي بلبن! بالهنا والشفا ياحبايب ✨

03/07/2026

30/06/2026

الغدا النهاردة مش عادي! طاجن فراخ بالخلطة السرية والصوص الغرقان، ومتغطي بطبقة مقرمشة هتاخدكم في حتة تانية خالص 🤤 وعملت معاه كمان سلطة وحتتين عيش بالزعتر يفتحوا النفس.. جربوه وقولولي رأيكم في الكومنتات! 👇❤️" متنسوش لايك وشير .
طاجن الفخار الملكي بالفراخ والصوص السحري 👑✨
الوصفة دي شكلها لوحده "جوع" وهيخلي أي حد بيعمل سكرولنج يقف عندك ويسألك عن الطريقة فوراً!
المقادير اللي هتحتاجيها:
الفراخ: صدور فراخ متقطعة مكعبات، وعليها معلقة صغيرة من (بابريكا، ثوم وبصل بودرة، بهارات فراخ، ملح، وفلفل أسود).
الخضار: فلفل ألوان متقطع شرايح، بصل جوانح، ومشروم فريش.
الصوص السحري (السر كله هنا): كوباية كريمة طبخ، نص كوباية جبنة كريمي، معلقة كبيرة صويا صوص، ورشة سكر بني صغيرة (عشان تديكي طعم "الكراميل المالح" الغني ومن غير ما تبان مسكرة).
الغطاء المقرمش: عجينة بف باستري (أو عجينة عيش عادية)، وصفار بيضة مع رشة حبة البركة وسمسم.
طريقة العمل في السريع:
شوحّي الفراخ: في طاسة على النار مع شوية زيت، نزلي الفراخ والبهارات وشوحيها لحد ما تدخل في السوى، وبعدين شيليها في طبق على جنب.
ادبلي الخضار: في نفس الطاسة، نزلي البصل والفلفل الألوان والمشروم واعلميلهم تقليبة حلوة لحد ما يدبلوا.
مكس الصوص: رجعي الفراخ تاني فوق الخضار، وانزلي بكريمة الطبخ، الجبنة الكريمي، الصويا صوص، ورشة السكر البني. سيبيهم يغلوا دقيقتين لحد ما الصوص يتقل ويبقظ.
تجهيز الطاجن: صبّي الخليط الرهيب ده في طاجن فخار سخن.
اللقطة الاستعراضية: غطي الطاجن بعجينة البف باستري، وادهني الوش بصفار البيض ورشي السمسم وحبة البركة.
على الفرن: دخلي الطاجن فرن سخن لحد ما العجينة تنفخ وتاخد لون دهبي خطير.

30/06/2026

هو اية سرالبيتزا الهشة اللي بتبقي زي المطاعم ؟! 🫶

السر في حاجتين هنا .. اولهم العجين والصلصة
خلينا نبدء بالعجين عشان تطلع معاكي هشة وناعمه وطرية ورفيعه ف نفس الوقت هنعمل حاجتين هنضيف زبادي و٤معالق زيت زيتون للدقيق هيديها طراوة والزبادي مش هيخلي العجين محناج مياة دافية كتير

تاني حاجه الصلصة هي اللي بتفرق في طعم البيتزا ممكن تنقلها نقلة تانيه خالص وطعم وريحه خطيييرة طب ازاي يا شيف ريما ؟ هقولك ازاي .. بأنك تعمليها ني x ني وتحطي اول حاجه في بولة طمطماية مسلوقه منزوعة القشر وتهرسيها كويس ومعلقه زيت زيتون ومعلقه صلصه جاهزه ومعلقه صغيره سكر وطبعا بهاراتك ملح وفلفل اسمر وتوم بودر وبصل بودر وزعتر مطحون .
مبنحطش توم ني نهائي ولا بنحط المكونات ع النار جربي التركايتين دول هينقلوا البيتزا بتاعتك ف حته تانيه خالص .
بألف هنا 😍🫶

26/06/2026

انهارده عملتلكم بقي استربس بانية انما اييييييية حكايه 😍🫶
هنجيب صدور بانيه ونقطعهم شرايح متوسطه طويله ونتبلهم بمياة بصل وتوم بودر وبصل بودر وفلفل اسمر وملح ونسيبهم ليله كامله في التتبيله وتاني يوم نجهز بولة نحط فيها كوبايه بقسماط مطحون ومعلقتين دقيق كبار وفيچيتار بارد مطحون وبهارات فراخ وملح وفلفل اسمر ونقلبهم وفي بوله تانية نحط بيضتين بملح وفلفل اسمر ونقلب حلو ونضيف البانيه للبيض وبعدها لخليط البقسماط والدقيق ومنه علي طاسة الزيت المغمورة زيت او في الاير فراير برشة زيت واحده بتطلع مقرمشة وتحفه .
بالهنا 😍🫶

24/06/2026

بسم الله والصلاة والسلام على رسول الله

انهارده هنعمل اكله مكرونه بالصلصة ولحمه بالصوص .. خلينا متفقين ان محدش مبيعرفش يعمل مكرونه بالصلصه وبطاطس محمره حتي الرجال بتعرف تعملها وسهله
انا جايه عشان اقولكم احلي طريقة للحمه المحمره بالصوص ممكن تدوقوها في حياتكم وهتكون أخر سوي وطريه وجميله

المقادير :
نص كيلو لحمه متقطع قطع مكعبات صغيره عشان تستوي اسرع
بصل ابيض واحده بس نقطعها شرايح
كريمة طهي (اختياري ) لاني مش ديما بعملها بكريمة بس لو توافرت الكريمه بحطها بتدي طعم احلي واغني للصوص

الطريقة :
نجيب اللحمه ونغسله ونقطعها مكعبات صغيره وحلة علي النار نحط معلقتين سمنه او زيت ونحط البصل الشرايح ونقلب يدوب يدبل حاجه بسيطه عشان هيستوي مع اللحمه
بعد كده نحط اللحمه ونقلب
( البهارات بقي : ملح /فلفل اسمر / رشة جوزة الطيب مبشورة / بهارات لحمه ) احلي حاجه البساطه ف كل حاجه بتخلي الاكل طعمه جميل كتر البهارات بيخلي الاكل مبهر وطعمه مش موجود كأنك بتاكل بهارات بس
ونقلب حلو بعد ماتاخد لون نحط كوبايتين مياه ساخنه تغلي غلووه وتوطي النار وتغطيها نص ساعه وافتحي عليها شوفي اللحمه استوت ولا لسه لو لسه خليها ربع ساعه كمان هي كلها بتاخد ساعه الا ربع سوي بعد ماتستوي حطي كريمه الطهي عليها وقلبي يدوب معلقتين بس كريمه طهي عشان مضيعش لون صوص اللحمه الاساسي يدوب عشر دقايق وطفي عليها
واخر تركايه حطي روز ماري عليها منغير العود الاصلي بتاعه ودوقي احلي طريقة للحمه
بالهنا والشفا 🫶😍
#طبخ #لحمة #ترند #اكل #صوص

24/06/2026

بسم الله والصلاة والسلام على رسول الله صلى الله عليه وسلم

من النهارده هتبقي شيف في المعجنات مع مطبخ ريما انتي ديما مستعده يلا بينا نبدأ بسم الله
هنعمل بيتزا اقتصادية سهلة وسريعه وخفيفه جدا وهشه لابعد الحدود المقادير دي تكفي ٣ افراد
المكونات :
للعجينه : كيس خميره فوريه وتلت اربع كوب لبن دافي ومعلقه صغيرة ممسوحه سكر نقلبهم ونسيهم ع جنب تخمر
ونجيب ٣ كوبيات دقيق ونص ومعلقتين كبار زيت زيتون او زيت عادي بس زيت الزيتون بيخليها طرية
ونقلب ونحط رشه ملح ونحط الخميرة اللي سبناها تخمر بعد كده نعجن كويس جدا ونزود لبن دافي عشان العجينه تبقي طرية ونقسمهم ٣ كور وندهنها زيت ونحطهم ف علبه عليهم غطا ونفتح النار فالفرن دقيقه ونطفيها يدوب الفرن يسخن وندخل فيه العجينه في خلال ساعه هتكون تضاعف حجمها

الحشو بقي اختياري انا عن نفسي حطيت واحده لحمه مفرومه بلدي منغير اي اضافات غير الجبنه بس للانسة الصغيره بتاعتي
وواحده بسطرمه بالفلفل والزيتون والموتزريلا ورشة ريحان مقطع فريش وواحده ميكس لحوم

الصلصة بقي دي اختراع :
معلقه صغيره توم مفروم تتحمر بسيط ونحط ٣ معالق صلصه تتسبك ونحط عليها رشة زعتر وملح وفلفل اسمر ورشة جوزة الطيب تتسبك ونرفعها من ع النار. وقبل ماندهنها ع العجينه نحط فيها حبه ريحان فريش مقطعين .

اللحمه المفرومه طبعا نعصجها ونحط فيها روز ماري فريش بردو هتخلي الريحه جنان والطعم تحفه.

تركاية الفرن بقي : نسخن الفرن كويس جدا وعالي والصاج يبقي سخن جدا ونحط الصينيه عليه ع طول عشان تستوي صح وهي مبتاخدش ١٠دقايق وبفتح الشوايه تاخد وش تسييح انا مبحبش الوش يتحمر بحب الموتزريلا سايحه كده .

وبألف هنا 😍🫶

صباحكم #بيضحك 😘

/

23/06/2026

انا لما بغيب مبغيبش اونطة 🤪
جيبالكم انهارده وصفة خطييييرة ومفيش بيت مبيحبهاش 😍
هنحضر مع بعض كبدة اسكندراني اصلي بس اييييية في قلبك 😘
المقادير :
كمية الكبده علي حسب عدد الافراد احنا فردين ف يدوب ربع كبدة هتكفي حلو جدا متقطعه شرائح رفيعه
والخلطة السحريه بقي ( ربع معلقه كزبرة ناشفة وربع قرن فلفل حامي ومعلقة صغيره توم مفروم وربع معلقه ملح وربع معلقه صغيره خل ولمونه حطيهم في الهون واطحني كله مع بعضه هتلاقي الريحه بتاعت الخلطه تحفففه )
وقرن فلفل بارد. وقرن فلفل كوبي

الطريقة :

هتجيبي الكبده وتغسليها بصراحه فيه ناس مبتحبش تغسلها بس انا بحب اغسلها بمياة فقط تنزل الدم اللي فيها مش اكتر غسله واحده بس
واحط الخلطه عليها واقلبهم مع بعض واجيب طاسه علي النار فيها حبه زيت كده معلقتين
وحطي الكبده بالخلطه وقلبي تاخد لون الرمادي
وحطي عليها الفلفل المتقطع شرايح
وقلبي حلو ووطي عليها وغطيها خمس دقايق تنزل ميتها وتستوي حلو قلبيها و شيلي الغطا
وطفي عليها
حضري بقي طبق فيه لمون مقسوم نصين والفينو بتاعك
واحشي العيش بقس وكلي بألف هنا 😍😍🫶

#صباحكم #بيضحك 😘

/