Chef christina شيف كرستين

21/08/2026

مين يقدر يقاوم طبق المحشي ده؟ 😍❤️ محشي زمان بطعم البيت الحلو 👌😉❤️





Chef christina شيف كرستين

16/08/2026

🥔🍄 بطاطس صيامي محشية بالمشروم والخضار
🛒 المكونات:
4 حبات بطاطس متوسطة الحجم
250 جم مشروم مقطع
1 بصلة متوسطة مفرومة
1 فلفل ألوان مقطع صغير
1 جزرة مبشورة
2 فص ثوم مفروم
2 ملعقة كبيرة زيت
2 ملعقة كبيرة بقدونس مفروم
1 ملعقة صغيرة بابريكا
½ ملعقة صغيرة كمون
½ ملعقة صغيرة كزبرة جافة
ملح وفلفل أسود
رشة شطة حسب الرغبة
2 ملعقة كبيرة صوص طماطم
عصرة ليمون
👩🏻‍🍳 الطريقة:
اغسلي البطاطس كويس، واعملي فيها فتحات بسيطة بالشوكة.
ادهنيها بنقطة زيت ورشة ملح، ودخليها فرن ساخن لحد ما تستوي من غير ما تتهرى.
بعد ما تهدى، افتحي كل حبة بطاطس من فوق وافرغي جزء من القلب بحرص.
في طاسة، شوحي البصل والثوم في الزيت، وبعدها ضيفي المشروم والفلفل والجزر.
قلبي لحد ما الخضار يستوي والمشروم يتشوح، وبعدين ضيفي صوص الطماطم والتوابل وعصرة الليمون.
ضيفي جزء من قلب البطاطس للخليط وقلبي كله مع بعض.
احشي البطاطس بالخليط، ورصيها في صينية.
دخليها الفرن 10 دقائق كمان لحد ما الوش يتحمر وتاخد لون جميل 😍🔥
رشي بقدونس مفروم وقدميها سخنة.

#مشروم #بطاطس #طبخ #اكل
ادمن / Samah Elsanady
Chef christina شيف كرستين

14/08/2026

🍓✨ بودينج الشيا والكتان بالفواكه والعصير ✨🍓
فطار صيامي خفيف… لكن يشبعك لفترة طويلة! 😍❤️
لو زهقتِ من الفطار الصيامي التقليدي، جربي الوصفة دي 👌🏻
من غير لبن أو زبادي، وممكن تعمليها بعصير المانجا أو البرتقال أو أي عصير طبيعي تحبيه 🍊🥭
🥣 المقادير:
• 1 ملعقة كبيرة بذور شيا
• 1 ملعقة كبيرة كتان مطحون
• 1 كوب عصير طبيعي غير مُحلى
• فواكه حسب الرغبة 🍓🥭🍌🍎
• رشة قرفة اختياري
• مكسرات للتزيين اختياري
👩🏻‍🍳 الطريقة:
1️⃣ اخلطي الشيا والكتان المطحون مع العصير جيدًا.
2️⃣ اتركي الخليط 5–10 دقائق، ثم قلبيه مرة أخرى.
3️⃣ غطيه وضعيه في الثلاجة من 3–4 ساعات أو طوال الليل.
4️⃣ عند التقديم، ضعي طبقة من البودينج، ثم الفواكه، ثم طبقة أخرى من البودينج، وزيني بالمكسرات والفواكه. 😍
✨ لكن إيه اللي يخلي الفطار ده مميز؟
🌱 الشيا والكتان غنيان بالألياف، والألياف تساعد على زيادة الإحساس بالشبع وإبطاء الهضم، لذلك ممكن يساعدك الفطار ده إنك تفضلي شبعانة فترة أطول.
💪 مصدر نباتي للدهون الصحية، خصوصًا أحماض أوميجا-3 النباتية (ALA) الموجودة في الشيا والكتان.
🦴 مفيد لصحة العظام والمفاصل ضمن نظام غذائي متوازن، لأن الشيا والكتان يحتويان على عناصر غذائية مهمة، مع اختلاف الكميات حسب باقي مكونات الوصفة.
✨ للبشرة والشعر:
الدهون الصحية والبروتينات والعناصر الغذائية الموجودة في البذور والمكسرات والفواكه تدعم التغذية العامة التي يحتاجها الجسم لصحة الجلد والشعر،
🍓 والفاكهة تضيف فيتامينات ومضادات أكسدة، وتخلي الوجبة مغذية ولذيذة في نفس الوقت.
🔥 والأجمل؟
إنها سهلة التحضير وممكن تتجهز من بالليل… تصحي تلاقي فطارك جاهز في التلاجة! 😍❤️
💡 أسرار الشيف:
لو عايزة قوام كريمي متجانس، قلّبي الخليط مرتين قبل دخوله التلاجة، واستخدمي الكتان مطحون طازة.
ولو القوام بقى سميك جدًا، زودي شوية عصير قبل التقديم.
❤️ صيامي • مشبع • غني بالألياف • سهل • ولذيذ
👩🏻‍🍳 Chef Christina | شيف كريستين

#اكل #طبخ
ادمن / Samah Elsanady
Chef christina شيف كرستين

14/08/2026

🎂❤️ كل سنة وإنتِ طيبة يا أجمل وارق وأحن قلب ❤️🥰
عيد ميلاد سعيد لواحدة من الناس اللي وجودهم في حياتي بيفرق معايا كتييييير🤍✨
يارب سنتك الجديدة تكون مليانة فرحة وراحة بال ونجاح وتحققي فيها كل اللي نفسك فيه وربنا يبعد عنك أي حزن ويعوض قلبك بكل خير ❤️🙏🏻
مبسوطة إنك في حياتي وإن شاء الله نفضل دايمًا أصحاب ونضحك ونفرح سوا كتير 😂❤️
كل سنة وإنتِ أجمل وأطيب بنوته 🎂👑❤️
وعقبال مليون سنة في سعادة وحب ونجاح يا رب 🥰🎉
انتي جميلة في كل حالاتك ياقمر انتي 🌹🌹😘😘
انتي جميلة زي ما انتي 🌹🌹🎊🎊🎂🎂😘😘😍😍



Christena Emad
Chef christina شيف كرستين

13/08/2026

🥔 طاجن بطاطس صيامي بالخضار في الفرن 😋❤️
أكلة صيامي بسيطة، اقتصادية ومشبعة… والبطاطس بتتسبك مع الخضار في صوص الطماطم لحد ما تطلع طرية من جوه ومتحمرة وشهية من فوق 🔥😍
المكونات:
🥔 بطاطس
🧅 بصل
🫑 فلفل ألوان
🍅 طماطم
🥒 كوسة
🧄 ثوم
🫒 زيت
🌿 ملح + فلفل أسود + كمون + بابريكا حسب الرغبة
الطريقة باختصار:
نقطع الخضار والبطاطس، ونرصهم في الطاجن. نحضر صوص من الطماطم والثوم والتوابل وقليل من الزيت، ونضيفه للطاجن. يدخل الفرن لحد ما البطاطس تستوي والخضار يتسبك، وفي الآخر نكشف الطاجن عشان ياخد وش محمر وشهي 😍🔥
✨ أسرار الشيف:
لو عايزة البطاطس تستوي أسرع، قطعيها قطع متوسطة ومتساوية، وخلي الطاجن متغطي في بداية التسوية ثم اكشفيه في الآخر للتحمير.
❤️ أكلة صيامي من مكونات بسيطة… لكن الطعم والريحة حكاية!

#اكل #طبخ
ادمن / Samah Elsanady
Chef christina شيف كرستين

09/08/2026

🥣 الطحينة البيتي بطعم ولا أروع 😍✨
اعمليها في البيت بمكونات بسيطة، وطعمها هيطلع أحلى من الجاهزة بكتير! ❤️
📌 المقادير:
3 أكواب سمسم أبيض
1½ كوب فول سوداني
3 أكواب دقيق
1½ كوب زيت
1 ملعقة صغيرة ملح
👩🏻‍🍳 طريقة التحضير:
1️⃣ تشويحة خفيفة جدًا:
شوّحي السمسم على نار هادئة تشويحة بسيطة من غير ما يتحمص أو يتغير لونه، واعملي نفس الخطوة مع الفول السوداني والدقيق.
⚠️ مهم: ما نحمّصش المكونات زيادة علشان الطحينة ما تطلعش بطعم مُر.
2️⃣ سيبي السمسم والفول السوداني والدقيق يبردوا تمامًا قبل الطحن، لأن ده بيساعد كمان على تقليل الرطوبة وما يضغطش على الجهاز.
3️⃣ اطحني السمسم لوحده والفول السوداني لوحده في المطحنة.
💡 ولو المطحنة صغيرة، دوقيهم أو اطحنيهم طحن بسيط في الهون الأول علشان ما يكونش الحمل تقيل على المطحنة.
4️⃣ في الكبة أو الخلاط، حطي ربع كوب من الزيت مع كمية من السمسم المطحون واضربي كويس.
5️⃣ أضيفي الفول السوداني المطحون، وكمّلي ضرب لحد ما الخليط يبدأ يتجانس.
6️⃣ أضيفي باقي الزيت والملح، واضربي الخليط كويس.
7️⃣ نضيف الدقيق بالتدريج:
حطي الدقيق معلقة معلقة مع الضرب، وكل ما الخليط يشرب الكمية نضيف غيرها، لحد ما تخلص كمية الدقيق والقوام يبقى ناعم ومتجانس.
8️⃣ في النهاية، صفي الطحينة في مصفاة ناعمة للحصول على قوام أنعم وأطرى. 😍
✨ سر الطحينة الحلوة:
التشويحة الخفيفة جدًا هي السر في إبراز نكهة السمسم والفول السوداني من غير ما تتحرق المكونات أو يظهر طعم مُر.
⚠️ ملحوظة مهمة جدًا:
الطحينة قوامها تقيل وبتحتاج ضرب، فـ ريّحي الكبة أو الخلاط أو المطحنة كل شوية أثناء الشغل، علشان الموتور ما يسخنش أو يتحرق.
❤️ وبكده عندك طحينة بيتي ناعمة، غنية وطعمها تحفة… تنفع مع الفول، العسل، المشويات، السلطات وكل الأكلات اللي بتحبيها 😍🥣
جربوها وقولولي رأيكم ❤️👇
#الطحينة 👑❤️ #طبخ #اكل
ادمن / Samah Elsanady
Chef christina شيف كرستين

08/08/2026

عزانا انك في السما ياحبيبتي😔
Chef christina شيف كرستين

07/08/2026

الاكله اللي لازم ناكلها في صيام العدرا ❤️❤️
خفيفة ومنعشة ومناسبة جدًا للصيام 🌿😋
ورجّعناها لكم من أرشيف الصفحة ❤️✨
يمكن تكون أول مرة تشوفوها، ويمكن تكونوا من زمان بتعملوها 😍
مين بيحب الشلولو؟ ❤️👇
😍❤️
#اكل

#مطبخ

Chef christina شيف كرستين

06/08/2026

🤍✨ كل سنة وأنتم طيبين ❤️
بمناسبة بدء صوم السيدة العذراء مريم
نصلي أن يمنحنا الله بركة هذا الصوم المقدس وأن تكون بركة وشفاعة أم النور معنا جميعا وتحفظ بيوتنا وقلوبنا في سلام وتعزي كل بيت حزين 🌹🌹❤️❤️
يا والدة الإله القديسة مريم اشفعي فينا أمام المسيح الذي ولدته ليغفر لنا خطايانا🙏🏻🤍
صوم مقدس مبارك وكل سنة وأنتم في نعمة وفرح وسلام ❤️🌿





Chef christina شيف كرستين

لما تكون بتحب الطبخ هتكون حياتك في المطبخ ممتعه ولأنك بتطبخ بحب مش مجرد واجب فخيالك بيتحرك وبتبتدي تبدع وتألف وصفات وتستحضر روح الفن والإبداع ولكل مبدع نفسه اللي بيبان في الطعم ويبهر الجميع وساعتها هيعرفوا أنه صنع بكل حب ��

05/08/2026

طبعًا انتي مهتمة بالصفحة وكل يوم بتنزلي فيديوهات ووصفات وبوستات حلوة جداااااا ومفيدة وده واضح جدًا ❤️❤️
بس أنا كل خوفي من كواليس فيديوهات الطبخ اللي على موبايلك... 🤭🤭
لو دي نزلت هي كمان أعتقد الصفحة هتبقى في حتة تانية خالص! 😂🍳📱
خلي أسرار المهنة تفضل أسرار 😅🍳
Samah Elsanady
#اكل
#وصفات

Chef christina شيف كرستين