� "أنا رنون.. المطبخ عندي مش بس وصفات، ده رحلة تجارب � كل يوم أكلة جديدة يا إما نكسر الدنيا يا نكسر المطبخ �.. المهم هنضحك ونستمتع سوا ��"
21/12/2025
وصفة اليوم 😋😋
🧀✨ جبنة كريمي بطعم الجبنة الرومي في البيت ✨🧀
قوام ناعم وطعم خطير زي الجاهز وأحلى 😋
👩🍳 الطريقة:
جبت نص كيلو لبن كامل الدسم وحطيته على النار لحد ما قرب يفور، عصرت عليه لمونتين صغار وطفيت النار وقلبته تقليبة بسيطة، وسيبته لحد ما قطع 👌
صفيته في قماش شاش وخدت الجبنة بعيد عن الشرش.
حطيت الجبنة في المطحنة (عشان الكمية صغيرة) مع:
✔️ رشة ملح
✔️ معلقة زبدة
وطحنت لحد ما بقى القوام كريمي، ولو حسّيته تقيل بزود معلقة صغيرة من الشرش واضربه تاني.
في طاسة على النار حطيت:
🥛 ربع كوباية شرش
🧀 كام قطعة جبنة رومي
وقلبت لحد ما ساحوا.
بعدها دوبت:
🥛 ربع كوباية شرش
🥄 معلقة صغيرة دقيق
🥄 معلقة صغيرة نشا
وضفتهم على الخليط وقلبت على نار هادية لحد ما مسك نفسه وبقى تقيل شوية.
أخدت الخليط ده وضفته على الجبنة في المطحنة، وطحنتهم كويس لحد ما بقى القوام كريمي ناعم ✨
وطبعًا أتحكم في القوام بالشرش حسب ما أحب.
في الآخر حطيته في طبق، زينته بشرايح جبنة رومي وغلفته بكيس استرتش 👌😋
😍 النتيجة: جبنة كريمي بطعم رومي خطير تنفع فطار، عشا، وسندوتشات!
📌 لو عجبتك الوصفة اعملي لايك وشير عشان الكل يستفيد ❤️
Be the first to know and let us send you an email when تجارب رنون في المطبخ posts news and promotions. Your email address will not be used for any other purpose, and you can unsubscribe at any time.
