25/07/2026
من غير فرن ولا بيض ولا خبز وماحدش هيصدق انها مش جاهزه 🥭
حلو مانجا باالذ كريمه ترطب ع القلب 🥭
*المكونات والخطوات *
مانجا مقطعه مكعبات
باكيت بسكويت ساده
نصف كوب حليب بارد
جيل للتلميع ودي خطوات تجهيزه والبديل كمان 👇
عباره عن معلقه جيلاتين بودره علي ربع كوب ماء ساخن ونقلبه كويس ونصفيه ونسيبه يبرد
ودا هنغلف بيه المانجا بيدي لمعه حلوه جدا وبيمنع غمقان الفاكهه
وممكن نستبدل الجيلاتين بجيلي مانجا موجود ف اي ماركت ونجهزه بسهوله 👈👈بناخد ربع مكونات الكيس علي ربع كوب ماء ساخن ويبرد وندهن بيه المانجا وممكن بديل تاتوهو دهن المانجا بالعسل الابيض
*مكونات الكريم شانتي *
كوب كريم شانتي خام بدون سكر
نصف كوب سكر بودره
كوب عصير مانجا او كوب حليب او ماء مثلج
ونخفقهم لحد مايتماسك القوام ويكون كريمي ونشيله ف الثلاجه لحد مانجهز كل المكونات
الخطوات
اي قالب اللي هنقدم فيه او كاسات او بولات صغيره
ناخد البسكويت ونسقيه بالحليب ونرصه ف القالب يغطي الارضيه سواء قالب كبير او بولات وقوالب صغيره
ناخد جزء من الكريمه ونغطي طبقه البسكويت ونفردها كويس بارتفاع سم ع الاقل
ونعيد طبقه من البسكويت المسقي بالحليب يغطي طبقه الكريمه
ونفرد باقي الكريمه ع البسكويت
ونشيل القالب بالفريزر نصف ساعه ضروري عشان الكريمه تتماسك كويس
ونجهز قطع مكعبات المانجا وناخد القالب بعد الفريزر ونوزع قطع المانجا ع طبقه الكريمه كلها وندهن المانجا بجيل التلميع او جيليي المانجا او العسل الابيض ولو هتاكلوا ف نفس الوقت او بعد ساعتين مثلا ممكن تستغنوا عن الجيلاتين او الجيلي والعسل عشان المانجا مش هتلحق تغمق
ونسيبه ف الثلاجه من ٣ ل ٤ ساعات ونقدمه
واللي يحب الوصفه بالشرح والخطوات موجوده بالفيديو هنا ع الصفحه👌
صحتين وهنا❤️
#حلويات #مانجا
