shimaa sherby شيماء شربي

12/12/2025

اسم بنت جميل من 3 حروف ♥️🌹✨

12/12/2025

لون " سبحتك ايه " ♥️🥹🫰

27/06/2025

العنب ف اسكندرية ب ٢٥ جنية .. ليه الاسعار مبالغ فيها عندك بكام فكل محافظه !!

18/05/2025

23 فكرة غداء رخيصه و غير مكلفة👌👌
يمكن تحضيرها يوميا👇👇

✔ ربع كيلو بانيه واضربيه فالكبه ومعاه بصلتين وطماطميه صغيرة وقرن فلفل حراق وملح وفلفل وتوابل ومعلقه كبيرة بقسماط وصبعيهم كفته وادهنى صنيه ودخليهم الفرن او الاحلى بيض وبقسماط واقليهم فى الزيت مكرونة أو عيش وسلطة😀

✔ نص كيلو كبد وقوانص ومخلل وعيش او مكرونه واحده واحده محمرة 😉

✔ ب١٠ جنيه فول ونص كيلو طماطم ونص كيلو خيار و5 بيضات وب١٠ عجينه طعميه واعملى فول بطماطم واقلى البيض واعملى عجينه الطعميه ببيضه واقليها و طرنشات خيار 😉

✔ باذتنجان وفلفل وطماطم واعملى مسقعه وهاتى خيار وجرجير 😉

✔ كيلو بطاطس ونص كيلو طماطم واعملى صينيه بطاطس ودخليها الفرن واعملى رز بالشعريه جنبهم مخلل 😉

✔ بطاطس مهروسه وبيض مسلوق وسلطه 😉

✔ بصل وخضراء مشكلة وخمس بيضات وكوب دقيق وتوابل واعملى صينيه عجه فالفرن وجنبها مخلل وخيار 😉

✔ هاتى كيلو سمك مكريل واقطعى السمكه نصين واعمليها بطماطم وفلفل وتوم وتوابل السمك واحشيهم وشويه زيت على الوش وادخليهم الفرن وبالهنا والشفا مع العيش 😉

✔ كيلو دبابيس فراخ وفى صينيه بالطماطم والبصل و العيش وبالهنا والشفا 😉

✔ كرنبايه وسط وخضره مشكله و نص كيلو رز ونص طماطم واعملى احلى حلة محشى وحطى فالميه لى هتسقيها للكرنب معلقه صلصه وتوابل وياريت بصلايه صغيرة ولوعندك حبهان وورق لورا واسقيها وعلى الوش حبه زيت وبالهنا والشفا 😉

✔ نص كيلو رز وكيس مكرونه ونص طماطم وربع شعريه وحمرى بصلايه واعملى احلى كشرى لو حابه تجيبى ربع عدس ماشى وممكن من غيره اوفر 😉

✔ علبه تونه مفتته ونص كيلو بطاطس تحمير وربع طماطم وربع خيار 😉

✔ 4 فطيرات من الفرن حجمهم وسط وعسل وعلبه جبنه فيتا وبالهنا والشفا 😉

✔ صينيه مكرونه بشاميل حطى عليها الجبن لى عندك من غير لحوم ووممكن تحطى كبد وقوانص او ربع كيلو بانيه وبالهنا والشفا 😉

✔ كيلو الاربع رنجه وطحينه و زودى لى تحبيه ولى موجود فالبيت وبالهنا والشفا 😉

✔ شكشوكه وجبنه بالطماطم وخيار 😉

✔ رز بالشعريه وملوخيه ومخلل والاكل اعمليه بمرقه فراخ وحطى بصلايه صغيرة فالشوربه هتدى طعم حلو وزودى الكسبرة الناشفه فالتوم 😉

✔ كيلو اجنحه فراخ وعليه بصلتين كبار طماطميتين وكيس مكرونه نئ عليهم واعمليهم زى المبكبكه 😉

✔كيلو بطاطس ربع كيلو دقيق وكوب لبن وممكن مايه مش لازم لبن خالص وملح وفلفل اسود واعملى كريب فالطاسه واحشيه بطاطس محمرة وكاتشب او طحينه او لى موجود او حطى جبنه وفلفل وزيتون تغييير وممكن طبعا ربع بانيه واعمليه شاورمه واحشى الكريب وكل واحد ساندوتش شاورمه وشاندوتش بطاطس 😉

✔ ربع كيلو من كل نوع خضار بتحبيه بطاطس فاصوليا خضراء جزر بسله كوسه ونص كيلو طماطم ومعلقه صلصه واعمليه كلو على بعضه زى خضار مشكل او تورلى وجنبه رز بالشعريه او رز حبه وحبه ومخلل 😉

✔ الكبد والقوانص بتاعت الفراخ و اعمليهم طبخه مع مكرونه او رز بكركم😀

✔ هاتى لفه جلاش واعمليه بالخضروات اللى بتحبيها ودخليه الفرن او اعمليه بربع كيلو بانيه مرة كدة ومرة كدة زى ماتحبي 😍

✔ اعملى كشرى اسكندرانى مع بطاطس محمرة وطماطم مخللة 🤗

🔥🔥 لو في يوم اتبقى معاكى فلوس هاتى لفه جلاش واعملى حلو او هاتى نص كيلو لبن واعملى شعريه باللبن
وبالهنا والشفا 💕
دعوه حلوة من قلبكم الطيب♥️
💚❤️وصل على الحبيب المصطفى 💚❤️

18/05/2025

18/05/2025

أسئلة متكررة وشكاوي كتير
#مشاكل٠الكيك واسبابها
💥 الكيكه هابطه:
كميه الدقيق اقل من اللازم/فتحنا عليها الفرن اكتر من مره قبل ما يعدي نص ساعه من دخولها الفرن الكيك دخل الفرن وهو بارد حرارته اقل من المطلوب المفروض الكيك تسويته على 180 درجه مئويه مسخن مسبقا قبل دخول الكيك ب 10 دقائق.

💥خليط الكيك خرج من الصينيه اثناء التسويه:
وده بيكون بسبب ان خليط الكيك اكبر من مقاس الصينيه او ان السكر والبيكنج باودر كثير في خليط الكيك فبيأدي لانتفاخه اكثر من اللازم وخروجه من الصينيه وفي نفس الوقت هبوط الكيك بعد خروجها من الفرن.

💥 الكيك معجن أو مكبوس:
مقدار الدقيق كبير جوه الكيك /خروج الكيك من الفرن قبل تمام التسويه/ درجه الحراره اعلى من اللازم ادت لنضج الكيك من الخارج ومن الداخل لسه ني.

💥 الكيك لونه من الداخل غامق:
مقدار السكر الكبير او لون السكر لما يكون غامق هو اللي بيتسبب في ان الكيك يطلع من جوه غامق مقدار السكر المظبوط الابيض الفاتح بيخلي الكيك لونه ابيض فاتح شاهق.

👈عشان كده لازم نعمل الكيك بمقادير مظبوطه مجربه نعتمد وصفه معينه هي دي اللي بنستخدمها للكيك مقادير السوايل فيها مناسبه مع مقدار الدقيق ودرجه حراره الفرن وصينيه للتسويه.

الكيك بيلزق
لازم تدهني الصينية زيت وترشيها دقيق أو كاكاو محلي لو هي بالشوكولاته أو استخدمي ورق زبدة

طب لو الكيك طري وخفيف بس فيه فراغات كتير
يا اما نوع الدقيق نفسه مش مناسب للكيك وبيكون فيه جلوتين كتير يعنى دقيق قوى ينفع للمعجنات والبيتزا فى الأساس علشان كده لما بيتجمع مع مكونات سائله بيكون شبكه جلوتين و يعمل فراغات كبيره على شكل انفاق واحيانا فراغات اكبر و باقى الكيك بيكون مجلد شويه أو ناشف

⭐ الحل هنا انى اكون من الاول يستخدم دقيق مناسب للكيك اللى هو دقيق فاخر لجميع الاستعمالات أو دقيق الكيك بيكون متوفر فى السوبر ماركت ومكتوب عليه

🙀التقليب الكتير أو الخفق الزايد بعد اضافه الدقيق يتخلى نسبه الجلوتين القليله اللى فى دقيق الكيك تعمل نفس الشكل ده بس باقى الكيك مش بيكون ناشف يعنى كيك طرى بس فيه فراغات شكلها مش حلو

ودائما المكونات بدرجة حرارة الغرفة والبيكينج بودر اتاكدي إنه سليم وشغال
واه اخر حاجه الصواني الالومنيوم احلي تسوية للكيك فعلا بتكون فيها
لو عندك سؤال أو نصيحة شاركينا بيها ونفيد بعض
متنسوش صلوا على الحبيب المصطفى

❤️❤️❤️❤️

23/04/2025

إتفضلوا جمعتلكم جميع وصفات الأرز في ملف واحد علشان تبقي ست بيت شاطره وعارفه كل الأنواع وتعمليها 🍅🌶️🫒🌽🫑🥦🫘🥕
إفتحوا الصور هتلاقوا الطريقه :❤️❤️⬇️⬇️⬇️⬇️

23/04/2025

الفتة بالخل والثوم – أكلة مصرية أصيلة ومشبّعة

من الأكلات اللي كلنا بنحبها وبتفكرنا بجو العيلة والمناسبات، تعالوا نشوف طريقتها خطوة بخطوة:

المكونات:

½ كيلو لحم (مسلوق مع بصلة وحبهان وورق لورا)

2 كوب أرز أبيض

2 رغيف عيش بلدي (محمّص ومكعبات)

4 فصوص ثوم مفروم

½ كوب خل

2 كوب شوربة من سلق اللحمة

ملح وفلفل أسود حسب الرغبة

سمن أو زبدة

الطريقة:

1. الأرز: في حلة، سخني ملعقة سمن وضيفي الأرز، قلبيه شوية، وبعدين ضيفي المياه والملح وسيبيه يستوي.

2. العيش: حمّصي العيش وكسّريه مكعبات صغيرة.

3. الصوص: شوّحي الثوم في شوية سمن لحد ما يصفر، ضيفي الخل وقلبي شوية، وبعدين ضيفي الشوربة وسيبيه يغلي غلوتين.

4. التقديم: في طبق التقديم، حطي طبقة عيش، بعدها شوية من الصوص، ثم الأرز، ثم باقي الصوص، وفي الآخر رتّبي قطع اللحمة من فوق.

معلومة جانبية: الفتة دي مناسبة جدًا في العزايم أو حتى في الغدا العائلي وبالهنا ♥️
صلوا على النبي 🦋

23/04/2025

#ملف #شامل #لانواع #الكفته 😋😋😍😍
******************
1_الكفته على الفحم
**************
#مقادير #الكفتة
************
كيلو لحمة يفضل انه يكون فيه نسبة من الدهن20%
2 بصلة متوسطة الحجم
2فص ثوم
ربع حزمة بقدونس خضره
ربع كزبره خضرة
عصير بشر طماطمايه
ملعقة كبيرة بيكينج باودر لتطرية اللحم
فلفل أخضر أو أحمر حار
م ك ملح
م ك فلفل اسود
م ك بهارات عبارة عن
جوزة الطيب زعتر _زنجبيل + + ورق لورا + _ قرفة)
🍒 #الطريقة
نفرم اللحمة
ويفرم البصل ناعم مع التوابل والملح وباقى المكونات ويخلط باللحمه ونضربوا سوا تانى بالكبه ثم بصباعها على الاسياخ
عشان الكفته مش تفك مننا واحنا بنشويها
لازم الكفته نطلعها من الثلاجة قبلها بوقت وما تكنش ساقعة
تانى حاجة الاسياخ تحطها على جنب الفحم وهو والع
تكون الاسياخ سخنه نوعا ما بس مش سخنه نار الفحم ولعته قبلها بربع ساعة وبقى جاهزورصيت عليها اسياخ الكفته يدوب كل جهه بتاخد 5دقايق وتتشوى ونطلع الكفته فى طبق تقديم مزين ببقدونس وكسبرة
2_كفته الحاتى
***********
🍒المقادير
1/2 كيلو لحمه مفرومه وتكون ناعمه وحته دهن ضانى ودي التكه الاولى
1بصله كبير
+1بطاطس كبيره مسلوقه ربع سلقه ودى التكه التانيه
رشه قرفه +رشه جنزبيل بهارات لحمه +فلفل اسمر+ملح
معلقه كبيره كزبره خضره او بقدونس
بنخلط كل المكونات مع بعضها ونضيفها للحمه مش ننسى نفرم الحته بتاعت الدهن الضانى لانها بتدى طعم روووعه ثم صبعتها ومش تنسى تبلى ايدك بميه البصل اللى على حنب بتعطى طعم للكفته ثم نرصهم في صينية تيفال ونصب عليها مايه البصل مع مراعاة عدم اضافة ولانقطة مايه لان هي هاتخرج سوائلها ولما تستوي وتحمر نكون مولعين قطعة فحم ونضع في فنجان قطعة زبدة ونضع فوقها الفحم عشان يديكي طعم المشوي ثم نعلي عليها النار حتي تحمر قليلا وتنشف من السوائل وتقدم
3_كفته داود باشا
**************
🍒المقادير
1/2 ك لحمه مفرومه
1-حزمه بقدونس مفرومه
1- بصله كبيره مبشوره
بهارات ( ملح - فلفل - كمون- قرفه -زعتر -روز مارى -توم بودره )
نضيف كل المقادير على بعض وتعجن جيدا .
تكور كور بحجم حبه الجوز وتحمر بمعلقه زبدة وبعد ذلك نجهز الصوص فى نفس المقلاه اللى قلينه فيها الكفته
مقاديرررررررررر الصوص
2-كوب عصير طماطم
1-بصله كبيره مبشوره
قرن فلفل و توم مفروم
تشوح البصله فى معلقه زبده
وبعد ذلك يضاف التوم و الصلصه والطماطم ويقطع قرن الفلفل ويترك يغلى على النار لمده عشر دقائق ويضاف عليها ملح وفلفل وكمون ويضاف
كرات اللحم ويترك لمده عشر دقائق اخرى تقدم مع مكرونه او رز
4_كفته بالطحينه
*************
🍒المقادير
نص كيلو لحم مفروم
+ معلقه كبيره بهار مشكل
+ ملح وفلفل اسود
+فلفله خضرا صغيره
+ بصله كبيره
+ 3 فص ثوم
+ بقدونس وكزبره
للصوص
كوب زبادي +تلت كوب طحينه+ عصير ليمونه كبيره + نص كوب ماء +ملح وفلفل
زيت للقلي
الطريقه
نحط البصله والثوم فى البروسيسور ونفرهم ناعم وناخد منهم على جنب شويه لوحدهم اللى اخدناهم لوحدهم هنعمل بيهم الصوص بعدين هنحط اللحم والبهار والكسبره والبقدونس والفلفل على البصل والثوم ونفرمهم كويس ثم نصبعهم فى شويه زيت صغيرين اوى نحمر الكفته يادوب تاخد صدمه وتغير لونها نعمل الصوص بقي
نخلط الزبادى والليمون والطحينه والميه والملح والفلفل ونقلب كويس
ونخليه ع جنب. فاكرين شويه البصل المفروم هنحطهم فى نفس الزيت اللى قلينا فيه الكفته هنضيف الصوص ياخد غلوه بس وننزل بيه ع الكفته ف طبق الفرن نحطه على الرف الاوسط فى الفرن لمده نص ساعه على 180 درجه لما تخرج تزين ببقدونس مفروم على الوجه يقدم مع رز ابيض وسلطه خضرا
5_كفته ضاني
************
1/2 ك لحم ضان مفروم
3 بصلات خضراء كبيرة
2 عود كزبرة خضراء
2 عود نعناع
3 معالف كبيرة بقسماط
ليمونه كبيرة
ملح وفلفل
بيضه
ملعقة زيت
بقدونس
🍒الطريقه:
1- يخرط البصل والكزبرة والبقدونس والنعناع ناعم ويخلطوا مع اللحم
2- تبشر الليمونه جيدا بمبشرة ناعمه وتستخدم فرشاة لاسقاط البشر من جوانب المبشرة ويقلب الخليط ويتبل جيدا مع البيض
3- تشكل الكفته فى صورة اقراص بيضاوية حوالى 5 سم وتدخل فى اربع اسياخ تغطى بنايلون وتدخل الثلاجه لمدة ساعه
4 تدهن الكفته بالفرشااه بالزيت ثم نشوى فى الفرن مع التقليب
6_المصفوفه(صنيه كفته بالخضار)
**************************
🍒 الطريقة
*******
نحضر اللحمه المفرومه وبنفرم بصل ناعم مع فلفل اخضر وطماطمايه وننزل بالملح والفلفل الاسمر وجوزة الطيب وبهارات ونقلب كويس ونعملها دواير ونقطع بصل وطماطم وفلفل وبطاطس حلقات ونرصها في الصينيه واحدة وواحدة وبعدين نغلي شويه ميه ونحط حاجه بسيطه في الصينيه ونفرك مكعب ماجي ونحط على الوش ورق لوري ورشه فلفل وملح وقرفه ونغطي بالفويل ونهدي النار ولمه تستوي نحطها في الشوايه مع اضافه معلقه زيت زيتون عشان تاخد لون
7_كفتة برغل في الفرن
******************
🍒الطريقه
1/2 كوب لحمه مفرومه
- كوب برغل منقوع ساعه
بصله مفرومه
2 فص توم مهروس
بقدونس مفروم
ملح فلفل بهارات سماق قرفه جوزة الطيب
- أسياخ شيش طاووق
🍒الطريقة
تخلط المكونات مع بعض فى الكبه وتترك لمده نصف ساعة في التلاجه ثم ميه البصل وابشرى عليها طمطمايه وملعقه زيت وفلفل اسود وملح وبلى ايدك بيهاتصبع الكفته اصابع فى اسياخ الشيش ثم نضعها فى صينيه مدهونه زيت ثم نضع على وجه الاسياخ ملعقة زيت وندخلها فرن متوسط الحراره لمدة نصف ساعه
اكون مجهزة فحمه سخنه احطها في صنيه وأغطي عليها هتبقى زي كفته الكبابجي...👌