21/09/2026
مفيش صنايعي يبقي ليه كلام مباشر مع العميل ،، ولا ياخد رقمه ولا يديله رقمه ،، ولا يتفق بالنيابة عنك ولا ياخد اوردرات وينفذها من نفسه ،، ولا يعرف العميل انت محاسبه علي كام ولا دافعله ايه ،، ولا يقول للعميل طب كلمني وانا هبقي اجيلك.
الصنايعي اللي يعمل كدا تحذفه من دولابك بدون رجعة حتي لو اشطر واحد في الدنيا 👌
وانت كمهندس ملكش تتكلم مع رجاله المقاول ولا تشغلهم من وراه ،، ولا تقولهم هو واخد منك كام ،، ولا تعرفهم اتفاقك معاه كان ايه 🙏
دي اصول الشغلانة لان الهندسة والمقاولات كار ليه أصول ومبادئ
العميل بتاع المهندس والصنايعية بتوع المقاول وكل واحد ليه حتته وملوش دعوه بالتاني 👌
