أحلي أكلة

أحلي أكلة وصفات اكل سهله ومختلفة ولذيذه �
صلي على الحبيب �

26/04/2025

حناين أو أبوري أو فطاير اهي كل بلد وليها مسمياتها 😂🤦
المهم أن طريقه العجينه قولناها قبل كدا دوروا عليها تحت ❤️
والحشو اعملوا اللي انتوا عاوزنها فراخ لحمه جبن اللي تحبوه❤️❤️❤️❤️

23/04/2025

❤️❤️🍒
تشوحيتنا المعتاده ف الفراخ أو البط
بصله طمطمايه ورق لوري حته قرفه خشب حبهان وسمنه وعلي النهار يتشوحوا لوحدهم وأما ريحتهم تطلع ننزل بالفراخ وعليها الفلفل الاسمر نسيبها تتشوح براحتها وبعدين نضيف ماء مغلي عليها عشان الشوربه
الملوخيه ❤️
ناخد حبه شوريه حسب كميه الملوخيه اللي هنعملها ونحط عليها معلقه صلصه مش كبيره وع النار وطبعا الشوربه تكون بتغلي قبل منحط فيها الملوخيه وع العين التانيه نحمر كام فص توم نكون فرمنهم كويس ومعلقه سمنه وعليهم معلقه كزبره ناشفه صغيره
والرز طبعا قولنا عليه قبل كدا بس انا ضايفه عليه معلقه قشطه المره دي
وبألف هنا ❤️❤️

21/04/2025

اكله الزنقات واما نبقي مش عاوزين نطبخ 😂❤️❤️

21/04/2025

مهلبيه لزوم الحر اللي احنا فيه 😂❤️❤️
الطريقه
كيلو لبن نحطه ف حله ع النار ونضيف السكر حسب متحبوا وكمان كيس كريم شانتيه بيخليها كريمي وقمرررر وكوبايه لبن تكون ع جنب كدا ندوب فيها 3 معالق نشا كبار وننزل بيها ع اللبن واحده واحده عشان ميكلكعش معانا ونفضل نقلب فيها زي ما انتوا شايفين كدا عشان متعملش كلاكيع وأما تتقل معاكوا وتعمل بابيلز كدا ع الوش اللي هو الغليان أطفي وحطي كيس فانيليا وقلبي وصبي ف الاطباق ع طول وألف هنا علي قلوبكم ❤️❤️❤️

فطيره محشيه ف النص وعلي الوش 😌❤️❤️هنزلكوا فيديو قريب عن طريقه عمل الفطير ❤️
19/04/2025

فطيره محشيه ف النص وعلي الوش 😌❤️❤️
هنزلكوا فيديو قريب عن طريقه عمل الفطير ❤️

19/04/2025

سمك مشوي ❤️❤️
الطريقه ❤️
صنيه نسخنها كويس جدا عالنار ونرش حبه ملح كويسين كدا ف الصينيه عشان ميدخنش
طبعا نكون غسلين السمك كويس ومنضفين بطنه وحاشيتها توم وفلفل اخضر وعود كزبره خضرا ونص معلقه كمون ونص كزبره نشفا كل دول نفرمهم ف الهون كويس ونحشي قلب السمك وبعدين نحط عليها الرده كويس جدا وع الصينيه اللي نكون سخنه جداا ونار عاليه وأما السمكه تاخد لون ع الجنين نهدي النار دقيقه بس ع كل جنب ونكمل بقيت السمك وبعدين نرش عليه الدقه اللي هي ملح و توم وفلفل وكزبره خضرا عود بس وكمون وكزبره ناشفه نفس اللي في قلبه
ومتقلقوش مش بيدخن ولا بيبوظ الشقه
وبألف هنا ❤️❤️

17/04/2025

محشي ❤️❤️
الطريقه ❤️❤️
نسبك التقليه الاول نقطع بصلتين كبار او تلاته وسط المحشي بيحب البصل وبيخليه مسكر ونصفرهم ف سمنه وزيت وننزل عليهم بطماطم مفرومه ف الخلاط وزودي الطماطم عشان المحشي يبقي احمر وجميل منصفيش طماطم المحشي لحد ميتسبكوا نحط ملح ومعلقه صغيره وفلفل ومعلقه صغيره وكمون ومعلقه صغيره وكزبره ناشفه المحشي مبيتحطلوش توابل غير دول
نكون مقطعين كبره خضرا علي شبت ناعم ونضفهم فوق تسبيكة المحشي بعد منطقي ونغسل الرز ونحط التسبيكه عليه دي مقادير كرومبايه وسط لا كبيره اوي ولا صغيره
نكون سلقين الكرومب مقورينها من فوق ومنزلينها ف ميه بتغلي فيها معلقه صغيره كمون ومعلقتين كبار ملح وننزل ف الحته اللي احنا مقورينها الاول كام دقيقه كدا وبعدين ندورها وهتلاقيها بتتفصص لوحدها ورقه ورا ورقه لحد متخلصها وخلي بالك متطوليش عليها عشان متتهريش وبعدها نقطعه ونحشي
طريقه التسويه نزود الشوربه تكون مغليه ع المحشي ونهز الحله كويس ونرفع المحشي بسكينه من الجوانب ومن النص عشان تضمني تسويه مظبوطه والشوربه تغطي اخر صوباع وع نار عاليه الاول وبعدين نهدي النار واحده واحده لحد ميتشمع وبألف هنا ❤️❤️

16/04/2025

صنيه سردين ف الفرن ❤️
الطريقه
كيلو سردين ننضفه كويس نشيل منه الدماغ البطن ونغسله بليمون وخل ونصفيه كويس ف مصفه
نقطع عليه طمطمايه واحده بس وسط وبصله وسط وقرن فلفل وسط و4 فصوص توم وملح وفلفل اسمر وكمون وليمونه معصوره ومعلقه خل وتلت معالق زيت كبار قلبيهم كويس عشان يتشرب من التتبيلة وف الفرن ع درجه حراره وسط تحت وفوق وآخره تلت ساعه ساعه بس وحمري الوش حسب متحبي وبألف هنا ❤️❤️

16/04/2025

طاجن كوسه باللحمه المفرومه ❤️❤️

الطريقه
هنقع الكوسه حلقات أو مكعبات زي متحبوا ونشوحها ع النار بمعلقه سمنه صغيره وبعدين ننشل الكوسه وننزل بنص كيلو لحمه مفرومه أو ربع حسب اللي متوفر عندكو وننزل عليها ببصله متقطعه وطمطمايه متقطعه صغيره جدا وفص توم وملخ وفلفل لحد متتعصج وبعدين ننزل عليها بطماطم مفرومه ف الخلاط ومتصفيه وننزل عليهم بالكوسه وتدخلها الفرن تستوي مش بتاخد وقت دي مقادير كيلو كوسه وبألف هنا ❤️❤️❤️

Address

المحلة الكبرى
El-Mahalla El-Kubra

Website

Alerts

Be the first to know and let us send you an email when أحلي أكلة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category