Dar Al-Amar

16/12/2021

#تناسق #الالوان 😍في التصميم الداخلي 👌😍😍❤️

02/12/2021

#تصميمات #مداخل رئيسية #للعمارات و #البيوت

29/11/2021

من أعمالنا ❤️

#تصميم #وتنفيذ وحدة في #أركان بلازا

*للتواصل* :
Whatsapp + 01020787872
Whatsapp +01142137513

25/11/2021

من أعمالنا ❤️
#تصميم #وتنفيذ وحدة في #أركان بلازا
للتواصل Whatsapp + 01020787872
Whatsapp + 01142137513

24/11/2021

يمكن القول ان #واجهة #المنزل هي أول ما يلفت انتباه المارة، وإن لم يكن #تصميمًا مثيرًا، فسيكون #تصميم غير مرحب به، ولذلك أنت بحاجة إلى مزيد من العناية #لتصميم #واجهة أنيقة والحفاظ على جاذبيتها، في حين أن هناك العديد من الأساليب والمفاهيم المختلفة التي يمكننا #تنفيذها في واجهة منزلنا•

ولا تخف من المبالغة حيث إذا كنت محظوظا بما يكفي لوجود #منزل تم #تصميمه بشكل #هندسي فلا تخف من إبراز ميزات #تصميمه لذا قم باستخدام بعض المناظر الطبيعية كالمرايا مع المبالغة في الأشكال والخطوط لجعلها أكثر لفتا للنظر للمارة من قبل.

‎ انت عليك الاختيار وإحنا علينا الجودة و الابتكار
من اعمالنا تصميم وتنفيذ فيلا ب6 اكتوبر
نتمني ان تنال اعجابكم
للتواصل : هاتفيا / واتساب

📱 01142137513 _ 01020787872

20/07/2021

09/06/2021

زي ما وعدناكم في البوست الي فات 👌هنكون معاكم خطوة بخطوة في أعمال #التشطيبات
#ثالثا : #النجار يركب الحلوق في حالة تركيبها بالكانات ( حاول تشتري الحلوق بنفسك و اتأكد من سلامة الخشب من العيوب - استلم بالميزان بنفسك و من ارتفاع الباب ومراعاة الشرب ووزن الحلوق كلها نفس الإرتفاع )
* في ملاحظات كتير في شراء و تركيب الحلوق هيكون ليها موضوع مستقل .
#رابعا : نجيب مبيض المحاره تاني يعمل الشقه كلها محاره ( بيملى بين البؤج الي نفذها و بعدين بيكسرها و يملى مكانها مونه جديده ) ، ومهم تأكد عليه يعمل بؤج للسقف .
#خامسا : نجيب السباك ونحدد أماكن كل شيء قبل الشغل ( قاعده ، حوض ، بانيو او شاور ) ويتم التكسير للمواسير قبل عمل العزل عشان ميتجرحش و بعدين بيتم العزل خيش مقطرن ( أنسومات 4 ملم ) ويتم اختبار العزل و الاتفاق مع السباك انه يجيب شركه المواسير تختبر المواسير وتديلك شهاده ضمان ، ويفضل ان تكون مواسير المياه والصرف من شركه واحده مش نوعين مختلفين علشان نقدر ناخد ضمان علي الصرف والتغذيه ( من المهم جدا في المرحله التاكيد علي #الشيرب عشان ارتفاعات المخارج و المناسيب تكون كالتالي :
- مخارج السخان 140 - 150 سم من منسوب التشطيب .
- حوض المطبخ ارتفاع حافة الحلة اوالحوض 90 سم من التشطيب ومنسوب الصرف 50 سم من الارض .
- ارتفاع مخارج خلاط المطبخ 20 - 25
سم من حافة الحوض لو هنركبه في الحائط ، في خلاط يسمى شجرة بيتم تركيبه اعلى الحوض مباشرة يعني بيخرج من جسم الحوض.
- المسافة بين مخرجى الخلاط السخن والبارد 15 سم .
يلاحظ ان يكون منسوب مخرج الخلاط عند منسوب سطح السيراميك .
لضمان عدم استخدام وصلات اضافية.
- حوض الحمام ارتفاعة 80 سم عن التشطيب وارتفاع الصفاية او كوع التسليك عن الارض 65 سم .
مخرج الصرف 50 سم من الارض وكذلك مخرج السخن والبارد 60
سم من الارض ، و المسافة بينهم 12 - 10 سم .
خليك متابعنا ديما علشان هنقولك علي كل حاجة تخص #التشطيب 👌😍
ولو محتاج اي صنايعي او تصميم او اي حاجة في التشطيبات او حتي استشارة هندسية تواصل معانا واحنا هنقولك علي المفيد 👌

21/05/2021

من أكثر المراحل التي تشغل بال الكثير منا هي مرحلة تشطيب شقتك، ناس كتير بتعتقد إن شغل التشطيبات سهل وإنك لو إستلمت الشغل من الصنايعية بنفسك هيوفرلك فلوس إشراف المهندس او للشركة …
واحنا كمجموعة مهندسين بنحارب جشع التصميمات والباقات وعلشان كدة عملنا مميزات كثيرة :-
١_ التصميم مجاني.
٢_ رفع مساحات الوحدة مجانا .
٣_ بنوفرلك اجود الخامات بأقل الاسعار .
٤_ بنتعامل معاك كل بند علي حدة .
٥_ بنوفرلك صنايعية متميزة في كل بند .
٦_ افضل استغلال لمساحات للفرش المناسب .
٧_ ضمان لكل البنود بعد التنفيذ .
٨_ بنتعامل بأقل نسبة أشراف .

‎ انت عليك الاختيار وإحنا علينا الجودة و الابتكار

للتواصل : هاتفيا / واتساب

📱 01142137513 _ 01223161340 _ 01141072477

14/05/2021

علشان حياتك تهمنا🙏🏻
ففكرنا ازاي نستغل الفراغات بطريقة صحيحة👌
ففكرنا نعمل طربيزة سفرة 🍽صغيرة🪤🪚 ومتخدش مساحة خالص ومنها ديكور 🖼ومنها طربيزة 😍والخامة المستخدمة اكيد خشب كونتر 👌
ولو هتفكر في السعر لا متخافش سعرها اقتصاد اووووي 😍

13/05/2021

خمس اخطاء عامة اوعى تقع فيها و انت #بتشطب #شقتك ..
كتير مننا وقعوا في الاخطاء دي في مرحلة التشطيبات لما قررنا نشرف بنفسنا على الصنايعيه من غير مهندس فقررنا نجمعلكوا بعض الاخطاء الي ممكن تكلفنا كتير ..
1- اول غلطه :
انك تتفق مع الصنايعي على سعر المصنعيه و تفاصله من غير ما تتفق معاه على طريقة الاستلام و طريقة الشغل و الوقت !!
ممكن نقول ان الغلطه دي هيا السبب في معظم المشاكل زي مثلا :
- لأ متفقناش على كدا يا باشمهندس دي كدا فيها كلام تاني ..
- مش هتبان بعد ما نخلص يا باشا ..
- اصل العيب من السقف .. لا متفقناش انك هتستلم بالكشاف دي ليها حساب تاني ..
كل نقطه من دول هتكون موضوع بوست كامل بالتفصيل هنشرح ازاي تتجنب المشاكل دي من البدايه مع امثله كتير...
2- تاني غلطه :
تكتشف بعد ما ركبت البورسلين ان في عيوب و مش عارف من تركيب الصنايعي ولا من البورسلين نفسه ! ..
المفروض قبل ما الصنايعي يبدأ في تركيب السيراميك او البورسلين يفرز كل الكميه الموجوده لأن في احتمال كبير يكون موجود عيوب كبيره فيه .. لون اغمق او افتح او تقويس كبير أو أحرف متكسره .. ويحاول يجنب البلاطات الي فيها مشاكل واضحه .
بس كدا ولا بتعمل حاجه تاني ؟؟
بص يا سيدي
في البورسلين بالذات بيبدأ الصنايعي يركب بعد الفرز و طبعا تتأكد منه انه بيركب بالطريقة الصحيحة للبورسلين بترك فواصل 2 ملم وبإضافة مادة لصق سيتوكس أو ما يماثلها على ضهر البلاطات .. و بعد ما يخلص 6 او 7 متر هيبدأ يظهر معاك شغله و لو ظهر ان في حاجه مش مظبوطه زي فرق في الفواصل مش متوحد و الصنايعي بيقنعك ان في عيب في مقاس البلاطه .. في الحاله دي تتصل بالشركه و هيجولك و هيبان العيب فين لو منهم هتاخد تعويض او يبدلوه حسب نظام الشركه و بتسأل و انت بتشتري ..
ابعتلنا لو عايز تعرف الطريقة الصحيحة لتركيب البورسلين بالتفصيل ..
أو لو ركبت و عندك مشاكل و عايز تعرف مشكلة صنايعي ولا مشكلة خامه
3- تالت غلطه :
توافق السباك لو قالك بتاع السيراميك هوا الي بياخد الشيرب ( تحديد منسوب التشطيب للأرضيات كلها ) و يشتغل هوا بالبركه كدا ! .
وتلاقي مثلا إن في ماسورة صرف تكييف مدفونه عاليه عن الأرضية بعد كدا .. أو إن الحمام أرضيته عليت وتضطر ترفع أرضية الشقه كلها عشان يبقو نفس المستوى .. أو إن منسوب الأحواض أو الشاور بعد تركيب الأرضيات طلع منخفض ..
4- رابع غلطه :
النقاش يخلص شغله كله و يمشي قبل ما تشطب الكهرباء و تركب الاباليج و الاسبوتات ..
طبعا اكتر حاجه بتبين عيوب و مشاكل النقاشه اي اضاءه على الحيطه فعلى الاقل تركب الاسبوتات و يشتغل عليها النقاش و كمان عشان لو في مشكله في وشوش الكهرباء يعالج حواليها ..
طبعا مهم جدا و انت بتتفق مع النقاش في الاول تنبه على النقطه دي وطريقة الاستلام .
5- خامس غلطه : استخدام جبس في مونة لصق السيراميك ..
الصنايعي بيكون احسن ليه ان المونه تشد بسرعه لو هوا معدوم الضمير هيعمل كدا و بعد فتره اتفرج على السيراميك خصوصا لو في حوائط الحمام هيفك و يتكسر لوحده او من اي دقة مسمار ..
بردو مهم جدا تخلي بالك ان السباك ميستخدمش جبس في المونه الي بيقفل بيها على شغله في التأسيس .
خمس اخطاء عامة اوعى تقع فيها و انت بتشطب شقتك ..
كتير مننا وقعوا في الاخطاء دي في مرحلة التشطيبات لما قررنا نشرف بنفسنا على الصنايعيه من غير مهندس فقررنا نجمعلكوا بعض الاخطاء الي ممكن تكلفنا كتير ..