10/01/2025
حَلِّي وحافظ على صحتك 🩷
منتجاتنا من مكونات طبيعيه بدون زيوت نباتيه مضرة ❎🩷
بدون مكسبات طعم بدون بدايل للمكونات اللي ربنا خلقها ❎🩷
الطعم ميكس بين بسيط وغني جدا من غير اي مصنعات في معامل ❎🩷
بنستخدم لبن كامل الدسم، زبده وسمنه بقري، كريمه خفق حيواني، جبنه كريمي حيواني، زيت ذره، زيت عباد الشمس، زيت جوز هند، شوكولاته طبيعيه،دقيق قمح كامل، سكر بني .
هل المنتج 100% مكونات طبيعيه؟ 👇
النسبه بتاعتنا عاليه جدا بفضل الله بس لسه مش 100% لان تحسين الاكل عامة رحلة طويله بتحتاج تفكير ف بدايل وبحث وتجارب ف احنا بناخد الخطوه الاولى وهي خطوه لو تعلمون عظيم! وعايزين ننشر الثقافه دي مش بس عشان تشترو مننا ونعمل مبيعات لا، ده عشان نستثمر ف صحتنا وصحة اولانا باقتصاد ومن غير حرمان وطبعا منتجاتنا مش للناس اللي بتعمل دايت احنا آسفين 😆 دي لمحبين الحلويات اللي عايزين ياكلو منها باعتدال وعايزين يبعدو عن المكونات المضره ف نفس الوقت عشان يستمتعو بدون خوف او ذنب (شويه ذنب صغير من السكر الابيض😆) لاننا قللناه جدا في منتجاتنا والمنتج اللي هيستغني عنه هنكتب فوقه بدون سكر ابيض 🩷
نقول معلومات ف السريع عن الزيوت النباتية المضره اللي عايزين نتخلى عنها ونقول هي داخلة في ايه ف حياتنا وحياة ولادنا دلوقتي👇
الزيوت النباتية المضره منها زيت النخيل..زيت نواة النخيل(تخيلو بيعصرو ايه!!).. زيت الصويا.. ومشتقات بقى منهم زبده وسمنه من مصدر نباتي!!؟ عملتوها ازاي؟ ماهي ياسمنه بقري ياجاموسي مين النباتي ده!؟ وخُد من ده كتير!
داخله ف كل منتجات السوبر ماركت بلا استثناء جبنه مش بقري ولا جاموسي، لا دي مكتوب عليها من مصدر نباتي! كل البسكوت والكيك والشوكولاته والشيبسي سواء مقلي او مخبوز مكتوب عليهم زيوت نباتيه وبعضهم بيوضح نخيل او النواة بس 😆💔
زيت الصويا بيدخل ف زيت الطبخ اللي بيتكتب عليه خليط منه مع عباد او ذره وده مش التموين بس اللي بيعملوه، كل الشركات منزله الزيت الخليط ف السوق وسعره النص مقارنه بعباد او ذره وطبعا بيستخدم ف معظم البيوت لان الحاله الاقتصاديه سيئه وبيستخدم ف كل المطاعم للتوفير!
حتى المخابز بتسخدم زبده وسمنه نباتي الله اعلم مصنوعه ازاي!
هل كل الناس وحشه الا احنا؟ 😆 قولتلكم بننشر ثقافه زي مابنعمل ف بيوتنا الحمد لله ❤️ كمل معايا 👇🩷
الزيوت والدهون النباتية المضره بتعمل ايه ف الجسم؟
بتعلي الكوليسترول في الجسم وبترفع نسبة الدهون غير الصحيه وده بيعرض الإنسان مع الزمن لامراض القلب والشرايين ربنا يحفظنا جميعا 🙏
بعض اجتهادات حلول وبدايل ونصايح 💔👇
1* حتى الزيوت والدهون الصحيه لازم تستهلك باعتدال ده الشخص ليه تلات اربع معالق بس ف اليوم! انتو مش متخيلين بناكل قد ايه! بنسخدم زيت وزبده وسمنه، الاكل نفسه ف دهون، لحوم اسماك فواكه خضروات البان منتجات سوبر ماركت مخبوزات.... فكرة💡 حاولو تقللو استهلاك الدهون ف الطبخ للنص مثلا حطو معلقه او اتنين للطبخه بلاش نصب! وهاتو بدايل طبيعيه اغلى وهتبقو معملتوش حاجه او زودتو حاجه بسيطه، جربو شهر مش هتخسرو انا جربت ومرتاحه كده والاكل نفس الطعم والقوام 🩷
2* لانش بوكس للجميع صغار وكبار عشان ياكلو اكل البيت بره ومنوصلش للجوع اللي يودينا سوبر ماركت!
3* الامهات شاطرين واليوتيوب قال على اسرار المطاعم اعملي كل اللي بتحبوه ف البيت، بتشتغلي؟ اعملي حاجه وحده ف الوييك اند، الإنسان بيحب لو اشتهى حاجه يدوقها ولو داقها وعجبته مش شرط يطلبها كل شويه اهم حاجه اننا منحرمش نفسنا 🩷
اخيراً وليس آخراً احنا هنفضل نساعدكم بخصوص قص الاكل المضر والغير الصحي ولو عندكم اي استفسار او عايزين تعرفو اسامي منتجات طبيعيه ف السوق هنساعد باللي قدرنا نعرفه ولو اجمعتو مع اهلكم او صحابكم اطلبو منتجاتنا اللذيذه الطبيعيه 😁🤗🤭🩷
احكولنا ف الكومنتات عن تجاربكم مع الاكل الطبيعي والصحي وادونا نصايح وبدايل نضيفها لينا وللجميع 🩷
نصيحه صينية👌👇
بعد الثلاثين من عمرك لاتهتم بالـ كم ولكن اهتم بالـ جودة 💙 ف منتج واحد صحي افضل من عشرة يدمرو الصحة 🩷
🧁🍫🍰
