03/10/2026
سندوتشات الفراخ بالمايونيز طعمها تحفة وسهلة جداً يالا جربوها هتعجبكم جدآ 👌
تنفع فى المناسبات والخروجات واللانش بوكس 👍
الحشوة كريمي وطعمها متوازن، والفراخ بتطلع طرية ومش ناشفة خالص 👌
🥪 المقادير:
للفراخ:
½ كيلو صدور فراخ
½ ملعقة صغيرة ملح
¼ ملعقة صغيرة فلفل أسود
½ ملعقة صغيرة ثوم بودرة
ورقة لورا
حبة حبهان اختياري
للحشوة:
5 ملاعق كبيرة مايونيز
½ كوب فلفل ألوان مفروم صغير
2 ملعقة كبيرة بصل أحمر مفروم ناعم جدًا
2 ملعقة كبيرة بقدونس مفروم
1 ملعقة كبيرة عصير ليمون
½ ملعقة صغيرة ثوم بودرة
رشة فلفل أسود
ملح حسب الرغبة
للساندوتش:
عيش فينو أو صامولي
خس مفروم أو أوراق خس
شرائح خيار أو طماطم حسب الرغبة
👩🍳 الطريقة:
أسلق صدور الفراخ في مية تغطيها، وأضيف الملح والفلفل وورقة اللورا والحبهان، ولما تستوي تمامًا أطلعها وأسيبها تهدى شوية.
أفتت الفراخ أو أقطعها قطع صغيرة حسب القوام اللي بحبه.
في طاسة صغيرة أحط الفلفل الألوان والبصل مع نقطة زيت وأشوحهم تشويحة خفيفة جدًا بس لحد ما ريحتهم تطلع من غير ما يطروا زيادة، وبعدها أسيبهم يبردوا.
في بولة كبيرة أحط الفراخ، والفلفل والبصل، والبقدونس، والمايونيز، وعصير الليمون، والثوم البودرة والفلفل الأسود والملح، وأقلب كل المكونات مع بعض كويس جدًا.
أفتح العيش وأحط طبقة خس، وبعدها كمية محترمة من حشوة الفراخ بالمايونيز، وأضيف شوية خيار أو طماطم لو حابة.
🥪 وأهم تكة:
ما تكترّيش المايونيز مرة واحدة؛ ضيفيه بالتدريج لحد ما توصلي للقوام الكريمي اللي بتحبيه، وكمان لازم الفراخ والخضار يكونوا باردين قبل إضافة المايونيز علشان الحشوة تفضل متماسكة وطعمها أحلى.
وبالهنا والشفا ❤️😍
لو جربتوها قولولي بتحبوا ساندوتشات الفراخ دي بالمايونيز بس ولا بتحبوا تضيفوا عليها جبنة كمان؟ 👇❤️
طعمها تحفة هتعجبكم جدآ جدآ إن شاء الله وبالف هنا على قلوبكم يارب 💖
