Artrevo أرتريفو ـ

10/10/2026

متابعة المواقع : لازم تعمل الحاجة دي بعد ماتخلص السباكة👌🏻 #تشطيبات #مقاولات #

07/10/2026

متابعة الموقع… وصلنا لبند المحارة.

المرحلة دي مش مجرد فرد مونة…
دي تأكيس وتربيع علشان كل حائط يطلع مستقيم، والزوايا 90°، ويكون جاهز يستقبل التشطيب بالشكل الصح.

لأن أي غلطة هنا… هتكمل معاك لآخر التشطيب.

Art Revo – Art in Details



#تشطيبات #السعودية

01/10/2026

� المحارة مش كلها زي بعض.

محارة البورسلين ليها مواصفات خاصة، وبتبدأ بـ البؤج، ثم الأوتار، وبعدها التسوية الأسمنتية علشان نوصل لسطح مستقيم وجاهز لاستقبال البورسلين بأعلى جودة.

لأن جودة تركيب البورسلين… بتبدأ من جودة المحارة. 👌

Art Revo – Art in Details

23/09/2026

🔴 أكتر حاجة بتريحك بعد ما تستلم شقتك… هي الحاجة اللي غالبًا مش هتشوفها أبدًا.

النهارده خلصنا مرحلة تأسيس الكهرباء، واهتمينا بتفصيلة ناس كتير بتعدي عليها.

كل جهاز ليه دائرته الخاصة، وعلب الكهرباء كلها طالعة على الميزان، لأن التفاصيل دي هي اللي بتفرق بعد كده في التركيب، والصيانة، وشكل التشطيب النهائي.

في Art Revo بنؤمن إن الشغل الصح بيبدأ من الحاجات اللي بتستخبى جوه الحيطان… قبل الحاجات اللي بتبان للعين.

🎥 وسؤال بقى…

تتوقعوا المكان ده هيكون إيه بعد ما يخلص؟ 👀

#تشطيبات #مقاولات

18/09/2026

ليه تشطيب مع مهندس بيكون تكلفته أعلى؟
وهل فعلًا الجودة تستحق؟

كتير من الناس وهي بتشطب بتبص على سعر التنفيذ، لكن قليل اللي بيسأل: المواصفة اللي هيتنفذ بيها البند دي إيه؟

الحقيقة إن كل بند في التشطيب ليه أكتر من طريقة تنفيذ، وكل طريقة ليها مستوى جودة مختلف، وبالتالي تكلفة مختلفة.

يعني المحارة ليها أكتر من مواصفة، والبلاط ليه أكتر من مواصفة، والجبسيوم بورد، والسباكة، والكهرباء… وكل مستوى تنفيذ بيأثر على جودة التشطيب وعمره.

ودور المهندس مش إنه يقف في الموقع وخلاص…

دوره يبدأ من تحديد المواصفة المناسبة لكل بند، ثم متابعة الصنايعي أثناء التنفيذ، والتأكد إن الشغل بيتنفذ طبقًا للوحات التنفيذية والمواصفات الفنية، واستلام كل مرحلة قبل ما يبدأ اللي بعدها.

يعني مثلًا:

* بيتأكد إن مواسير السباكة في أماكنها ومناسيبها الصح قبل الردم.
* بيراجع زوايا وتربيع المحارة قبل استلامها.
* بيستلم أول مدماك في البلاط قبل استكمال التركيب.
* بيتأكد من استواء البورسلين، والفواصل، وعدم وجود تسنين أو تكبيل.
* بيراجع شاسيهات الجبس بورد قبل التقفيل.
* ويفحص كل بند وفقًا لأصول الصناعة، وليس بالعين المجردة.

وده السبب إنك ساعات تلاقي الصنايعي يطلب مصنعية أعلى، لأن تنفيذ المواصفة العالية محتاج وقت ودقة ومجهود أكبر، ومن حقه يحصل على أجره مقابل الجودة المطلوبة.

ولازم نفرق بين تكلفة الخامات وتكلفة جودة التنفيذ.

الخامات ممكن أي حد يقدر يوفر فيها سعر كويس من الموردين، لكن جودة التنفيذ هي اللي بتحافظ على قيمة الخامات دي، وبتضمن إنها تؤدي وظيفتها بالشكل الصحيح.

لما تختار مهندس يشرف على تنفيذ وحدتك، فأنت مش بتدفع مقابل وجود شخص في الموقع يتحرك حسب اهواء كل صنايعي في كل بند.

أنت بتدفع مقابل شخص يكتشف الخطأ قبل حدوثه وقبل ما يستخبى تحت المحارة، أو يتقفل بالبلاط، أو يظهر بعد الاستلام ويكلفك تكسير وإعادة شغل.

وده هو الفرق الحقيقي بين تنفيذ ينتهي يوم التسليم… وتنفيذ يعيش معاك سنين.

مستني ايه كلمنا في Artrevo أرتريفو ـ عشان تشوف الفرق بنفسك

Art Revo – Art in Details

11/09/2026

علشان نضمن شغل يعيش سنين، فيه 4 نقاط أساسية لازم نراجعهم قبل ما أي حاجة تتقفل.

دورنا في ارت ريفو نحافظ علي التفاصيل اللي محدش بيشوفها… علشان هي اللي بتحافظ على النتيجة اللي الكل بيشوفها. 👌

Art Revo – Art in Details
‏
‏
#تشطيبات

08/09/2026

ليه تختار ارتريڤو؟👀

لأن ببساطة كل نقطة ليها مكان، وكل جهاز ليه مقاس.🤩

قبل أي تركيب بنراجع ونحدد أماكن الأجهزة الصحية مع الفنيين بدقة، طبقًا للوحات التنفيذية والتصميم اللي وافق عليه العميل

المتابعة اليومية هي اللي بتحول التصميم من ورق ...لواقع بنفس الجودة اللي اتصمم بيها
👌 #تشطيبات #مقارلات
Art Revo – Art in Details

04/09/2026

بنبدأ بالتكسير ورفع الشيرب طبقًا للوحات التنفيذية، علشان نجهز الموقع ونضمن إن كل بند بعد كده يتنفذ على المناسيب الصحيحة.

البداية الصح… بتوفر وقت ومصاريف وأخطاء في باقي مراحل التشطيب. 👌
وعشان تبدأ انت صح كلمنا في ارت ربفوا واضمن بداية صحيحة في كل مراحل التشطيب
Art Revo – Art in Details

24/08/2026

22/08/2026

تعالوا نحكيلكم حكاية عميل سلطع برجر المعفن اللي مش سالك 🤣
المهنس سبونج بوب كان بيعاني معانا😭