03/02/2026
كنت زمان بحب اشتري الزبيب الاصفر اللامع ده
لحد ما اكتشفت ان اللون ده غالبا بيبقى ماده حافظه اسمعا ثاني اكسيد الكبريت🙄
وما فيش مشكله في الماده الحافظه دي لان كده كده مش هناخد منها كميه✌️
بس المشكله انها مؤذيه جدا للناس اللي عندها حساسيه صدر او ربو😢
( بلاش اللامع اوي خليك ف الأصفر الباهت شويه او الاحمر او الأسود)
ده غير طبعا ان الزبيب عنب مجفف وبالتالي مليان سكر كثير جدا في كميه صغيره🫣
وسهل جدا يرفع سكر الدم خصوصا لو اتاخد لوحده
😑( لو قست السكر بعده هتلاقيه بيعمل قفزه)
⛔دول الحالتين اللي لازم تاخد بالك فيهم لو قررت انك تشتري او تجيب زبيب
فيما عدا ذلك بقى الزبيب ده كنز اضافه 10 وحدات بس على الاكل ممكن تغنيك عن ادويه كتير اوي⚠️
👈١- مكنسة" للقولون
الزبيب ده عبارة عن "إسفنجة" ألياف.
أول ما يدخل بطنك، بيمتص الميه وينفش، ويلم كل "الزبالة" والسموم اللي مركونة في القولون وينزلها.
يعني لو عندك إمساك، الزبيب هو "الملين" الطبيعي بدل الأدوية.
👈2. "باور بنك" للأعصاب
عشان مليان بوتاسيوم، وده اللي بيظبط "كهرباء القلب" 👈وضغط الدم. لو إنت من الناس اللي بتتنرفز بسرعة أو ضغطها بيعلى، كام حبة زبيب هيهدوا الدنيا ويطلعوا الصوديوم الزيادة من جسمك.
👈3. "الأسمنت" بتاع العضم
⛔و دي بقى المعلومة اللي بـ 100 جنيه! الزبيب فيه معدن نادر اسمه "البورون" (Boron). المعدن ده هو اللي بيقول للكالسيوم:👈 "تعالى يا حبيبي ادخل جوه العضم من غير البورون، الكالسيوم اللي بتشربه في اللبن ممكن يترسب في الكلى🙄 ويعمل حصوات بدل ما يقوي عضمك.
👈4. "فلتر" للدم:
خصوصاً الزبيب الأسود ده عبارة عن "حقنة حديد"طبيعية.بيزودالهيموجلوبين ويخلي وشك يرد فيه الدم بدل الصفار والبهتان بتاع الأنيميا.✋
👈5. "بوتوكس" طبيعي :
عشان فيه مركبات اسمها (Phenols). دي وظيفتها في الحياة إنها تروح للخلايا العجوزة وتقولها "ارجعي شباب" بيحمي جلدك من التجاعيد وبيحمي خلاياك من السرطان.. حرفياً بيحارب "الصدأ" اللي بيحصل جوه جسمك.🫣
👈6. مع إنه مسكر وبيلزق، بس العلم بيقول إنه فيه حمض بيقتل البكتيريا اللي بتعمل تسوس والتهابات لثة (بس طبعاً لازم تغسل سنانك برضه عشان السكر اللي فيه!).. ⛔
⚠️المؤامرة مش دايماً في الأدوية، المؤامرة أحياناً بتبقى في إننا نسينا 'فطرة الأكل' وبقينا ندور على الحلول البديله👌
السؤال بقي
بكام كيلو الزبيب دلوقتي واحنا داخلين علي رمضان
انا قولت استفسر منكم
لاني في الله بحبكم❤️
