15/07/2026
احلى واجمل سابليه هتعمليه👌❤️
طريقة عمل السابليه:🍫
*المقادير:
- الدقيق 450gm ( ٣ كوب ونصف ونشيل منهم معلقه كبيره )
- بيضه وزنهم 50gm ( بدرجة حرارة الغرفه )
- سكر بودر 125gm ( كوب الا ربع )
- زبده نيوزلندى 250gm ( تكون طريه وبدرجة حرارة الغرفة )
- كيس فانيليا دريم
- رشة ملح
* الطريقة:
- نضيف الزبده للعجان او فى بوله ونخفقها بالمضرب لحد م تكون قوامها كريمى ونضيف عليها السكر البودر ونخفقهم مرة تانيه لحد م الزبده والسكر يتجانسو مع بعض ويكون قوامهم كريمى ولونهم فاتح نوقف خفق وفى طبق خارجى نضيف البيضه والفانيليا وادوبهم بعدها انزلها على خليط الزبده والسكر واخفقهم لحد م البيضه تختفى
- دلوقتى هنضيف عليهم الدقيق والملح ومنعجنش فيهم كتير عشان العجينه متعملش عرق يدوب بنلمهم بأيدينا لحد م الدقيق يختفى بعدها نكور العجينه ونلفها باسترتش وندخلها التلاجه نريحها لمدة ساعه.
- بعد الساعه نشتغل فيها ويفضل يكون تحتها وفوق العجينه ورقة زبده ونفرد العجينه بسمك 2Cm ونبدأ بتقطيع العجينه بالاشكال المتوفره عملت قلب ودايره
- وممكن نخبزها فى القوالب الصغيره كل قالب نحط به عجينه وزن 7gm ونفردها جواه ونعمل فتحات او ثقوب من النصف ونرصهم على صوانى كبيره
- بعد نحضر الصوانى نكون مسخنين الفرن من قبلها على درة حراره 170 بتقعد ربع ساعه اول م تاخد لون من تحت ومن الجوانب نخرجها ونسيبها تبرد تماما قبل التزيين.
- لتزيين القوالب الصغيره نحضر جناش شيكولاته نضيف 220gm من الشيكولاته الدارك عليهم 110gm من كريمة الخفق وندخلهم ميكرويف لمده 30ثانيه ونخرجهم ندوبهم كويس ممكن نضيف عليهم معلقه كبيره من اى شيكولاته اسبريد ونخفقهم بالمضرب علشان يكونو كريمى ونزين بيها القوالب الصغيره وممكن نستبدل الجناش ده بنوتيلا ونقدر نستخدمه فى حشو السابليه
- ولتحضير الشيكولاته البيضه هنحتاج 100gm شيكولاته بيضه و 25gm كريمه خفق وندخلهم ميكرويف 30 ثانيه ونخرجهم ندوبهم كويس لحد م تكون كريميه وتكون بردت تماما هنزين بيها القوالب الصغيره
- لتحضير صوص الشيكولاته لتغليف السابليه هنحتاج 200gm شيكولاته نضيف عليهم 3معالق كبيره زيت وندوبهم على حمام مائى ووده هينفع لتغليف السابيله
بعد م نغلف السابليه بصوص الشيكولاته هنحطها على ورقة زبده لحد م تنشف ونزينها من فوق باى شكل احنا حابينه
- لتزيين السابليه التقليده نجيب شكل الدايره ونضيف عليها حشوة المربى ونضع فوقيها شكل دايره مفرغه تزيين بسيطه وشكلها بيكون حلو
- وهنعمل أحلى سابليه للعيد دايب وطعمه خطيره وشكله رهيب واحلى من الجاهز وبالف هنا وشفا عليكم حبايب قلبى🥰❤️
#سابليه #وصفات #مخبوزات
