06/09/2026
بقالي ٤ سنين بشتغل مع الأمهات في التربية من خلال مجلس قراءة الكتب التربوية
وخلال السنين دي قابلت أسئلة كتير جدًا، ظاهرها إنها أسئلة تربوية زي:
"أعمل إيه عشان ابني 8 سنين ينزل يصلي الجماعة في المسجد؟"
"أعمل إيه عشان بنتي تلبس الحجاب؟"
"إزاي أتابع حفظ القرآن مع ابني وهو عنده 4 أو 5 سنين؟"
"إزاي أخلي ابني يتحلى بصفات وخصال الصحابة والتابعين وأربيه على سيرهم؟"
وكل مرة الأسئلة دي كانت بتوقفني، إحنا بنسأل: أعمل إيه عشان أخليه يعمل كذا؟ قبل ما نسأل: هل أصلًا مطلوب منه يعمل كذا؟
هل الطفل قبل البلوغ والتكليف يُلزم بصلاة الجماعة في المسجد؟
إمتى تُكلَّف البنت بالحجاب؟ وهل واجب شرعا إني أجبرها عليه؟
هل الحفظ هو الأولوية فعلًا في سن 4 أو 5 سنين؟
وإيه اللي نأخده من سير الصحابة والتابعين لأولاد عايشين في زمان وسياق مختلف؟
إحنا محتاجين الأول نضبط المعلومة الفقهية اللي عندنا قبل ما ألزم ولادي بشئ لم يفرضه ربنا علينا.
ومن هنا جات فكرة مجلس:
رحلة لفهم وترتيب وتصحيح المفاهيم قبل ما نبحث عن الأدوات والطرق.
وبدايتنا هتكون بمحاضرة: قبل أن نعلّم أطفالنا الدين
ينتهي الحجز المبكر النهاردة السبت ١٠ مساء.
قبل ما نسأل: أعلّمه إزاي؟
محتاجين الأول نعرف: أعلّمه إيه؟ وليه؟ وإمتى؟
مستنياكم تكونوا معانا في الرحلة المشيقة المثيرة للجدل جدا 😅
