13/07/2026
✍️✍️ሰላም የተወደዳቹ፦
የዛሬ ውሎዬን እስኪ ላካፍላቹ።
👉 ዛሬ ማለዳዬ ቆንጆ ነበር ፤ እናም ንቅት ንቅትቅት ብዬ ወደ ስራዬ አዘገምኩ። በነገራችን ላይ ማለዳ ያበጃጀነው ፣ የሰነቅነው ሀሳብ፣ ፀሎት፣ አመጋገብ፣ በማለዳ የሰማናቸው ቃላቶች እነዚህ ሁሉ ተደማምረው ያማረ የሰመረ ወይም የተዛባ ቀን እንድንውል እንገደዳለን። እናም ማለዳቹ ላይ መጠንቀቅ መልካም ነው። እኔ በበኩሌ በማለዳ የማውራት ልምድ የለኝም እስከ ረፋድ በዝምታ ነው የምቆየው በቻልኩት መጠን ማታ ስተኛ የማስበውን ሀሳብ አስተካክላለሁ ምክንያቱም ማለዳ ላይ አዕምሮዋችን ካቆመበት ነው የሚቀጥለው ስለዚህ ማታ ሀሳባችንን መልካም ሀሳብ ላይ ካስቆምነው የጠዋት ሀሳብ ሰላማዊ ነው። በተቻለ መጠን ሰው ሲተኛ እና ሲነሳ መፀለይ አለበት ባይ ነኝ።እና በራሴ ወሬ ያዝኳቹ ፦
👉እናም ወደ ቢሮዬ ገባሁ ጓደኞቼን ሰላም ብዬ ወደ ስራዬ ገባሁ። በመሀል አንዱ የስራ ባልደረባችን አልገባም እና ለምን እንዳልገባ ጠየቅኳቸው። ከመሀል አንዷ ''አሞታል'' አለችኝ። ደንግጬ፦ እእእእእ መቼ ? ቅዳሜ አሉኝ ። ውይ ሲያሳዝን አልኩ እና ስልክ ልደውል ሳወጣ። ''ሄደሽ አትጠይቂውም''
አይ ዛሬ እንኳን ከእህቴ ጋር ሌላ የታመመ ሰው እጠይቃለሁ እሷ ትጠብቀኛለች ከስራ ስወጣ፤ ''እናንተ ጠየቃቹት?''
አዎ ሁለታችን ትላንት ጠይቀነዋል። አንዷ ግን አልጠየቀችውም ነበር። እና እኔ እኮ ከአንቺ ጋር እጠይቀዋለሁ ብዬ ነበር አለችኝ። እንዴት ይሻላል ታዲያ ብዬ እያሰብኩ እያለ ፣ ሌሎቹ መሳቅ ጀመሩ አልገባኝ ነበር እና። ምነው? አልኳቸው'' አይ እሷ ብቻዋን ልትሄድ ስለሆነ ነው። ከዛ አሰብ አድርጌ ፤ ሀሳብ እንድትሰጠኝ ጠየቅኳት፦ እእእእእ በቃ እጠይቀዋለሁ ብቻዬን አለች። እሺሺሺ አልኳት ግን ፊቷ ላይ ፦ቅሬታ ፣ፍርሀት ፣አለመመቸት ይታያል። የነሱ ሳቅ የእሷ ሁኔታ ጥያቄ ስለፈጠረብኝ እእእእእ ለምን እንደዚህ አላቹ አስረዱኝ እስኪ አልኳቸው። በመሀል አንዷ ቸኮል ብላ፦ እሷ እኮ ወንድ ቤት መሄድ አትወድም አለችኝ። እኔም ቀበል አድርጌ በእርግጥ ብቻዋን ባትሄድ ይመረጣል ታሞም ቢሆን ተሰብስቦ ይሻላል የስራም ባልደረባም ቢሆን አልኳት። ቀበል አለችና ደሞ ይወዳታል አለችኝ፦ በእርግጥ ሀሳቡ ለእኔ አዲስ ቢሆንም ለማሳለፍነ ሞከርኩ። የጉዳዩ ባለቤት ማውራት ጀመረች። ፨
👉ይሄውልሽ እኔ ህይወቴን ታውቂዋለሽ ከብዙ ነገር መራቅ አለብኝ፤ ሲጀምር እኔ በታሪክ ወንድ ቤት እንደመሄድ የምጠላው ነገር የለም ትክክል ነው ብዬም አላምንም። አሁን ደሞ አስቢው እኔ የስራ ባልደረባዬ ነው በጠይቀው እናንተ እውነቱን ታውቃላቹ ፣ ያየኝ ሰው ደሞ የሚገምተው ሌላ ነው። እራሴን ለግምት ማስቀመጥ አልፈልግም ። እንዲገምቱሽ እድል ከሰጠሽ በኋላ ለግምታቸው ምላሽ መስጠት፣ እውነቱን ለማስረዳት መጣር ለእኔ ሌላ ስራ ነው የሚሆንብኝ ስለዚህ ከዛ ነገር እሩቅ ለመሆን ነው ሁሌም ፍላጎቴ አለች ። እርግጥ እኔም እደግፋታለሁ ሴት ወንድ ቤት መሄድ የለባትም።ደሞም ተረድቻታለሁ የቤተክርስቲያን ልጅ ናት የራሷ መመሪያ አላት፣ ሰዎች በሷ እንዲሰናከሉ አትፈልግም፣ እሷ የቤተክርስቲያን ልጅ ሆና እንዲህ ካደረገች ብሎ ሰው በእሷ እንዲስት አትፈልግም ። እኔ ግን የምለው ሰዎች የሚያዩት ላይ ፈራጆች፣ ገማቾች ናቸው። ሰው በስንት የክፋት መንገድ እየተጓዘ የራሰን ጉድለት ሀጢያት ከማየት ጣቶቹን በሌሎች ስራ ህይወት ላይ ሲጠቁም ይኖራል። የሰው ልጅ አትፍረድ እየተባለ ይፈርዳል፣ ይከሳል፣ የሱን ዶሴ ቢገለጥ ተነቦ አያልቅም። እናም ልል የፈለኩት የሰው ልጅ የሌሎችን ህይወት በመገመት እና እራሱን በፃድቅ ቦታ አስቀምጦ ከሚመፃደቅ የራሱን ኑሮ ለምን አይኖርም። ፈራጅ፣ አፅዳቂ ወዳጅ እግዚአብሔር አለ።ሰውን ሲበድል እንጂ ንስሀ ሲገባ አላየህም እና አትፍረድ። ይላሉ አበው።መልካም አመሻሽ ይሁንላቹ። ስለ ሰው ከማውራታቹ በፊት እራሳቹን መርምሩ።✝️🙏💒የክርስቶስ ምህረት፣ ፍቅር፣ ርህራሄ፣ሰላም ከሁላችንም ጋር ይሁን።
