Mrstam_eccooking 靚太醫師生活小煮意

Mrstam_eccooking 靚太醫師生活小煮意 靚太X註冊中醫師X梁亦琳
煮飯X睇病X分享英倫�生活

2025年即將過去,今年完成咗一個大project。多謝大家見證梁醫師從懷孕到生產嘅經歷,亦有幸身邊好多人幫忙、教導、陪伴。 正是了解在英嘅生產育兒之路唔容易,所以7-8月時構思gather 一眾街坊好友,大約都係準備生產或剛剛產後,彼此認...
14/11/2025

2025年即將過去,今年完成咗一個大project。多謝大家見證梁醫師從懷孕到生產嘅經歷,亦有幸身邊好多人幫忙、教導、陪伴。
正是了解在英嘅生產育兒之路唔容易,所以7-8月時構思gather 一眾街坊好友,大約都係準備生產或剛剛產後,彼此認識交流下圍爐下,正好有機會就同 .club 合作搞咗個新手爸媽嘅講座。
當日除咗分享咗產後一年內中醫調理,我仲搵咗好朋友言語治療師Tiffany 講幾時開始Bb 加固,大家都話好有用。亦都多謝 幫我哋整咗茶點俾大家,黑芝麻同腰果都係補腎好食材,加入咗減甜雪花酥,好啱大家食,大家可以聖誕買啲嚟自用送禮!

最後,天氣開始轉冷,十二月不如嚟個coffee run 加公園放電?二B 成行!

🌐IG | http://bit.ly/2nIKRVI
💻FB | Mrstam_eccooking 靚太醫師生活小煮意
🗨如有疑問請諮詢註冊中醫

#中醫 #中醫養生 #伊靈中醫

[這趟旅行若算開心 亦是無負這一生]做咗人媽媽一個月由開頭咩都唔識到宜家都係咩都唔識可能生仔真係需要考牌不過我會盡快進步到做一個合格嘅媽媽整體感覺其實好矇朧 可能我已經太眼瞓由入手術室開始 每一刻都有新嘗試新經歷然後當bb 一拎出嚟放喺自己...
26/04/2025

[這趟旅行若算開心 亦是無負這一生]

做咗人媽媽一個月
由開頭咩都唔識
到宜家都係咩都唔識
可能生仔真係需要考牌
不過我會盡快進步到做一個合格嘅媽媽

整體感覺其實好矇朧 可能我已經太眼瞓
由入手術室開始
每一刻都有新嘗試新經歷
然後當bb 一拎出嚟放喺自己心口
奇妙旅程由此開始

每兩個鐘就要爸爸喂奶一次屎尿一次
而我訓響醫院床望住佢哋兩個
(因為太痛 我真係郁唔到 一路訓咗好耐)
具體講唔出有咩分別
但就突然間覺得世界好似唔同咗好多

[命運敲定了 要這麼發生]

自此我哋每日就好似過緊o camp 咁
有無限個tasks 要完成
每一秒鐘都要做野
(即係就算係食緊lunch 都要猜麥當勞枚
就算等緊車都要拍7)
每日都只可以power nap 2-3 個鐘

但係我相信宜家只係體力上辛勞
遲啲會有更加多新挑戰
有更多嘢要學習
最近不時諗起
好多已經生咗小朋友嘅屋企人同朋友們
到底你哋係點行過呢段路
點解你哋可以做得咁好 真係好佩服你哋

[但是經歷過 最溫柔共震]

多謝Robyn 回家 令我夢想成真
對於我來講幾痛幾累都好
都好開心可以得到呢個經歷
我會盡力嘗試做一個chill mum
希望阿女健康快樂成長
未來同爸爸阿女一齊擁有好多快樂時光

最後多謝公公婆婆特登由香港過嚟照顧Robyn
希望你哋都擁有一個奇妙旅程

又新一年~歡迎大家參加!
21/01/2025

又新一年~歡迎大家參加!

🧧廣東話網上講故事活動
🧧Cantonese Online Storytelling Activity

🌟小朋友,你哋準備好迎接蛇年未呢?🐍

1月24日將會有我哋龍年最後一次嘅網上講故事活動🎉,今次我哋有特別嘉賓: Ungoogoo故事館創辦人CanCanMa同我哋一齊玩!🌈

除咗同小朋友分享同農曆新年有關嘅故事,我哋仲會有小手工🎨✂! 係咪好期待呢?🥳

唔好錯過呀! 快啲讚好同分享,再留言: snake,我哋就會將Zoom嘅資料inbox 俾你📩!

🌟 Hey little ones! Are you ready for the Year of the Snake?🐍

Guess what? We are going to have our FINAL online storytelling activity of the Year of the Dragon on 24th Jan! 🎉 And we have a super special guest joining us: CanCanMa, founder of Ungoogoo Story Hub🌈

Join us for thrilling stories about the Lunar New Year, and get ready to create some awesome crafts! 🎨✂

Don’t miss out! Hit the like button, share with your friends, and drop a comment saying “snake” so we can send you the Zoom details! 📩 Let’s make this event unforgettable! 🥳

📆日期Date: 24/1/2025
🕰時間Time: 英國時間UKT 20:00
🏠地點Venue: 你屋企 Your Home
🗣語言Language: 廣東話 Cantonese
(費用全免 It’s free! )

Ungoogoo故事館
https://www.facebook.com/profile.php?id=100067771632004

#廣故仔 #廣東話 #講故仔

呢個星期天氣好凍,好多人有傷風感冒、流感症狀。英國nhs對於感冒症狀嘅開藥係好保守,一般都係叫你買成藥同飲水休息。我個人係好同意唔好隨便使用抗生素,但因應不同個人/環境情況,有時係有需要用到抗生素先可以及時醫治,唔會併發更嚴重疾病。如果高燒...
11/01/2025

呢個星期天氣好凍,好多人有傷風感冒、流感症狀。英國nhs對於感冒症狀嘅開藥係好保守,一般都係叫你買成藥同飲水休息。
我個人係好同意唔好隨便使用抗生素,但因應不同個人/環境情況,有時係有需要用到抗生素先可以及時醫治,唔會併發更嚴重疾病。
如果高燒(38度以上)持續2-3日、咳得好緊要(甚至咳到胸痛心口痛)、有黃綠啡痰(或者有血)、個人持續無精神面色好青白等等,就要開始注意係咪成藥已經無用。
可以點做?
聯絡GP,同時睇中醫。中藥都可以好好咁控制病情,而且中醫師亦可以幫你準確判斷病情。緊急時都可以即時/及時去私家西醫睇,唔好再等。同時梁醫師建議呢排有少少喉乾喉沙,覺得凍親流鼻水,就立即睇咗中醫同戒口先,呢波流感係無任何湯水可以預防,唯有多食維他命c 水果同保暖,大家保重身體呀🫶🏻🫶🏻🫶🏻

🌐IG | http://bit.ly/2nIKRVI
💻FB | Mrstam_eccooking 靚太醫師生活小煮意
🗨如有疑問請諮詢註冊中醫

#中醫 #中醫養生

我想講我啲湯料、藥材、零食杯麵都係galaxy 度買。大家就知佢係好嘢啦!https://www.facebook.com/100076014108903/posts/613038831239915/?mibextid=wwXIfr
05/01/2025

我想講我啲湯料、藥材、零食杯麵都係galaxy 度買。大家就知佢係好嘢啦!

https://www.facebook.com/100076014108903/posts/613038831239915/?mibextid=wwXIfr

移咗民嘅香港人難免會掛住家鄉的食物陳迷亦一樣,所以時不時就要到售賣亞洲食品嘅地方入貨我哋一般稱之為中超,港超等等今集新系列《尋迷錄》將會帶大家深入港式士多《銀河食品》帶大家睇吓英國Milton Keynes港人的熱門.....

[  #滴雞精 自己動手做!]嚟到英國好多嘢唔係咁易買到,想食想用就要自己整。好多病人問點樣滴雞精,咁我就做一次俾大家睇😤👍!首先我覺得隻雞好重要(好似廢話),但因為你滴咗佢嘅精華出嚟然後好intensive 咁飲,所以佢嘅營養係直接完全吸...
01/11/2024

[ #滴雞精 自己動手做!]
嚟到英國好多嘢唔係咁易買到,想食想用就要自己整。好多病人問點樣滴雞精,咁我就做一次俾大家睇😤👍!
首先我覺得隻雞好重要(好似廢話),但因為你滴咗佢嘅精華出嚟然後好intensive 咁飲,所以佢嘅營養係直接完全吸晒。今次我用 買嘅 #法國春雞 ,另外有機雞同 #珠雞 都建議可以試,主要係安全、slow growth 同埋少脂肪。

今次嘅春雞我用兩隻,去咗髀同翼(留返煮餸),一開4後再去皮。用instant pot 隔水蒸,即是先內膽再放蒸隔,加水,然之後放耐熱大玻璃兜,跟著倒轉地放耐熱細玻璃兜在大兜中間。最後放上雞件、4片薑再舖兩層錫紙。高壓soup mode 60分鐘再焗60分鐘,基本上雞精就完成。

我用春雞所以基本上無咩油同雜質,今次我想加花膠,於是就再加浸咗4個鐘嘅薄花膠隔水蒸多20分鐘焗10分鐘。如果想加 #紅棗 #龍眼肉 #黨參 #北蓍 都可以用以上做法。

街外嘅滴雞精好易飲到好燥,但自己買嘅靚雞完全唔會有熱氣同燥嘅感覺。普通調理可以一星期一次,(一隻1-2kg全雞可以兩至三個人飲),如果病後/手術後/懷孕/產後就可以2-3次/星期。感冒燥熱人士忌食。

🌐IG | http://bit.ly/2nIKRVI
💻FB | Mrstam_eccooking 靚太醫師生活小煮意
🗨如有疑問請諮詢註冊中醫

#中醫 #中醫養生 #中醫湯水

近來病人都話好乾燥,但原來唔係覺得好乾就真係全身上下內外都乾燥。暫時見到最多係內外都燥,或者外燥內寒濕嘅病症。如果外乾燥內濕,例如皮膚乾燥,但胃頂胃脹、有痰、脷苔厚、大便爛。一般來說都係脾胃夾寒濕,可以煲  #桑寄生蛋茶 ,可以補肝腎、祛風...
12/10/2024

近來病人都話好乾燥,但原來唔係覺得好乾就真係全身上下內外都乾燥。暫時見到最多係內外都燥,或者外燥內寒濕嘅病症。

如果外乾燥內濕,例如皮膚乾燥,但胃頂胃脹、有痰、脷苔厚、大便爛。一般來說都係脾胃夾寒濕,可以煲 #桑寄生蛋茶 ,可以補肝腎、祛風濕、強筋骨。而如果內外都好乾燥,例如口乾舌燥,易熱氣,大便乾等等,可以用兩三款滋潤食材(花膠、章魚🐙、鮑魚、瑤柱、螺)加紅蘿蔔、無花果煲個滋潤湯水。當然每天揸cream,減少暴露吹風都有幫助哦~😉

🌐IG | http://bit.ly/2nIKRVI
💻FB | Mrstam_eccooking 靚太醫師生活小煮意
🗨如有疑問請諮詢註冊中醫

#中醫 #中醫養生 #中醫湯水

Friends 係其中一套我好鍾意嘅sitcom, 當自己精神⚡️不足時,我會隨便開幾集去叉電,為自己打打氣。其中最鍾意Phoebe, 特別佢為細佬做代母果個chapter, 同埋佢最後同Mike 結婚都令我好感動🥲。大家又最鍾意邊個?為慶...
07/10/2024

Friends 係其中一套我好鍾意嘅sitcom, 當自己精神⚡️不足時,我會隨便開幾集去叉電,為自己打打氣。其中最鍾意Phoebe, 特別佢為細佬做代母果個chapter, 同埋佢最後同Mike 結婚都令我好感動🥲。大家又最鍾意邊個?

為慶祝佢哋30週年,倫敦舉辦咗個展覽,身為 #老友記 粉絲一定唔可以錯過。另外Netflix 於今年內仲有得重溫,未睇過想再睇就把握埋呢兩個月喇。

最後送上 #鼎泰豐 #小籠包 😤睇完相我又想再食。
🌐IG | http://bit.ly/2nIKRVI
💻FB | Mrstam_eccooking 靚太醫師生活小煮意
🗨如有疑問請諮詢註冊中醫

#中醫 #中醫養生 #中醫湯水

話說我嘅病人都知,除咗睇症,我嘅興趣就係食嘢🫣(題外話:我覺得都幾幸福因為自己嘅工作都可以稱得上係興趣)。如果時間可以我可以同病人aka朋友傾埋去邊玩、旅行食咩、有冇拍拖、番工開唔開心等等。因為我覺得了解大家生活對睇症會有好大幫助,而且朋友...
05/10/2024

話說我嘅病人都知,除咗睇症,我嘅興趣就係食嘢🫣(題外話:我覺得都幾幸福因為自己嘅工作都可以稱得上係興趣)。如果時間可以我可以同病人aka朋友傾埋去邊玩、旅行食咩、有冇拍拖、番工開唔開心等等。因為我覺得了解大家生活對睇症會有好大幫助,而且朋友係應該要互相關心互相愛護。

最近食咗兩間好好食嘅餐廳,都係不約而同好多病人介紹。兩間都認證咗食完唔會口渴、唔會勁多味精感覺,所以俾大家參考下。

歡迎繼續推介London 好餐廳俾梁醫師,我都有一系列好餐廳/黑名單推番俾你🤤🤤🤤~

🌐IG | http://bit.ly/2nIKRVI
💻FB | Mrstam_eccooking 靚太醫師生活小煮意
🗨如有疑問請諮詢註冊中醫

#中醫 #中醫養生 #中醫湯水

'The winter is coming' 所以把握最後機會同朋友出走York 。出奇地我覺得好多嘢好食,同認知嘅英國有好大差別。  #上水站       都好好食,可能係因為同朋友一齊,咩都好食。天氣凍咗,中醫食療角度有啲肉類係屬於偏溫...
04/10/2024

'The winter is coming' 所以把握最後機會同朋友出走York 。出奇地我覺得好多嘢好食,同認知嘅英國有好大差別。 #上水站 都好好食,可能係因為同朋友一齊,咩都好食。

天氣凍咗,中醫食療角度有啲肉類係屬於偏溫補,例如牛肉同羊肉。現代營養學亦認為佢哋含較多鐵質,鐵質有造血功能,可以促進身體血液循環有助保暖。大家好好準備過冬喇!

🌐IG | http://bit.ly/2nIKRVI
💻FB | Mrstam_eccooking 靚太醫師生活小煮意
🗨如有疑問請諮詢註冊中醫

#中醫 #中醫養生 #中醫湯水

Address

Ealing

Website

Alerts

Be the first to know and let us send you an email when Mrstam_eccooking 靚太醫師生活小煮意 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mrstam_eccooking 靚太醫師生活小煮意:

Share