31/08/2026
2026年8月29日 星期六 陰天
由示範手法，到一對一指導學員調整力道，成個過程雖然好用體力，但見到大家由一開始手忙腳亂，到最後可以流暢地紮出完美又有支撐力的束帶，心裏面真係有一種好難以言喻的滿足感。
身邊有朋友問我：「每日紮肚、修復腹直肌分離，又要同產後媽媽做評估，重複做同一套動作，唔會覺得累或者悶咩？」
其實我完全無諗過悶唔悶。紮肚對我嚟講，從來都唔單止係一份工作，而係一種療癒同享受。每一次幫媽媽評估盆骨同腹直肌，協助佢地修復身材、減輕腰痠背痛；或者教識一班學員一套好嘅技能，等佢地可以去幫助更多新媽媽，過程裏面嗰種「將混亂變回秩序」嘅成就感，真係令我好著迷。
俗語話「做一行，怨一行」，但我真係好幸運，因為我做緊嘅，正正係自己最鍾意做嘅嘢。當你熱愛一件事，教學時嘅每一句講解、每一次教學員感受肌肉反饋，都變得好有趣味。即使做完一日腰酸背痛，但返到屋企倒一杯熱茶，回想返學員眼神裏面嘅進步，整個人都係充實而快樂嘅。
希望自己可以繼續保持呢份熱誠，將呢份技術同這份對生活的熱愛，繼續傳遞畀更多人！
