https://carousell.app.link/4FSS8LSoeKb

Simply Space 原自間, Hong Kong (2026)

29/03/2026

2026年既第8️⃣8️⃣日
White Rhythmic Dog

特登揀今日出呢個post
要加個馬雅日子
係因為今日係一個提醒自己要愛自己既日子
而剛好呢班可愛又顏值極高既小朋友
提醒左我放手其實都係愛自己既一個表現

普遍都會認為教 SEN 小朋友的難度極高
其實6 年前，我都覺得係一個攀高山的任務

但經過學習&洗禮，我終於明白
真正的關鍵不在繪畫技巧
而係「觀察、破冰、與互動」

要令小朋友記得你，就要放手比佢發揮
你愈捉住佢隻手，佢愈抗拒你！

同我們與家人、伴侶間既溝通都如出一轍
我們往往太想「教」對方怎麼做
捉得太緊，結果兩敗俱傷

真正的溝通，不需要任何證書
只要我們願意放手，對方自然願意跟你交心
小朋友如是，家人如是，同事如是，伴侶如是

藝術創作也是一樣
它不是為了「完美作品」，而是「過程的領悟」

📍 Simply Space服務包括🏷️
藝術證書課程｜工作坊｜親子班｜🏢 機構團體外展服務｜🏠 個人教學｜回禮送禮
WhatsApp: 5587 8867 或者DM我地都得架🫶🫶
一齊探索屬於你的藝術

#藝術療癒 #情緒健康 #放手 #自我覺察內耗

應該放開時請放開，做得到嗎？

25/03/2026

2026年既第8️⃣4️⃣日

早幾日去咗日間長者中心帶 BotanyPainting 工作坊，本來我都習慣性準備多啲後備葉片，點知最後竟然一片都無額外用得著。

睇住 10 位長者慢慢、輕輕咁處理每一塊植物，嗰種專注同斯文，真係好有感染力。
我哋身處嘅社會，成日要我哋好用力、好拼命先覺得自己有價值，搞到好多人個心都充滿內耗同壓力。

但其實，放慢腳步，接納自己目前嘅狀態，用最溫柔嘅力度去對待手頭上嘅事物（同埋對待自己），出嚟嘅結果一樣可以好驚艷。
這就是我一直相信，藝術可以幫我哋整理內心、做到生活斷捨離嘅原因——清空不必要嘅社會眼光，你嘅特質本身就係一種天賦。

📍 Simply Space服務包括🏷️
藝術證書課程｜工作坊｜親子班｜🏢 機構團體外展服務｜🏠 個人教學｜回禮送禮
WhatsApp: 5587 8867 或者DM我地都得架🫶🫶
一齊探索屬於你的藝術

你有對自己溫柔過嗎？

16/03/2026

2026年既第7️⃣5️⃣日

「可以好認真咁，唔認真一次。」
呢句除左係感想之外
亦都係用嚟提醒自己嘅一句話
前幾日呢場兩個半鐘嘅流體藝術
40位社福界同工、義工
佢地平時照顧長者、處理 case
每一步都要 make sure 係啱嘅、安全嘅
但當佢地對住啲顏料嗰陣
我見到佢地放低晒個「專業」光環
冇人問我「點樣溝色先最靚」，冇人驚整污糟對手
有同工話：「唔認識，所以好期待」
倒顏料嗰下，有人話專注到連呼吸都停埋

其實，越有責任感嘅人，個腦越容易超載
你習慣咗 take care 所有人
但往往忘記咗俾個空間自己去 mess up
你要先容許自己唔完美。
當你體驗過呢種無包袱嘅自由
你先可以將呢份輕鬆嘅狀態
帶俾你身邊嘅人，或者你照顧緊嘅老友記
You can‘t pour from an empty cup.

你對上一次「好認真咁做件無聊事」係幾時？
留言同我分享下 👇🏼

📍 Simply Space服務包括🏷️
藝術證書課程｜工作坊｜親子班｜🏢 機構團體外展服務｜🏠 個人教學｜回禮送禮
WhatsApp: 5587 8867 或者DM我地都得架🫶🫶
一齊探索屬於你的藝術🎨

#流體藝術 #放空 #治癒自己 #認真地唔認真

28/02/2026

2026年既第5️⃣9️⃣日
🧧農曆正月十二🧧

由細到大
接受嘅教育都係要循規蹈矩
跟住現有社會嘅框框去學習如何做人成長
但時代轉變人都會轉變
今時今日可能冇任何框框
甚至乎做以前被稱為‘唔做得’嘅事會更容易成功

心隨境轉，境隨心轉
不論係小朋友定係老友記
係被照顧者定係照顧者
當你接受自己肯改變嘅時候
你身邊嘅人亦都會，因為你而改變

日常除咗攞起部電話去接受新嘅資訊
或者同唔同嘅AI Robot傾偈
都千萬不要忽略身邊嘅人
因為用心去聆聽身邊人嘅感受
呢樣嘢係暫時AI做唔到

📍 Simply Space服務包括🏷️
藝術證書課程｜工作坊｜親子班｜🏢 機構團體外展服務｜🏠 個人教學｜回禮送禮
WhatsApp: 5587 8867 或者DM我地都得架🫶🫶
一齊探索屬於你的藝術🎨

#心隨境轉 #母女情 #長者親子藝術 #認知障礙 #用心感受你嘅感受

呢一刻，即刻去關心一下身邊嘅人

17/02/2026

2026年既第4️⃣8️⃣日
🧧農曆大年初一🧧

大年初一
多數都留在家中等親友嚟拜年
而唔習慣多人嘅我總會係呢d時間
幫手機既相簿做斷捨離

然後滿滿都係過去一年嘅回憶📸
睇住相入面嘅小朋友
佢哋從來唔怕畫錯，想點畫就點畫
佢哋教識我：遠離標準標準，先會有驚喜
睇住相入面嘅老友記
即使手腳未必最靈活，但依然笑住咁去試
佢哋教識我：行動比想法實際，當下就係最好
我教佢哋畫畫
但其實係佢哋教識我提醒我

致所有朋友們：
新一年，我祝大家放低更多
遠離焦慮、遠離內耗
如果你個心已經塞滿咗工作嘅煩惱、人際嘅是非，
就算財神爺想送禮物俾你，都無位擺🤷‍♂️
騰出空間
好事自然會流向你🌊

#大年初一 #新年快樂 #斷捨離 #心靈空間 #除舊迎新

年初一你嘅活動係？？

25/01/2026

2026年既第2️⃣5️⃣日

🦶是日不良於行既我
又要提自己慢一點點🫂🫂
今日同大家share另一個出job經常聽到既說話

「我3餐都成問題，你仲叫我慢慢畫？有無離地咗少少？」

確實，當你拎住支畫筆
你嘅病痛唔會消失
亦都唔會無啦啦有份工話請你
喺功利主義嘅社會，藝術喺危急關頭
簡直係「廢物」

但我記得有一次去院舍
有位同學仔經歷緊人生極大嘅低谷
佢每一日擘大眼，就要面對無力感
控制唔到個病、控制唔到身邊人嘅離去
類似既情況我自己6年前經歷過
I know that feel

直到同佢玩完6堂流體藝術
其實都唔只流體，之後數下手指都同佢玩哂我識既野咁滯
過程中佢唔使同任何人解釋，唔使扮演堅強
重要可以完全唔同人講野
佢只需要專注係顏色上面

好記得有一次
佢同我講：「Ken sir,我依家覺得自己仲係一個『人』，而唔係咩價值都無。」

原來，當生活令你窒息嗰陣
藝術係個氧氣罩
佢俾你喺混亂之中，搵返丁點「我可以掌控」嘅尊嚴

佢解決唔到你嘅問題
但佢可以幫你整理好個心，令你有力氣去面對問題

如果你最近都覺得好無力
覺得失去咗對生活嘅控制
👇 留言或者DM我
我地嚟傾下計

📍 Simply Space服務包括🏷️
藝術證書課程｜工作坊｜親子班｜🏢 機構團體外展服務｜🏠 個人教學｜回禮送禮

WhatsApp: 5587 8867 或者DM我地都得架🫶🫶
一齊探索屬於你的藝術🎨🌟

#心靈寄託 #流體畫 #自我療癒 #逆境

18/01/2026

2026年既第1️⃣8️⃣日

呢個星期的確幾多情緒
由媽媽既腳傷到工作再去番媽媽既腳傷
睇住一個咩都自己做咩都又快又急既家庭主婦
因為腳痛咩都做唔到
由55歲先開始覺察自己要慢落嚟
對我嚟講都算係一種安慰

呢個係我自己經常會做既小習慣
一個你自己就做到既10 分鐘情緒掃除儀式
不需要擅長畫畫
只需要一張紙、一支筆，一顆想放過自己的心

💡 小練習：
先花 10 分鐘，把呢個星期的「垃圾」畫出來
然後親手把它掉走

👇 留言話我知：
你最想「斷捨離」的一件事是什麼？
（我先：我想掉走「覺得自己進度太慢」的焦慮！）

📍 Simply Space服務包括🏷️
藝術證書課程｜工作坊｜親子班｜🏢 機構團體外展服務｜🏠 個人教學｜回禮送禮

WhatsApp: 5587 8867 或者DM我地都得架🫶🫶
一齊探索屬於你的藝術🎨🌟

#情緒斷捨離 #自我照顧 #內耗 #心理健康 #斷捨離

27/12/2025

12月17日到依家先出到呢個post😂😂
想再用多條Reels去記錄同你哋呢份友誼❤️
我知會好唔符合演算法😂
亦都知效果會唔好但我就係想做🤭

承上題
由和諧粉彩畫到流體畫，再到今日嘅酒精墨水畫
其實上個月，原本嘅機構計劃已經結束咗
但我同佢哋講：「不如以後每個月一次，嚟我 studio 繼續畫啦」
點解？

「想繼續做一件事，有時單純係因為鍾意」
其實冇乜大道理，單純係因為我鍾意睇到佢哋畫畫嗰陣，嗰種專注同埋滿足嘅笑容❤️
我成日都講，藝術唔應該有門檻，更唔應該因為身體嘅限制或者計劃嘅結束而停止
喺色彩面前，每個人都係自由嘅
酒精墨水隨心流動，唔需要技巧，只需要感受當下
見到佢哋望住自己作品嗰種眼神
我覺得呢份堅持好值得
藝術唔係屬於少數人，而係屬於每一個熱愛生命嘅人

📍 Simply Space服務包括🏷️
藝術證書課程｜工作坊｜親子班｜🏢 機構團體外展服務｜🏠 個人教學｜回禮送禮

WhatsApp: 5587 8867 或者DM我地都得架🫶🫶
一齊探索屬於你的藝術語言 🎨🌟

#藝術療癒 #酒精墨水 #色彩能量 #簡單就是

12/12/2025

一個水晶球承載滿滿幸福
同小朋友一齊創造獨一無二嘅聖誕回憶，

親子限定溫馨體驗體：邊玩邊學，將想像力變成閃閃發光嘅小宇宙。

親子聖誕水晶球工作坊 (只限6個名額！)

🗓️日期：22Dec2025（星期一）
⏰時間：(A) 10:30am - 12:30am
(B) 3:00pm - 5:00pm
🏫地點：荔枝角香港工業中心C座

優惠：原自間學生專享9折優惠

📮歡迎 inbox 或 Whatapps 查詢及報名：
https://wa.me/85255878867

#親子工作坊 #聖誕節 #水晶球

22/11/2025

✨識左幾年應該都未試過出po講🎨
今次要講唔係因為呢個project既完結
而係因為我見到你地已經‘究極進化’
由2022年Zoom和諧粉彩開始
到第一次嚟Studio齊嘩嘩畫畫
再到上年既‘五味人生’
嚟到依家講左幾年既流體藝術

問我有冇擔心你哋做唔到？
無！！！！完全無！！
呢4堂令我最深刻嘅💫
係見到你哋完全沉浸在顏料流動的magic moment 🌈，當限制變成可能性、當不完美成為獨特

我一直相信藝術是大同的 🌍
任何人只要願意，都可以🔥

你哋提醒我：技法是死的 ❌
透過自己的思考創作，就是屬於你的技法 ⭐
「我們相信每個人都有創作的權利 ✊

無錯！！！
以後每個月都一定要同你哋玩一次聚一聚！！
12月17日見！！！

📍 Simply Space服務包括🏷️
藝術證書課程｜工作坊｜親子班｜🏢 機構團體外展服務｜🏠 個人到府教學｜回禮送禮

WhatsApp: 5587 8867 或者DM我地都得架🫶🫶
一齊探索屬於你的藝術語言 🎨🌟

#流體畫 #藝術治療 #共融藝術 #藝術工作坊 #創作自由 #藝術無界限 #外展服務 #藝術教育 #自我探索

07/05/2025

✨ Botany Painting Workshop🎨
植物彩繪工作坊

由1月講到5月
經過不斷練習
不斷到唔同中心、對象反覆試驗
再加埋呢幾個月探討埋不同可能性
終於都夠信心推呢個workshop

什麼是植物彩繪？
植物彩繪是一門結合藝術與大自然的優雅創作，
透過細緻的觀察，
將植物的形態、紋理、色彩完整呈現，
既是藝術創作，也是靜心修行。

【創作過程帶來什麼？】
🌱 訓練專注力
🌱 培養觀察力
🌱 提升耐心
🌱 放鬆心靈

【工作坊教學重點】
📝 基礎線條練習
🎨 暈染上色技巧
🖌️ 葉脈描繪方法
🎯 光影層次掌握

【為什麼選擇植物寫生？】
💭 在快節奏的生活中，
都市人常常忽略了身邊的自然。
植物彩繪不單單是一門藝術，
更是一種修行
當描繪葉的紋理，
心靈也在沉澱與淨化。
🌿 每一塊葉都是獨特，
就好似每個人的故事都值得細細品味。
透過植物彩繪，
學會用仔細的眼光，
觀察生命中的細節。

【工作坊資訊】
🗓️ 6、7月工作坊現已開放報名
✨ 6月1日 or 6月15日 or 7月6日 or 7月27日
📍 10:00am - 12:30pm or 02:30pm - 05:00pm
📱 DM or WhatsApp 55878867 查詢&報名
*是次工作坊將完成一幅30 x 30cm 正方形作品

#植物彩繪
#精油生活 #藝術治療 #正念創作
#香港工作坊 #藝術課程 #靜心
#植物繪畫 #心靈療癒

Simply Space 原自間

29/03/2026

25/03/2026

16/03/2026

28/02/2026

17/02/2026

25/01/2026

18/01/2026

27/12/2025

12/12/2025

22/11/2025

07/05/2025

Address

Telephone

Website

Alerts

Contact The Business

Shortcuts

Share

Category