[韋太烹飪教室]

13/06/2026

昨晚臨睡前浸咗啲糯米同開邊綠豆諗住今早包粽。點知瞓到六點鐘，出面落暴雨，突然一個雷響到好似一個炸彈跌落嚟爆炸，真係嚇死人！
跟住都瞓唔著，等到七點鐘就去將啲糯米同綠豆瀝乾水。最後索性早啲起身，鮮菜麵包發酵然後一路包粽一路整麵包，橫掂外出都落雨就算今日星期六想出去食早餐都趕唔切，因為包完粽，還要用高速煲烚一小時，烚粽期間索性煮碗通粉+新鮮出爐雞尾包就完成中午一餐。
大約十二點半見天氣轉好天，拿拿聲就出去街市買餸，先去行惠康買，然後再去街市，最後就快行到回家，突然又落大雨，拉住成車嘢，想走返兩步都唔得！
回到家都好忙，因為要處理食材，又要拉啲廢紙落樓下環保回收，跟住又要出去攞淘寶。
啲粽烚好咗,最後又食咗一條粽當下午茶。五點鐘才可以坐低休息一會。今晚煮意粉餐！

12/06/2026

年紀大是否身體機能慢慢在下降呢？星期一，二在家做咗兩日運動，身體感覺很疲倦。（另外可能練開跨，都要時間休息）所以星期三就決定休息一日沒有做運動。但昨天起身雖然疲倦已消散, 但是在早上量血壓，上壓只得99下壓78，平日血壓點樣低上壓都會保持在114左右，所以我覺得昨日的狀態血壓太低，可能與前一日食嘢比較少，血糖低所以血壓低。最後決定休息多一天。
原本打算昨天去游水，因為低血壓都不而做運動。所以今天趁沒有落雨，9點幾落去會所游水。
今次目標係1500米，希望在一小時內完成。最後智能手錶顯示1525米，58分59秒完成。
點解1525米游多咗25米？可能是智能手錶出現錯誤,我計算過應該只有1500米。
這個時間及長度，應該是有生以來第一次能夠一口氣（有氣）游咁長時間，當然每游到25米轉身都需要10幾秒轉身睇錶或休息。
在這一小時的游泳時間內，我覺得能夠盡情將身體裏面的廢氣排出，有助媽氣。
其實游完都仲有氣繼續游，不過適可而止，以免操勞過度。游完之後落去嘆蒸氣浴，由於蒸氣太熱唔夠五分鐘要快啲出來，因為真係太熱，怕熱到暈低就唔好啦。

06/06/2026

今日星期六，一早七點幾瞓醒，跟住瞓唔著。睇完一輪手機9點才正式起身刷牙洗面，準備出街。
今日Me time時間，自己走咗去形點食早餐跟住睇戲，睇完戲再行商場shopping，跟住最後又去街市買些餸就回家。
今晚韋老爺去街，只有韋二少爺在家，所以今晚都係簡單啲煮麵畀佢食。
回家就忙咗一輪跟住就焗咗條蛋捲，才坐低休息。

05/06/2026

呢幾日每日超過33-36度真係熱死人。每天早上在家做運動，開動兩把風扇吹住室內溫度都31度，做唔夠半小時運動都全身濕透，不停流汗。如果外出跑步或行山真的頂唔順。
平日就算幾熱，下晝我都唔會開冷氣，唔係話慳錢問題，其實經常嘆冷氣對身體都不太好。一般我都會在晚飯時候才開及晚上睡覺時開冷氣。
今日三點鐘才出去街市買餸，出去時氣溫高達33度，買完一小時回來，全身都濕透真是太熱了！

03/06/2026

天氣實在太熱，決定暫時放棄跑步改去游水。今天一早起身，九點幾落咗去會所游水，今次set好智能手錶，目標游1200米或者游45分鐘。最後游咗1200米，需時45分47秒。即來回游咗48趟（25米/趟）下次應該游1250米，50趟。

01/06/2026

上年忙到都無包粽, 今年要包少少練習下先 !
大家有興趣下齊抽時間玩下或將影片分享出去 !

https://youtu.be/z8NncDef0hw?si=zulkFV5fplaK8pnT

#韋太包糕技巧

#五香鹹肉粽 #端午節 #鹹肉糭 #包粽方法 #韋太好煮意 #韋太私房菜 #韋太烹飪教室 #韋太食譜 #韋太蛋糕 #韋太麵包** 請大家記得贊好、分享及訂閱[韋太好煮意] 頻道 ! ** 內附食譜製作: 韋太烹飪教室 http://irenechanwai.blogspot.com 韋太烹飪...

27/05/2026

旅行回來後都很忙，回來後第一天就忙於外出買餸及家居清潔。第二天因為天氣太熱氣溫高達32度以上所以不考慮出去跑步因為怕容易中暑。
今日雖然身體仍然覺得有些攰但是天氣真的很熱，所以就決定落去會所游水。由於第一次使用智能手錶去計算，所以原定的設定是以瑪利計算都沒有留意，以為自己游左一千米，原來係差少少。
不停游咗大約45分鐘，應該都算係好氣。
去咗五日旅行，每天不停，吃回來後都重咗差不多兩磅，身體肌力下降，體脂及內臟脂肪都上升，又要開始繼續減肥。

24/05/2026

行程第五日，早餐後乘3小時前往黔東南小長安，參觀「隆里古城］及午餐，然後結束今日旅程，在從江高鐵站準備回程到深圳北站，再回福田結束5天旅程。
#一腳踏三省

24/05/2026

第四晚酒店：石阡佛頂山溫泉小鎮。

#一腳踏三省
#貴州石阡佛頂溫泉小鎮