03/09/2026
واحد من مواقف الشاعر جبار رشيد الكثيرة
مرة اجه يستلم راتبه ال(800 د.ع) باذاعة العراقية بس أتفاجأ انطوه نصف راتب مستقطعين منه ساعات عمل غياب و.. المهم استلم الباقي من راتبه وطلع يمشي ويضحك بباب شبكة الاعلام العراقي
شاف عائلة على الرصيف رجال مريض واهله واطفاله وياه بيدهم معاملة وكاعدين بالباب يريدون يقابلون مدير الشبكة علمود بتبرعلهم بعلاج وكف جبار سلم عليهم كلهم شعدكم هنا حجوله القصة ...
كالهم شكد يكلف علاجكم.. كلوله بوقتها تقريبا ١٥٠ او ٢٠٠ الف دينار .. كلهم صدك جذب طلع المحفظة خله بيها بس الهوية والباقي من الراتب وانطاه الهم كلهم هاكم روحوا اتعالجوا بيهن كاعدين بهاي الشمس علمود تفاليس واجه لبيتهم بلايه راتب ويضحك ومرتاح ..
مرة كلناله شلون هيج تسوي سوالف انت هاي وغيرها...
كال اني اكدر احصل فلوس بأي لحظة كلها تحبني وكلها مفضل عليها او اتداين واسددهن بس هاي الناس ماتكدر حصل فلوس الابماي الوجه واحنا مسؤولين عنهم لان اهلنا ❤️
