10/11/2024
🔥ගොලුබෙලි කරදරයෙන් සදහටම
නිදහස් වෙන්න🔥
📌 ඔබේ ගෙවත්තේ ගොලුබෙලි කරදරයෙන් සදහටම නිදහස් වෙන්න ක්රම ...ඔබේ ගෙවත්තේ තියෙන ලපටි බෝග පැල වලට දරුණු හානි සිදුකරන ගොලුබෙල්ලන් සහ හංගොල්ලන් පාලනය කරන්න පහත දක්වා ඇති ක්රම එකක් හෝ කීපයක් පාවිච්චි කරන්න.
⭕1 වෙනි ක්රමය -
පරණ කිරි හට්ටියක් හෝ පරණ ඇතිලියක් අරගෙන ගෙවත්තේ මුල්ලක තැබූ ගල් කැට තුනක් මත මුනින් අතට හරවා තබන්න. ඒ අසල වතුර දමා හොඳින් තෙත් කරන්න. බොහෝවිට ගොළුබෙල්ලන් දිවා කාලය ගතකරන්න යෝදාගන්නේ අඳුරු, සීතල, තෙතමනය හොඳින් තිබෙන ස්තානයි. ඒ නිසා ගොළුබෙල්ලන් මෙම හට්ටිය තුලට සැඟවී සිටීම සඳහා පැමිනේ. සෑම දිනකම දහවල් කාලයේ හට්ටිය උස්සා ඒ තුල සිටින ගොළුබෙල්ලන් එකතුකර නිවසින් ඈත කැලෑබද ප්රදේශයකට ගෙනිහින් දමන්න.
⭕2 වෙනි ක්රමය -
පැතලි ප්ලාස්ටික් පියනක් අරගෙන කට මට්ටම දක්වා පොළවේ වලලන්න. පියන මතට සීනි මේස හැඳි 3ක් පමණ දමා යීස්ට් ස්වල්පයක් එකතුකරන්න. පියනේ අඩක් විතර උසට වතුර දමන්න. වතුරේ දියවෙන සීනි, යීස්ට් මගින් මධ්යසාර බවට පත්කරනවා. රාත්රී කාලයේ කෑම සොයා යන ගොළුබෙල්ලන් ඇල්කොහොල් වල සුවඳ නිසා උගුල වෙතට ආකර්ශණය වෙනවා. උදේ ඉර එළිය වැටෙන්න කලින් උගුල පරික්ෂා කිරීමේදී ඒ අසල රැදී සිටින ගොළුබෙල්ලන් සියල්ලම මල්ලකට එකතුකර නිවසින් ඈත පිහිටි කැලෑබද ප්රදේශයකට ගෙනිහින් දමන්න.
⭕3 වෙනි ක්රමය -
කෝපි කෝප්පයක් පිළියෙල කරද්දී ඉවත දමන කෝපි කුඩු බෝග පැල වටේට ඉසින්න. කෝපි වල තියෙන කැෆේන් නැමති සංයෝගය ගොළුබෙල්ලන් විකර්ෂණය කරයි.
⭕4 වෙනි ක්රමය -
පල්මාණික්කම් කැට අරගෙන වතුර භාජනයක හොඳින් දියකරගන්න.
සාදාගත් පල්මාණික්කම් ද්රාවණයට අඟලක් පමණ පළලට කපාගත් කපු රෙදි පටි ටිකක් දමා පැය භාගයක් පමණ පෙඟෙන්න හරින්න.
හොඳින් පල්මාණික්කම් උරාගත්ත රෙදි පටි ටික හිරු එළියේ වේලාගන්න
පල්මාණික්කම් තැවරුනු මෙම රෙදි පටි ඔබේ වගා බඳුන් වල ගැටගසන්න. පල්මාණික්කම් ගොළුබෙල්ලන්ට විෂ සහිත නිසා මෙම රෙදි පටිය හරහා ගොළුබෙල්ලන් ගමන් කිරීම නවතී. රෙදිපටිය බැඳීමේදී අලංකාරවත් විදිහට බැඳීමෙන් ඔබේ වගා බඳුනට අළුත් පෙනුමක් ලබා දෙන්නත් පුලුවන්.
⭕5 වෙනි ක්රමය -
ගොළුබෙල්ලන්ගෙන් බේරාගතයුතු බෝග සහිත ප්රදේශය වටේට අඩි පහෙන් පහට අඟල් 6ක් පමණ දිග ඉනි කැබලි සවි කර ගන්න. මෙහිදී අඟල් 4ක් පමණ පොළවට ඇතුල්වෙන විදිහට ඉනි කැබලි සවිකරගන්න. සවි කරගත් ඉනි කැබලි වල පොළවේ ගෑවෙන නොගෑවෙන මට්ටමින් තඹ කම්බියක් ගැටගසාගන්න. මේ තඹ කම්බිය මගින් ගොළුබෙල්ලන්ට ඉතා කුඩා විදුලි ධාරාවක් ලබාදෙන නිසා හරහා ගොළුබෙල්ලන් කම්බිය හරහා ගමන් කිරීම වලකියි.
ඔබේ වගා බඳුන් වලත් තඹ කම්බියක් ගැටගසන්න. මේ මගින් ගොළුබෙල්ලන් බඳුන දිගේ ඉහල නැග බෝග වලට හානි කිරීම වලක්වාගන්න පුලුවන්.
⭕6 වෙනි ක්රමය -
ඔබේ වගා බිම නිරන්තරයෙන් පිරිසිදුව තබාගන්න. රාත්රී 7.30 ට පමණ විදුලි පන්දමක් ආධාරයෙන් ගෙවත්ත හොඳින් නිරීක්ශණය කරන්න. ගොළුබෙල්ලන් රාත්රී කාලයේ ආහාර සොයා එහෙ මෙහෙ යන නිසා බොහොම පහසුවෙන්ම අල්ල ගන්න පුලුවන්.
⭕7 වෙනි ක්රමය -
බෝග වලට වසුන් දමද්දී තරමක් රළු වසුන් දමන්න. මේ සඳහා දහයියා අඟුරු, රටකජු පොතු, යතු සුඹුලු, පොඩි කරනලද බිත්තර කටු වගේ දේවල් පාවිච්චි කරන්න පුළුවන්.
⭕8 වෙනි ක්රමය -
නිවුනු අලු රෑට පැල වටේටයි,,මුල වටේටයි ඉසින්න.
උපුටා ගන්නා ලද්දකි
(සෑම සත්වයෙක්ම පරිසර සමතුලිතතාවයට ඉතා වැදගත්ය. සොබාදහමට ගරුකරමින් කටයුතු කරන්න. සොබාදහමේ රටාව තේරුම් ගෙන එය ඔබේ වගාවටත් යොදාගන්න. ඔබට එය ආශිර්වාදයක්වනු ඇත.)
