09/06/2026
ජීවිතය කියන්නේ දිගු කාලයක් තිස්සේ බලාපොරොත්තු වුණු දෙයක අවසානයේ සාර්ථකත්වය භුක්ති විඳීම විතරක්ම නෙවෙයි!!!
ජීවිතය කියන්නෙ,
ඒ යන දිග ගමං ඇතුළේ,
ඇඟට පණ දෙන පොඩි කෙටි නින්දක්, තමන් ආසම බීමක් බොන එක, කෑමක් කන එක,
Movie night එකක් (චිත්රපටියක් බලන රැයක්),
තමන්ගේ හොඳම යාළුවා එක්ක chat එකක් දාන එක, ආදරණීයන් වැළඳගන්න එක, තණකොළ පිස්සක දිගාවෙලා විඩා නිවන එක සහ විහිළු වීඩියෝවක් බලලා හිනා වෙනවා වෙනවා වගේ හරි පුංචි පුචි දේවල් වලට.
තමන් වවපු පැළයක මලක් පිපෙනවා දකින එක,
රටේ ලෝකේ නොදැකපු තැන් බලන්න යන එක,
තමන්ටම කියාපු ලස්සන ඇඳුමක් හොයාගන්න එක, මිනිස්සුන්ව අගය කරලා සතුටු වෙන එක,
තමන්ගෙම සල්ලි වලින් තමන්ට, ආදරණීයන්ට දේවල් අරන් දෙන එක,
ඉඳලා හිටලා ඔලුවට එන පොඩි සිංදු කෑල්ලක්, තාලයක් මුමුණන එක වගේ පුංචි දේවල් වලට.
මල්වල සුවඳ බලන එක,
හුරුබුහුටි පොත් කඩවල් හෝ කෝපි කඩවල් වල වෙලාව ගත කරන එක,
ලස්සන දේවල් වල පින්තූර ගන්න එක,
අමතක නොවෙන දවස් පුංචි පොතක අකුරින් පුරවන එක,
වැරදීම්, හැඬීම් වලින් , දුක හිතෙන තැන් වලින් , පුංචි පුංචි පාඩම් ඉගෙනගන්න එක වගේ
වගේ හරි පුංචිම පුංචි දේවල් වලට.
අපි හැමෝටම උහුළන්න බැරි තරමේ වගකීම් ගොඩාක් අපේ ජීවිතවල තියෙනවා.
අමාරුවෙන් හරි ඇදගෙන යන්න වෙන මහන්සියෙන් කරන්න වෙන ලොකු කැපකිරීම් තියෙනවා.
හැබැයි,
ඒ දුවන රේස් එක මැද්දෙ හමුවෙන හැම පුංචි මොහොතක් තුළම නැවතිලා සතුටු වෙන්න අමතක කරන්න එපා.
මොකද, අපි මොන තරම් ලොකු දේවල් කරත්
"ඇත්තටම ජීවිතේ කියන්නේ ඔයත් මමත් මේ වෙලාවේ ගත කරන මෙන්න මේ මොහොතට!! " 🌻❤️💫
✍ Ishara Somarathna - Upmind
