03/06/2026
“වෙසක් මාසය කියන්නේ හුදෙක් දින දර්ශනයේ තවත් එක මාසයක් විතරක් නෙවෙයි. ඒක මුළු ලෝකයම බුදු ගුණ සුවඳින් සුවඳවත් වන, මිනිස් හිත්වල තියෙන ක්රෝධය, වෛරය නිවලා කරුණාව සහ දයාව රජ කරවන පින්බර කාලයයි.
වෙසක් පුන් පොහෝ දවසේදී අපි සිහිපත් කරන්නේ අපේ තිලෝගුරු බුදුරජාණන් වහන්සේගේ උපත, බුදුවීම සහ පිරිනිවන් පෑම කියන ඒ උතුම් තෙමඟුලයි. එදා සිද්ධාර්ථ කුමාරයා විදිහට මෙලොවට බිහිවෙලා, අප්රතිහත ධෛර්යයෙන් යුතුව සත්යය සොයා ගිහින්, ලොව්තුරු බුද්ධත්වයට පත්වෙලා, අවසානයේ සකලවිධ සත්වයන්ටම ධර්මයේ සිසිලස උරුම කරලා දීපු ඒ ශාන්ති නායකයාණන් වහන්සේගේ ජීවන ගමන දෙස ආපසු හැරී බලන්න ලැබෙන වටිනාම දවස තමයි වෙසක් දවස.
අපි වෙසක් කාලෙට තොරන් හදනවා, වෙසක් කූඩු හදලා මුළු පරිසරයම ආලෝකමත් කරනවා, දන්සල් දීලා එකිනෙකා අතර ආදරය බෙදාගන්නවා. මේ හැම ආමිස පූජාවකින්ම පේන්නේ අපේ හිත්වල බුදුරජාණන් වහන්සේ කෙරෙහි තියෙන අසීමිත ශ්රද්ධාවයි. හැබැයි ඒ හැම දේකටම වඩා වෙසක් දවසක නියම අර්ථය තියෙන්නේ අපේ හිත් ආලෝකමත් කරගැනීම ඇතුළෙයි.
බුදු හිමියන් දෙසූ ධර්මය ජීවිතයට එකතු කරගෙන, හිත්වල තියෙන ඊර්ෂ්යාව, ලෝභකම, තරහව කියන අඳුර දුරු කරලා, ප්රතිපත්ති පූජාවෙන් බුදුන් පිදීම තමයි වෙසක් දවසක අපිට කරන්න පුළුවන් උතුම්ම දේ.
එන්න, මේ වෙසක් මංගල්යයේදී බාහිර ලෝකය වෙසක් පහන්වලින් ආලෝකමත් කරනවා වගේම, අපේ හිත් පිරිසිදු කරුණාවෙන් සහ ප්රඥාවෙන් ආලෝකමත් කරගනිමු!"
