27/06/2026
ගස් නිවිති පරිප්පු කරිය - Nivithi with Dhal Curry
ගස් නිවිති සිරුර නිරෝගිමත් කරන වටිනා ඖෂධයක්.නිවිති වර්ග කිහිපයක් අතරින් ගස් නිවිති ලෙඩ රෝග රැසකට ගුණදෙන ශාකයක්.
ශරීරයේ සීනි, කොලෙස්ටරෝල් මට්ටම පාලනය කිරීම,අර්ශස් රෝග සුවයට,ශරීර ශක්තිය වර්ධනය කිරීම, හදවත් රෝග ,වකුගඩු සහ අක්මාව ආශ්රිත රෝග සුවයට ඉතාමත් වටිනා ශාකයක්.
ගෙවතු වල තැනින් තැන ඉබේ වැවෙන නිසා බොහෝ දෙනෙකුට මෙහි වටිනාකමක් නොදැනුනත් පිටරට වල සුපර්මාකට් වල පැකට් කර විකිණීමටද තිබෙන ශාකයක්. ඔවුන් මේ ගස් නිවිති අමුවෙන් ( සලාද කොළ වශයෙන් ) බත් වර්ග, රොටි වර්ග එක්ක කෑමට ගනී. ගස් නිවිති කොළ සහ ළපටි දඬු,පරිප්පු හෝ කොස් ඇට මිශ්ර කර සෑදීමෙන් කොළ වල දිය රස අඩු කර රසවත් ව්යාංජනයක් ලෙස සාදා ගත හැක. නිවිති කිව්වහම හැමෝම දන්න ලොකු කොළයක් සහිත නිවිති වලට වඩා වෙනස් සිහින් දිගටි, ගණ කොළයක් සහිත දම් පැහැති මල් පොකුරු ඇති ඉබේම වැවෙන මෙම ශාකය බොහෝ සේ ගෙවතු වල දක්නට ඇත.
ඉතින් අපි රියාද් වල ඉන්න කාලෙ මේ ගස් නිවිති කොළ ගන්නෙ එහෙ තියෙන සුපර්මාකට් වලින් .
මම ලංකාවෙ ඉන්නකොට මේ කොළ ඕන තරම් අපේ අම්මලාගෙ ගෙදර තිබුනත් කවදාවත් හදල තිබුනෙ නැහැ .ඉතිං මේවා මුලින්ම උයපු දවසෙ (2020 මැයි 17) මම වීඩියෝ එකක් ගත්තා
මේ තමයි අපි "අපේ ගෙදර කිචන්" channel එක පටන් අරන් මුලින්ම දාපු වීඩියෝ එක.දැන් අවුරුදු හයක් වෙනව.ඉතින් අද ඒ මතකය නැවතත් අලුත් උනා. ඉතිං ලංකාවේ ඉද්දි කිසිම අගයක් නොදැනුනත්, මේක එදා අපිට හරිම රසවත් ව්යංජනයක්.
