23/06/2026
නම දිනෙත් දිසානායක කිව්වා.
ගන්නෝරුවෙ හමුදා කඳවුර ගාවින් ඉහළට පාරේ දිසානායක මුදලිතුමාගේ පුතා කිව්වා.
දළදා මාලිගාවෙ එයාලගෙ පවුලෙ ඇතෙකුත් ඉන්නවා කිව්වා.
කටුනායක ගුවන් තොටුපළේ මෘදුකාංග ඉංජිනේරුවෙක් කිව්වා.
වත්තක්,හෝටලයක් තියෙනවා කිව්වා.
මේ ඔක්කොම ඇත්ත කියලා සහතික වෙන්න රඟපෑවා.
කච්චේරියෙ වැඩ කරන ගෑනු කෙනා තිළිණි පත්තරේ විවාහ යෝජනාවකින් බඳින්න හොයාගත්ත දිනිත දිසානායකව ෆිසියෝ තෙරපි වලට කියලා ශ්යාමා ළඟට එක්ක යන්නෙ තිළිණිමයි. ඒකෙ අමුතු ප්ලෑන් එකක් තිබ්බා කියලා හීනෙකින් වත් පේන්න තිබ්බෙ නෑ.සාමාන්ය සිද්ධියක් විදියට සිද්ධ වුණා..
ටික කාලෙකින් තුන්දෙනා හිතවත් වුණා. ඊට පස්සෙ දිනිත කිව්වා මමයි තිළිනියි ගැලපෙන්නෙ නෑ කියලා.ඒ දෙන්නා දුරස් වුණා. ඒකයි සාමාන්ය සිද්ධියක් වගේ සිද්ධ වුණා..
හෙමින් හෙමින් දිනිතයි ශ්යාමයි අතරේ ආදරයක් මෝදු වුණා.
ඒකත් සාමාන්ය සිද්ධියක් වගේ සිද්ධ වුණා..
දිනිත දිසානායක කිව්වා පෙළපත්වල පවුල්වල නොගැලපීම් හින්දා ශ්යාමට දිනිතගෙ ගෙදරින් කැමති වෙන එකක් නෑ කියලා..ඒත් එයා මුළු පවුලම අතෑරලා ශ්යාමව අරන් පිටරටකට ගිහින් ජීවත් වෙන්න කැමතියි කියලා..ඒ කියන්නේ දිනිතට මේ ලෝකෙ තියෙන හැම දේකටම වඩා ශ්යාමා එක්ක ජීවත් වෙන එක වටිනව කියලා..
මුලින්ම ශ්යාමට දැනෙන්න දුන්නා ඔයාට හම්බුනේ කුමාරයෙක්..ඔයා ඉන්නේ ඒ කුමාරයාට වඩා සෑහෙන්න පහළින් කියලා..ඒ වගේම ඔයා කොච්චර වාසනාවන්තද කිව්වොත් ඒ කුමාරයා ඔයා වෙනුවෙන් කිරුළ වුණත් අතහරින්න ලෑස්තියි කියලා..
ඒවත් හරිම සාමාන්ය සිද්ධි වගේ සිද්ධ වුණා..
හොයල බැලුවම නුවර ගන්න ඔරුවේ ඔය වගේ ගෙදරක් තියෙනවා. වැඩිය හොයලා බලන්න යන්නත් බෑ මොකද කොහොමත් මුල ඉඳන්ම එයාට පවුලට විරුද්ධ වෙන්න සිද්ධ වෙලා තියෙනවා..ඕනෑවට වඩා හොයන්න ගිහිල්ලා කසාදෙ නොවන ගානට වැඩ සිද්ධ කරගන්න ඕනත් නෑ..
ඒ මදිවට මේ තරුණයා මුලින් කරපු හදිසි ගනුදෙනු හරියට කළා.
අම්මට එයාගේ අම්මට වගේම සැලකුවා..යන එන හැම තැනම ඔය වැගන් ආර් එකේ ඩ්රෝන් එකක් තිබ්බා..ඒක උඩ යවලා ගත්ත වීඩියො පෙන්නලා පොඩි එවුන්ගෙ ඩ්රෝන් මාමා වුණා..
ඒවත් හරිම සාමාන්ය සිද්ධි වගේ සිද්ධ වුණා...
ශ්යාමට උසස් තත්වයේ කෑම බීම ඇඳුම් පැළඳුම් හම්බුණා.දිනිත හරිම කෙයාරින් මනුස්සයෙක්..චාමා නිවාඩුවට ගෙදර යනකොට ගිහින් දාලා ආපහු ගියා ඊට පස්සේ නිවාඩු ඉවර වෙලා යනකොට ඇවිත් ආපහු ගිහින් දැම්මා.
සනහර විට ශ්යාමට,
"තිහත් පැන්න නේද...දැන් ඉතින් වැඩිය දේවල් හොය හොය හරි හතරැස් මිනිස්සු හොය හොය ඉන්නැතුව මොනවහරි බලන්න" කියල කියපු මිනිස්සුන්ට " මම බඳින්න ඉන්න එක්කෙනා" කියලා කෙනෙක් පෙන්නන්න හම්බවෙන එක අනිත් ඔක්කොටම වඩා ලොකු දෙයක් වෙන්නත් ඇති...
බොරු කොණ්ඩෙ නම් අද කාලෙ ටිකක් සාමාන්ය දෙයක්.සමහර තරුණ අය සෙලිබ්රිටි ලෙවල් එකේ අය විග් භාවිතා කරන එක සාමාන්ය තත්වයක්. ඒක හොයන්නත් බෑ..පෙම්වතිය ඒක දැනගන හිටියා වෙන්නත් පුලුවන් ..ආදරය ඉපදුනාට පස්සෙ ඔය තට්ට බට්ට,ලට්ට ලොට්ට ,අඩු හෝ පාඩු මහ ප්රශ්න වගේ පේන්නෑ. සමහර අඩු පාඩු සහ ඇද කුදත් ලකේට පේන්න පටන් ගන්නවා. ආදරේ හරි කාමය හරි මොක හරි අපි කෝකත් තව එකෙක්ට මුළුමනින්ම බැඳුනම එහෙම වෙනවා. කොයි පන්ඩිතයටත් එහෙම වෙනවා.
කරුමෙට කකුල් නෑ.
පයින් එන්න ඕන්නෑ.
හුලඟ වගේ කඩං එන්ඩ
හුඟක් වෙලා යන්නෙ නෑ..
කතරගම දේවාලෙට යනකොට මෙයා දළදා මාලිගාවට සම්බන්ධ ව්යාපාරික සංගමයක ඉන්න කෙනෙක් හැටියට කතරගම දේවාලෙ කවුරුහරි මෙයාව අඳුනගත්තොත් ප්රශ්නයක් වෙයි කියලා මෙයා කියනවා..මාස්ක් එකක්වත් දාගන්න ඕන මාව අඳුන ගත්තොත් අනවශ්ය කලබලයක් වෙනවා කියලා කියපු මනුස්සයා,දේවාලෙදි කපු මහත්තයෙක් එක්ක කතා කරල මොකක්දෝ අමුතු වැඩක් කරලා මෙයාලව මහ දේවාලේ ඇතුලෙම පූජාවටත් දානවා..
ඒ හැමදේම හරිම සාමාන්ය සිද්ධි වගේ සිද්ධ වෙනවා..
ඔය සිද්ධි වනැස නාලිකාවෙ ශ්යාමගෙ අයියා කියනවා..
කොහොම හරි මේ වෙනකොට මේ මනුස්සයා බොරුකාරයෙක් බවත් එයාගේ බොරුවල දිග පළලත් යම් යම් මට්ටම් වලින් අනාවරණය වෙලා තියෙනවා.
ඇත්තටම ශ්යාමගෙ මරණය මි නී මැ රු ම ක් ද නැද්ද කියලත් හරි තීන්දුවක් නෑ.
කොහොම නමුත් හුඟක් අයගෙ හිත් කියනවා. ශ්යාමව මැ රු වා කියලා..
ශ්යාමගෙ දේහයේ කකුලේ ලේන්සුවකින් වහලා බැඳලා තිබුණා කියන කැනියුලා එක හෙට අනිද්දා අමුතු කතාවක් එලියට ගේන්නත් ඉඩ තියෙනවා.
වැගන්ආර් එකේ අයිතිකාරයා අර කච්චේරියේ වැඩ කරන තිළිනි කියලා කිව්වම හරිම සාමාන්යයි වගේ පෙනුණු සිත්ති ගොඩක අසාමාන්යම පළවෙනි සිද්ධිය...හීක් ගැවිල අපට කල්පනාවට එනවා...
ශ්යාමට මේ පුද්ගලයා ගැන සැක හිතෙන්නේ කොතනද කියලා අපි දන්නේ නෑ.
අදාළ කෝටි එකහමාර සම්බන්ධයෙන් ඒ දෙන්නා අතර ඇති වූ ප්රශ්න අපි දන්නේ නෑ..කවද හරි ඔය පුද්ගලයා අත්අඩංගුවට පත්වුණාට පස්සේ සමහරවිට පාපොච්චාරණය කරයි.
දැන් මං මේ හෑල්ල ලිව්වේ ඔය එකක්වත් කියන්න නෙවෙයි..
හුඟාක් අය මේ වෙලාවේ කියනවා "ශ්යාමට ඉගෙන ගත්තට මොළේ තිබිලා නෑ" කියලා.
"ඒ පවුලෙ අයවත් ශ්යාමවත් ඉලක්ක කරගෙන මිනිස්සු මෙච්චර මෝඩද කියලා අහනවා..
ඔය ප්රශ්න දෙකම අහන අපි හැමෝම දැන් දන්නවා දිනිත කියන නමේ සිට ඌ තනිකරම බොරුවක් බව. .හැබැයි ෂාම සම්බන්ධ හැම සිද්ධියක්ම සිද්ධ වුණේ "හරිම සාමාන්ය සිද්ධියක්" වගේ..
ඒවා මොකුත් අසාමාන්ය විදිහට සිද්ධ වුණේ නෑ.අසාමාන්ය වේගයකින් දේවල් ගමන් කරන බව ශ්යාමට තේරුනේ නෑ.
ඒ මොකද දන්නවද...
සාමාන්ය සිද්ධි දාමයක් සාමාන්ය විදියට ගලාගෙන යද්දී යද්දි ඒක ඇතුළෙ අසාමාන්ය දෙයක් සිද්ධ වුණොත් සාමාන්ය මිනිස්සු වෙන අපිට සාමාන්යයෙන් ඉවක් එනවා..
ඒත් සම්පූර්ණයෙන්ම ප්ලෑන් කරපු සිද්ධි දාමයක් ඇතුලේ අපි " ගොදුර" හැටියට ගමන් කරනකොට අපිට පෙනෙන්නෙ ඇහෙන්නෙ දැනෙන්නේ දඩයක්කාරයෝ සංවිධානය කරපු දේවල් විතරයි..
හරිම සූක්ෂම විදියට මුලදිම ඔයා මට වඩා අඩු මට්ටමක කෙනෙක් බවත් නමුත් මම ඔයා වෙනුවෙන් සියල්ල අතහරින්න සූදානම් බවත් ඒත්තු ගැන්නුවාට පස්සේ " මොනව වුණත්" කියන එක ඇවිල්ලා සමහර දේවල් ප්රශ්න කරන එක පවා නැවතිලා යනවා..
ශ්යාමා මානසික රෝගී චිකිත්සාව පවා ඉගෙන ගෙන තියෙනවා කියලා කියනවා.
ඒ මොක ඉගෙන ගත්තත් අපි කවුරුත් සැලසුම් සහගත වංචනිකයින්ට අහු නොවී ඉන්න ඉගෙනගෙන නෑ.
දඩයක්කාරයා ශ්යාමා කියන දඩයමට ආවේ පුරුදු වෙන්න නෙමෙයි..ඌ පුරුදුකාරයෙක්.පුහුණුව ලත් එකෙක්.
අනිත් අතට සමහර කාලවල අපි ඇති කරගත්ත සම්බන්ධකම් ගැන පසු කාලීනව අපිට හිතෙනවා මොන මගුලකට මං ඒ සම්බන්ධය ඇතිඇතිකරගත්තද දන්නෑ කියලා..
මොන මගුලකට මං ඒ මනුස්සයාට ලව් කළාද දන්නෑ කියලා..
ශ්යාමගෙ කතාව මේ ඉවර වුනු විදිහට ඉවර නොවුනා නම් ශ්යාමත් දවසක එහෙම හිතන්න ඉඩ තිබුණා.
උගත් බුද්ධිමත් නමුත් ඒ සිද්ධියේදි,ඒ සම්බන්ධ කමේදී මගේ උගත්කමයි බුද්ධියයි ස්වභාවික ඥානයයි ඉවයි ඔක්කොම මොන මඟුලක ගිහින් තිබ්බද කියලා හිතෙන වර්ග සම්බන්ධකම් ඇතිවුණ තව අය මේ ලෝකෙ ඉන්නවා.
වාසනාවකට වගේ එයාලගේ කතා ශ්යාමගෙ කතාව වගේ ජීවිතෙන් ඉවර වුණේ නෑ..ඒවා අහිමි වූ මුදලකින් හරි ජිවිත කාලයටම සුව නොවෙන මානසික තුවාලයි එක්ක ඉවර වුණා. සමහර ඒවා ඉවර වුනේ සදාකාලික අවනම්බුවක් එක්ක..ඒ කොහොම උනත් ජීවිතේ ඉතුරු වුණා..
මෙතැනදී සමහරවිට දඩයක්කාරයක් බලාපොරොත්තු නොවුණු පරිදි ශ්යාමගෙ කතාව ඉවරම වුණා..
මේකෙන් මට තේරුනේ කාරණා දෙකයි..එකක් සැලසුම් සහගතව මිනිස්සුන්ව දඩයම් කරන දඩයකාරයො අපි අතරම ඉන්නවා.
මට අනුව මේක සංවිධානාත්මක අපරාධයක්..
සමහරවිට අපි හිතනවට වඩා මේකෙ අක්මුල් දරුණු වෙන්න පුළුවන්..මේ වගෙ තව අය ඉන්න පුලුවන් ..
අනිත් කාරණාව තමයි සැලසුම් සහගත සංවිධානාත්මක අපරාධකාරයෙකුට අහු උන මනුස්සයෙක් කියන්නෙ "මෝඩයෙක්" නෙවෙයි.
එක්කො එයා " අහිංසක " වැඩියි.
එක්කො අපරාධකාරයා " සූක්ෂම " වැඩියි..
ඒත් නැත්තං ඔය ඔක්කොටම වඩා කර්මය ලොකුයි..
මට අනුව ශ්යාමා ගොදුරක්..මෝඩියෙක් නෙවෙයි..
ඇය ඇත්තටම ආදරය කරන්න ඇති.ආදරේ කරන්න ගත්තම මිනිස්සු ඇස් පියාගෙන මිනිස්සුන්ව විශ්වාස කරනවා.ඒක කොච්චර මෝඩකමක් වුණත් ඒක වෙන්නේ එහෙම තමයි. කෝටි එක හමාරක් දෙන්නෙ විසේට නෙවෙයි..ආදරේට.විවාහ වෙලා රට යන්න.විවාහ වෙන්නෙ නකි වෙලා මැරෙනකම්ම එකට ජීවත් වෙන්න..
අපිට දහසකුත් එකක් අර්ථකථන තියෙන්න පුළුවන්.ඔයාට ඒ තියෙන හැම අදහසක්ම ඔයාට අනුව හරි...
හැබැයි ශ්යාමා මෝඩකමට අහුවුනා කියන එක හැර ...
ශ්යාමා අහුවුණා නෙවෙයි ..ශ්යාමව අහුකළා. ඒ තැන කොච්චර සූක්ෂමද කියල කිව්වොත්..ඒ දැල වූයේ ඔයාට නම් ඔයා උනත් අහුවෙන්න පුළුවන් තරමට ඒක සියුම්..සූක්ෂමයි.
සැකයක් ඇති උනත් ඒක ප්රශ්ණ කරන්න ඉස්සර ඒ සැකය දුරු වෙන විදියට වැඩ කරන්න එයාලට පුළුවන්..නැත්තං ප්රශ්ණෙ ඇහීම කපටි කමෙන් ප්රමාද කරන්න එයාලට පුලුවන් .හොයන බලන එක නවත්තන්න හේතු හදලා තියෙන්නෙ.ඒවා ප්ලෑන් එකේ තියෙනවා.
අනික කර්මය ලොකු වුණාම සැක ඇතිවුණත් හොයද්දි තොරතුරු හම්බවෙන්නෙ නෑ.ඔප්පු කරගන්න සාක්ෂි හම්බවෙන්නෙ නෑ. සමහර විට හොයන්න වෙලාවක් එන්නෑ.
තව සමහර විට සැක හිතෙනකොට ඔක්කොම වෙලා ඉවරයි..
අවසානෙට ප්ලෑන් එකේ නැති දෙයක් සිද්ධ වුණ වෙලාවෙ අපරාධකාරයා අනාගත්තේ සොබා දහමෙන් නඩු අහන්න පටන් ගත්ත හින්දා වෙන්න ඇති..
ලබන ආත්මෙ ඉහේ කෙස් විතරක් නෙවෙයි පුතේ, ඇස් ඉස් මස් ලේ ඔක්කොගෙන්ම අඩු වෙලා "අයියෝ" කියවෙන විදියට ඉපදෙන්න වෙයං කියන මිනිස්සු මේ දවස්වල හිඟ නෑ..
සමහර විට උඹ පිට රටක ඇති. නැත්තං මේකෙම හැංගිලා ඇති.අද් නැත්තං හෙට අහුවෙයි..එක්කො උඹත් මැරිලත් ඇති.ඒ කොහොම වුණත් ආත්මෙට නං සැනසීමක් නෑ... කරපුවා හරි තිතට හානි පූරණය වෙනකම් ලැබෙන්නත් එපා..
මං මේක ලිව්වෙ ඇයි කියලා මම දන්නෑ.
මීට හැමදේම සාමාන්යම විදියට ඒත් අසමාන්ය වේගෙකින් සිද්ධ වෙනවා වගේ පෙනුණොත් සැකෙන් බලන්න වෙනවා. ඒ කිව්වට අපිට පේන්නෙ ඕක අනුන්ගෙ ජීවිතේක වුණොත් විතරයි.
අපේ ජීවිතේම වෙන්න ගත්තම අපට පේන්නෑ.ඇහෙන්නෑ.දැනෙන්නෙ නෑ.
මොකද
කරුමෙට කකුල් නෑ..
පයින් එන්න ඕන්නෑ.
හුළඟ වගේ කඩන් එන්ඩ
හුඟක් වෙලා යන්නෙ නෑ
Rashi Online
