نكهات مغربية

18/12/2024

🤩🤩"كيكة بالتفاح معسل والمكسرات "🤩🤩

✨✨المقادير:
3 بيضات
كأس زيت
كأس سنيدة
كأس زيت
ڤاني
3 خمارات
3 كؤوس فورص
ملعقة قرفة وملعقة سنيدة
تفاحة
لوز ايفيلي
لوز محمر ومطحون
✨✨الطريقة
نخفق البيض جيدا ثم كأس سنيدة وڤاني ونخلط ثم الزيت ثم فورص وخمارات
كندهنو أي بول بالزبدة ونشروه فوقها لوز ايفيلي كنخويو نص خليط العجين ونديرو فوقو نصف ملعقة قرفة صغيرة وملعقة سنيدة و3 معالق لوز مطحون نخلطوهم ونديروه وسط نص العجين ونخليو شوية لفوق العجين
نخويو فوقهم نص العجين لي بقا ونوزعو فوق خليط اللوز وقرفة وسنيدة
تدخلها للفرن مشعل من التحت على درجة حرارة 160 أولا على حسب الفرن حتا يبانو الجوانب تحمرو ونشعلو من الفوق تحمر شوية
فاش تبرد كنقلبوها ونزينو بمعسل التفاح ونحطو شوية الوسط
كنحتاجو تفاحة صفرا مقطعة قطع صغيرة نديروها في كاسرول في شوية الما لمدة 3 دقايق نزيدو عليها شوية قرفة وملعقة سنيدة وڤاني حتا تعسل شوية لوز ايفيلي

18/12/2024

😍😍طبق السفة المغربية مزينة بالسكر والقرفة والزبيب😍😍

✨المقادير:
500 غرام شعرية رقيقة
100 غرام زبيب
ملعقتان كبيرتان سكر كلاصي (بودرة)
ملعقة كبيرة قرفة مطحونة
ملعقتان كبيرتان لوز مطحون أو محمر
ملعقة صغيرة زبدة
ملعقتان كبيرتان زيت نباتي
رشة ملح
2 معالق سنيدة

✨✨طريقة التحضير باختصار:
كندهنو السفة بزيت نباتي مزيان ونديروها في الكسكاس فوق ماء مغلى حتا يطلع فيها البخار من الفوق وبلا متغطيوها باش ميرجعش ليها البخار وتعجن من الفوق
نحيدوها ونخويو عليها الما طايب لفي البارما 2 دقايق حتا ونصفيوها فالكسكاس من بعد نرجعوها القصرية أولا طاوة ونزيها عليها قبصة ملح وزبيب و2 معالق كبار سنيدة والزبدة ونرجعوها للكسكاس
فوق البرمة بعدما غلات حتا طلع فيها البخار 15 دقيقة تقريبا
✨طريقة زبيب معسل للتزيين
كنصلقو زبيب فالما حتا ينفخ ويرطاب وكنحيدو ليه الما ونديرو ليه ملعقة سنيدة وشوية ماء زهر أولا ڤاني وملعقة زبدة ونعسلوه
2. التزيين:
ضعي الشعرية في طبق التقديم.
زينيها بالسكر بودرة، القرفة، الزبيب، واللوز المطحون حسب الرغبة

18/12/2024

🤩🤩🤩"كوكيز بحال ديال المحلات: سهلة وسريعة 🤩🤩

✨ المقادير::
زبدة: 125 غرام = نصف كأس عنبة (ما تكونش مذوبة، بحرارة الغرفة).
سكر بني: 100 غرام = نصف كأس عنبة.
سكر أبيض: 50 غرام = ربع كأس عنبة.
بيضة واحدة.
فانيلا: ملعقة صغيرة.
دقيق أبيض: 200 غرام = كأس ونصف عنبة تقريباً.
خميرة الحلوى: نصف ملعقة صغيرة.
رشة ملح.
شوكولاتة مقطعة أو رقائق الشوكولاتة: 100 غرام = نصف كأس عنبة.
مكسرات (اختياري): ربع كأس عنبة ديال زريعة الكتان مطحونة كتعطيه مداق رائع ولون الا مدرتوش زريعة الكتان ديرو شوية الكاكاو باش يعطي لون بني

✨✨طريقة التحضير:
في إناء كبير، خلطي نصف كأس عنبة زبدة مع نصف كأس عنبة سكر بني وربع كأس عنبة سكر أبيض حتى تولي عندك كريمة ناعمة.
زيدي البيضة وملعقة صغيرة فانيلا، وخلطي مزيان حتى تندمج المكونات.
غربلي عليهم كأس ونصف دقيق مع نصف ملعقة صغيرة خميرة الحلوى ورشة ملح وخلطي حتى ينسجم الخليط.
زيدي نصف كأس عنبة شوكولاتة الكوكيز وزريعة الكتان المطحونة
سخني الفرن على درجة حرارة 180° مئوية.

شكلي كويرات صغيرة من العجين وظغطي عليهم شوية وحطيهم فوق صينية مغلفة بورق الزبدة، مع ترك مسافة بين كل واحدة. نشعلو عليهم من الفوق حتا يتشققو ومن البعد من التحت يتحمرو
ملحوظة: كأس العنبة المستخدم قياسه تقريباً 150 مل.
لبغيتو أكتر ضاعفو المقادير

18/12/2024

🤩🤩دجاج مقلي مع البصل معسل فالصلصة زائد سلطة ليشو (الكرنب)🤩🤩

✨✨مقادير الدجاج:
دجاج حسب الرغبة
ملح
فلفل أحمر
فلفل أسود
بودرة توم
زيت زيتون
زعتر
✨✨مقادير صلصة الدجاج
4 فصوص الثوم مهروسة
بصلة مقطعة شرائح
2 ملاعق كبار صلصة الصوجا
ملعقة صغيرة موطارد
ملعقة كبيرة عسل
✨طريقة التحضير
نخلط جميع مقادير الدجاج ونتبل بها الدجاج جيدا
على نار هادئة وفي مقلاة نديرو زيت نباتي ونحمرو الدجاج من الجهتين ونحيدوه من مقلة وفي نفس المقلاة نديرو بصلة شرائح وفصوص الثوموحتا تشحر نزيدو صلصة الصوجا وموطارد وعسل ونحرك جيدا حتى تتعسل البصل
نضيفو ليه قطع الدجاج لي حمرنا
🤩🤩مقادير السلطة تحت الصور

18/12/2024

18/12/2024

✨✨🤩🤩بيدزا لذيدة مع عجينة رطبة و مقرمشة 💯💯

✨✨المقادير :

مقادير العجينة وطريقة تحضيرها
3 كيسان فورص
1 ملعقة كبيرة خميرة
1 ملعقة صغيرة سكر
1/2 ملعقة صغيرة ملح
2 ملعقة كبيرة زيت زيتون
ماء دافئ للعجين
كنخلطو كلشي ونخليو عجينة رطبة نخليوها تخمر ساعة أو أكثر
فاش تخمر نشكلوها كالصورة نخليو جناب طالعين

مقادير الصوص:

2 حبات طماطم أو كوب صلصة طماطم
1 ملعقة صغيرة زيت زيتون
1/2 ملعقة صغيرة سكر
1/2 ملعقة صغيرة ملح
1/4 ملعقة صغيرة زعتر
نخلط الكل فوق النار إلى أن يتجانس

المكونات الإضافية (حسب الرغبة):
كفتة أو طون
فلفل أخضر
بصلة شرائح مشحرة
كنديرو صوص مطيشة فوقو بصلة فوقو فلفلة من بعد طون او كفتة
في الأخير جبن موزاريلا والجبن الاحمر مبشور

تخبز في الفرن مسخن من قبل ضروري على درجة حرارة 220 مئوية لمدة 10-15 دقيقة أو أكثر حسب الفرن

17/12/2024

🤩🤩بطاطا بالفرن مقرمشة وطرية 😍😍

✨المقادير :
كيلو بطاطا مسلوقة
ربع كأس حليب
ملح
بزار
4 قطع فرماج أي نوع
2معالق زبدة
✨الطريقة تحت الصور

17/12/2024

🌺❤️❤️ "كيش حلو ومالح: تنويع لذيذ ومثالي لكل المناسبات"✨✨💯💯

🎉🎉طريقة تحضير الكيش الحلو:🎉🎉

✨✨المقادير:
العجينة:
250 غرام دقيق
125 غرام زبدة باردة مقطعة طريفات
معلقة صغيرة سنيدة
شوية الملح
بيضة وحدة
2 معالق كبار ديال الماء بارد (إلا احتاجنا)

✨✨الحشوة الحلوة:
2 معالق بودرة كريم باتيسيير ، 2 كسان حليب , معلقة كبيرة سنيدة
فواكه (بحال الموز، التفاح، ولا الفريز)
مربى المشمش باش يعطي اللمعة
---
✨✨الطريقة:
1. تحضير العجينة:

كنخلطو الدقيق مع الزبدة حتى تولي بحال الرمل.
كنزيدو سنيدة، الملح، والبيضة، وكنجمعو العجينة بلا ما نعجنوها بزاف.
كنزيدو شوية الماء بارد غير إلا كانت ناشفة.
كنغطيو العجينة ونخليوها ترتاح فالثلاجة نص ساعة.

✨✨2. تحضير القاعدة:
كنطلقو العجينة فوق سطح مرشوش بالدقيق.
كنحطوها فالمولات ديال التارت، وكنثقبوها بالشوكة باش ما تنفخش.
كنطيبوها فالفران سخون على 180 درجة لمدة 15 دقيقة.

✨✨3. الحشوة:
كنخلطو حليب وسنيدة وكريم باتسيير على نار هادئة مع التحريك المستمر حتا يعقاد (نفس الطريقة مع كريم باتسيير ديال شكلاط)
كنصبو كريم باتيسيير فالعجينة المخبوزة.
كنزينوها بشرائح الفواكه (بحال الموز).
كنلمعو الوجه بمربى المشمش.( اختياري)

✨✨طريقة تحضير الكيش المالح:
المقادير:
العجينة:
نفس العجينة ديال الكيش الحلو غير بلا سنيدة.
الحشوة المالحة:
3 بيضات
200 مل كريمة سائلة كريمة طبخ مالحة أو دانون مسوس
100 غرام فرماج محكوك (بحال شيدار ولا موزاريلا)
بصلة مقطعة طراف صغار
طريفات ديال الدجاج ولا الطون (على حسب الرغبة)
الملح، الإبزار (الفلفل الأسود)،

✨✨الطريقة:
تحضير القاعدة:
كنطيبو العجينة بنفس طريقة الكيش الحلو حتى تكون نص طيبة.

✨✨2. تحضير الحشوة:
كنشحرو البصلة مع شوية الزيت حتى تذبل.كنزيدو عليها طراف دجاج
فاحد الزلافة، كنخلطو البيض، الكريمة السائلة، الفرماج محكوك، والتوابل.
كنزيدو عليهم البصل و الدجاج أولا طون على حسب الرغبة.)( ايلا درنا طون مكنشحروهش مع البصل. )

✨✨3. الطياب:
كنصبو الخليط فوق العجينة لي طيبناها نص طياب.
كنرجعوها للفران سخون على 180 درجة لمدة 20 دقيقة حتى تتحمر وتطيب.

16/12/2024

✨✨ فطائر قطنية بكريمة باتسيير والمكسرات✨✨

المقادير:

4كؤوس دقيق 400g
ملح
فاني
نصف كأس سكر
ربع كأس زيت
ملعقة كبيرة خميرة حبيبات
كأس حليب
بيضة
الكريمة كأس ماء أو حليب ملعقة كبيرة سكر ملعقة كبيرة بودرة الكريم باتسيير ملعقة صغيرة زبدة
التزيين لوز أو كاوكاو مهرمش + عسل

طريقة التحضير :
نخلط جيدا الكل من الدقيق والملح وڤاني و الخميرة ثم بيضة والحليب والزيت إلى أن يتجانس ثم نترك العجين يختمر ويتضاعف حجمه
لتحضير الكريمة نخلط الحليب مع السكر مع بودرة كريم باتسيير ونحرك على نار هادئة إلى أن يعقد الخليط ثم نطفئ النارو نضع الزبدة ونحرك
عند الإختمار نشكل العجين كويرات صغيرة حسب الرغبة ثم نضغط عليها من الوسط ونتركها تختمر لمدة 10 دقايق ونضع الكريمة في الوسط وندخلها للفرن

تزينها من الجوانب بالعسل او المربى ثم المكسرات