10/08/2026
ဝတ္ထုဖတ်ပြီး ကိုယ်သဘောကျရတဲ့ ဇာတ်ကောင်နဲ့ ညားချင်လား။
ဟာ ဒီမင်မင် မဖြစ်နိုင်တာတွေ ပြောပြီ ဆိုရင်လည်း ဟုတ်တာပေါ့ ဘယ်ဖြစ်နိုင်ပါ့မလဲ။ ဒါပေမဲ့ စုလင်းရဲ့ သူဖတ်တဲ့ဝတ္ထုထဲက သူ သဘောကျတဲ့အမျိုးသားနတ်ဘုရားကို အပိုင်ယူမဲ့ဇာတ်လမ်းကိုတော့ ဂလက်စီလေးတို့ ဖတ်လို့ရပါတယ် ဟဲဟဲ။
စုလင်းက သူဖတ်နေတဲ့ ဝတ္ထုထဲက သူနဲ့ နာမည်တူ၊ ရုပ်ရည်တူတဲ့ ဇာတ်ကောင်ဆီ ကူးပြောင်းသွားခဲ့တယ်။ အဲမှာ သူကြိုက်တဲ့ ဇာတ်ကောင် အမျိုးသားနတ်ဘုရားနဲ့ သွားတွေ့တယ်ဆိုပါတော့။
စုလင်းရဲ့ ဖယ်ရိုမုန်းက ပြဿနာရှိပြီး ကြက်ဥပုပ်နံ့ကြီးဖြစ်နေတာ။ အဲဒါကြောင့် သူအဖေနဲ့မိထွေးက စုလင်းကို အသုံးမဝင်ဘူး၊ အိမ်ထောင်မကျရင် တင်ကျွေးထားရမှာကို ကြောက်နေတာ။ စုလင်းကလည်း သူ ၁၈ နှစ်ပဲရှိသေးပြီး အိမ်ထောင်ပြုဖို့ကို System နဲ့ကျပန်းအိမ်ထောင်ဖက်ရွေးတာကြီးကို လုံးဝလက်မခံနိုင်ဘူး။ ပြီးတော့ သူ့ကိုလည်း တက္ကသိုလ်မတက်ခိုင်းတော့ စုလင်း ပိုတောင်မကြိုက်တော့ဘူး။ အိမ်ကလည်း တင်မကျွေးချင်တော့ သူလည်း ကပ်မနေချင်ဘူး။
အဲဒီမှာ စုလင်းရဲ့ အမေချန်ထားခဲ့တဲ့ ဝိညာဉ်အပင်ဆိုင်လေးကို စောင့်ရှောက်ပြီး တက္ကသိုလ်တက်ဖို့ သူကိုယ်တိုင်ကြိုးစားမယ်ပေါ့။
အဲမှာ သူရောက်နေတာက သူဖတ်ခဲ့တဲ့ ဝတ္ထုထဲကိုမှန်း ပိုသေချာသွားတဲ့အချိန် သူ့ အမျိုးသားနတ်ဘုရားကို မြှူဆွယ်ဖို့ကြိုးစားတော့သတဲ့။
စုလင်း သဘောကျတဲ့ အမျိုးသားနတ်ဘုရားက ကုလိဟန်ဆိုတဲ့ စီးပွားရေးလောကက ထိပ်တန်း CEO ကြီး။ ဝတ္ထုထဲမှာတော့ အရံဇာတ်ကောင်လေးပါ။ ဝတ္ထုဇာတ်လိုက်နှစ်ယောက်ရဲ့ ကြားမှာ ရှုပ်တဲ့ အမြောက်စာ Shou နဲ့ လက်ထပ်လိုက်ရတဲ့သူပေါ့။
မချစ်ဘဲ လက်ထပ်လိုက်ရပေမဲ့လည်း ကိုယ့်အိမ်ထောင်ဖက်အပေါ် တာဝန်ယူစိတ်အပြည့်ရှိတဲ့ ကုလိဟန်ကို စုလင်းက ဝတ္ထုဖတ်နေချိန်မှာ အရမ်းသဘောကျတာတဲ့။
အမြောက်စာ Shou က တိုက်တိုက်ဆိုင်ဆိုင် ဝတ္ထုထဲက စုလင်းသေဆုံးမှုမှာ ပတ်သတ်နေပြီး စုလင်းနဲ့လည်း မတည့်ဘူး။ ပြီးတော့ စုလင်းကလည်း ကုလိဟန်ကို အမြောက်စာ Shou နဲ့ လက်မထပ်စေချင်ဘူး။ ဒီတော့ စုလင်းတစ်ယောက် အမြောက်စာ Shou လက်ထဲကနေ ကုလိဟန်ကို ဘယ်လိုဖြတ်လုမလဲ။
ကုလိဟန်က စုလင်းရဲ့ ကြက်ဥပုပ်နံ့ဖယ်ရိုမုန်းကို မနှစ်ခြိုက်တာမျိုး မရှိသလို၊ လှောင်ပြောင်ကဲ့ရဲ့တာမျိုးလည်း မရှိဘူး။ အရမ်း Gentleman ဆန်သောနော်။
စုလင်းက သူ့အမေချန်ထားခဲ့တဲ့ ဝိညာဉ်အပင်ဆိုင်လေးကြောင့်နဲ့ ကုလိဟန်နဲ့ နီးစပ်ဖို့ဖြစ်လာတယ်။
ကုလိဟန်က ဝိညာဉ်အပင်လေးတွေရဲ့ ကုန်ကြမ်းကို ဝယ်ချင်ပြီး စုလင်းက ဝိညာဉ်အပင်တွေရဲ့ သခင်ဖြစ်နေတာကြောင့် အိမ်ပေါ်ထိတက်နေဖို့ ဖြစ်လာ။
စုလင်းကလေ ကုလိဟန်ကို လက်ထပ်ရဖို့ မြှူဆွယ်တာတွေထုတ်သုံး။ သူလည်း အူကြောင်ကြောင်မဟုတ်ပေမဲ့၊ အူကြောင်ကြောင်လေးလိုပါပဲ။ Alpha ကို လိုက်မဲ့ Omega ပေါ့ကွယ်။
အသေးစိတ်ကိုတော့ ကိုယ့်ဘာသာ ဖတ်ကြတော့။
Free gp link - https://t.me/lgfreegp
စဆုံးကိုတော့ မှာလာဝယ်လို့ရပြီ။
