18/08/2026
چپ بورڈ لیمینیشن اور یو وی لسانی شیٹ میں بنیادی فرق ان کے اندرونی میٹریل، سطح کی فنشنگ، مضبوطی اور استعمال کا ہوتا ہے۔ چپ بورڈ لیمینیشن لکڑی کے برادے اور چپس کو کیمیکل کے ساتھ پریس کر کے بنائی جاتی ہے اور اس کے اوپر میلامائن پیپر کی عام میٹ یا ٹیکسچر والی لیمینیشن لگی ہوتی ہے، جس کی وجہ سے یہ اندرونی بکسے، شیلفس، الماریوں کے اندرونی خانے اور دفتری فرنیچر بنانے کے لیے زیادہ استعمال ہوتی ہے اور قیمت میں کافی کم ہوتی ہے۔ دوسری طرف یو وی لسانی شیٹ کا اندرونی حصہ انتہائی باریک لکڑی کے فائبرز پر مشتمل ہائی ڈینسٹی لسانی یعنی MDF بورڈ ہوتا ہے جس پر الٹرا وائلٹ کوٹنگ چڑھائی جاتی ہے، جس کی وجہ سے اس کی سطح شیشے کی طرح چمکدار، ہموار، اسکریچ ریزسٹنٹ اور پائیدار بن جاتی ہے۔ چپ بورڈ کٹنگ کے دوران کناروں سے جھڑ سکتا ہے اور اس کی ڈینسٹی کم ہوتی ہے، جبکہ لسانی شیٹ پر کٹنگ انتہائی صاف اور ہموار آتی ہے اور اس میں پیچ پکڑنے کی مضبوطی بھی زیادہ ہوتی ہے۔ اگرچہ دونوں ہی براہِ راست پانی سے محفوظ رکھنے والی شیٹس ہیں، لیکن لسانی چپ بورڈ کے مقابلے میں زیادہ مضبوط ہوتی ہے۔ اسی لیے پراجیکٹس میں اندرونی ڈھانچے کے لیے زیادہ تر چپ بورڈ لیمینیشن کا انتخاب کیا جاتا ہے اور باہر کے فرنٹ پٹوں، کچن کیبنٹس، میڈیا والز اور ڈیکوریٹو پینلز کے لیے لگژری لُک دینے کی خاطر یو وی لسانی شیٹ استعمال کی جاتی ہے۔
