05/07/2026
مدینہ منورہ میں روضۂ رسول ﷺ اور حجرۂ مبارک کی خدمت انجام دینے والے آغا احمد علی یاسین رحمہ اللہ انتقال کر گئے، ان کی نمازِ جنازہ مسجدِ نبوی ﷺ میں ادا کی گئی، جس کے بعد انہیں جنت البقیع میں سپردِ خاک کر دیا گیا، آغا احمد علی یاسین کا انتقال 3 نومبر 2020 ہوا تھا۔
آغا احمد علی یاسین رحمہ اللہ ان خوش نصیب خدام میں شامل تھے جنہوں نے اپنی زندگی مسجدِ نبوی ﷺ کی خدمت کے لیے وقف کر رکھی تھی، ان کی عاجزی، حسنِ اخلاق، خاموش خدمت اور بارگاہِ رسالت ﷺ کے ادب نے انہیں زائرین کے دلوں میں ایک منفرد مقام عطا کیا۔
ان کے انتقال کے بعد مسجدِ نبوی ﷺ کے قدیم خدام، جنہیں اغوات (Aghawat) کہا جاتا ہے، کی تعداد میں مزید کمی آ گئی۔
اغوات صدیوں پر محیط ایک تاریخی روایت کے امین ہیں، جو مسجدِ نبوی ﷺ اور مختلف ادوار میں حرمین شریفین کی خدمت سے وابستہ رہے ہیں، تاریخ گواہ ہے کہ ان خدام نے روضۂ رسول ﷺ اور مسجدِ نبوی ﷺ کی خدمت، انتظام اور زائرین کی معاونت میں اہم کردار ادا کیا۔ ان کی پہچان عاجزی، حسنِ اخلاق اور خدمتِ حرم کے بے لوث جذبے سے کی جاتی ہے۔
آغا احمد علی یاسین رحمہ اللہ کی وفات پر دنیا بھر سے عقیدت مندوں نے گہرے رنج و غم کا اظہار کرتے ہوئے ان کے درجات کی بلندی اور مغفرت کے لیے دعا کی۔
Disclaimer: This report is based on information from publicly available sources and media reports.
