18/07/2026
_ يا امي اشتريتها بجنية
_ غشوك والله كان يدوك ليها ب 500
_ يا امي جبتها مجان
_ غشوك كان يدوك ليها مجان اكتر من كده
أكيد مرا عليك السناريوا ده قبل كده 🤣🤡 تعالوا أحكي ليكم القصة من البداية..
قبل فترة كنا محتاجين شوية حاجات للبيت وامي كانت بعافية شوي (الله يديها العافية) ووكلتني بمهمة السوق بما اني كبيرة البيت وكده. وانا صراحة ما اكضب عليكم أكتر حاجة بكرها مشي السوق مشي وجرجرة😭 تلف من دكان ل دكان على بال ما تلقى طلبك وكمان تجي الاسعار والمجارده!
وطبعا هنا امي لو حلفت ليها بالإسعار البقولوها ما بتصدقني🙂 هسى لو ما عيانة ما بتقتنع بي.. و لو جبت الحاجة ب جنية بتقول لي غشوك، ولو قلت ليها مجان تقول لي كان يدوك مجان اكتر من كده 🥲🤣 غايتو وكلت أمري ل الله بقيت المرات الفاتت اشتري و اتم الباقي من جيبي وانا ساكتة عشان اشتري دماغي.. لكن المرة دي حاجاتها كبيرة لو بعت كليتي ما بتتم 😭 وخاصة هي كانت عاوزه:
(بتجاز ما اي بتجاز لازم يكون جرانيت، وعاوزة خلاطة، وصاج بيتزا، وسحانة وقالت لازم يكونوا ماركة أوكي سلفر، وصاج كسرة، وكبة)!
اها قومت من الصباح ما خليت لي دعاء ما دعيتوا لانو خايفة يغشوني في السعر أو اشتري حاجه تكون ما كويسة.. دخلت ليك في عبايتي وقريت آية الكرسي، ودعاء السوق، وقل هو الله احد، واي آية مرت علي وحافظها 🤣
ويا السوق الكبير جاك زول! طبعاً في الأول عندي لفة تفقُدية، بمشي وبحوم الدكاكين كلها وأشوف الاسعار، لا خليت باندا، لا العساوي، صف الدكانين ديك كلهم.. وطبعا بدخل بسأل من حاجاتي وبقول ليهم: "بلف وبجيكم" (ودي طبعا اكتر جملة بكرهوها ناس الدكانين، النصيحة حركة غياظة 🥲🤣).
ااها ربك رب الخير ب الظهر كده اتوفقت واشتريت الحاجات، وانا اعجبكم في المجاردة حلبية بس! وكان لازم اطلع حق الفطور.. اشتريت حاجاتي والباقي كان بتذكر 20 الف، 10 حولتها رصيد و10 طوالي دخلت كفتريا الموناليزا وضربت لي بيرقر وعصير فراولة، وخميت حاجاتي ورجعت البيت 🍔🍓🤣
وقتها قلت لي نفسي: ليه التعب ده كله كل مرة؟ أكيد لازم يكون في طريقة أسهل.. يكون في متجر اونلاين مضمون وباسعار معقولة ومناسبة، تدخلي وتشوفي طلباتك كلها وانتي راقدة في سريرك وفي كويعتك ديك، يوصلوها ليك لحدي عندك، تشيكي على الحاجات بنفسك وتتاااكدي منها وبعد داك تدفعي.
اها بعد تفتيش وبحت جاد 🤣، لقيت ناس "التوكل للأواني المنزلية" موفرين الخدمة دي.. ناس مضمونين وحاجتهم ما عليها كلام، واسعارهم والله زي السوق واحد لو ما اقل كمان!
ولو جيتي حسبتيها: ماشة السوق ب الفين، وراجعة بركشة لانك بتكوني خامة السوق كلوا، وترجعي عطشانه وجعانه و كرعينك مكسرات، والشمس قاطعة قلبك.. وما تنسي يمكن يسرقوا تلفونك في الزحمة دي 🤡😂 الأيام دي الله يصلح الحال بس.
بدل ده كلوا وفري على نفسك حق التعب والجرجرة والزحمة دي كلها.. رسلي طلبك في الواتساب، ونحن بنجهزه وبنوصله لحد باب البيت، إنتِ بس استلمي وشيكي على كل حاجة وبعدها ادفعي 🚚✨
📥 ادخلي واتساب طوالي هنا:**
📲 https://wa.me/961785256
🔗 وتعالي اتفرجي و تابعي الصفحة دي علشان تلحقي كل العروض أول بأول:
https://www.facebook.com/share/1LogoxAx8U/
