20/07/2026
المصاري وصلتني لآخر فرنك.. إي نعم…
بس الكفّ اللي أكلته بكرامتي بهالطلبية كان بيوجّع 💔
القصة بلشت من فترة…
إجانا طلبية صحون فرنسي لمناسبة بمنطقة مجاورة
وكان في شرط واضح جداً من الزبونة:
❗ أوعكم تنزلوا أي صورة أو تحكوا عن الطلبية… إلا لما أنا اسمحلكم
طبعاً احترمنا رغبتها 💛
وقلنا: البيوت أسرار… وأكيد عندها أسبابها
مرق الوقت…
لحد ما من كم يوم كنا بمناسبة فيها جمعة نسوان 👀
فجأة بتقرب عليي وحدة وبتقلي بابتسامة:
شغلكم بجنن وطيب كتير…
بس أمانة لا تحطوا اللوغو تبعكم ع الكياس مرة تانية 😳
استغربت وقلتلا:
ليش؟ شو صار؟
قالتلي:
كان في مناسبة عند بيت فلان…
ونحنا ضلينا نقشر اللوغو عن الكياس
شي بينشال وشي ينشلخ وشي يضل مكانه دبق …
وتعبنا لدرجة إنو بالأخير شلنا الكياس كلها
ونزلنا الصحون بلا تغليف
بهاللحظة…
حسّيت كأني أكلت كفّ 🔥
يعني إذا اسمنا مو عاجبك…
ليش تطلبي من عنا من الأساس؟
ما وقفت هون…
سألت واستفسر وشغلت التسس لأعرف الحقيقة 😔
الزبونة قالت قدام المعازيم:
إنه الأكل من محل س من الناس 😶
(وسعره 3 أضعاف سعرنا)
كل هالمعمعة وتقبيع اللوغو والتعب بس لتنفش حالها قدام المعازيم ع حساب تعبنا وسهرنا
كل هالتعب…
بس كرمال المظاهر
أنا صح اشتغلت وأخدت حقي المادي كامل وما انظلمت بالمصاري.. بس الشعور بالاستغلال ومحو اسمي وتعبي مشان مظاهر كذابة.. بجد بيحزّ بالخاطر
👇 بدي رأيكم بكل صراحة:
هل الزبون طالما دفع…
بيحقله يلغي اسم المطبخ وينسب الشغل لغيره؟
ولا هاد تصرف فيه قلة تقدير وتعب عالم؟
#هامش
رح اعمل باصلي وما نزل اي صورة أو شي عن الطلبية لاني قد كلمتي... وعند الله تجتمع الخصوم
