04/02/2026
أحلى شي الشيف شامي
النسوان عنا بسوريا بتتفرج عليه
وبدها تعمل متلو ...طيب نحنا الزلم من وين ندبرلك مكونات
شي بتجبنا تيسون صغير (تيس ذكر الماعز)
شي غزال شي جمل شي اخطبوط
لا ومابقا يزبط معو ورق القصدير
صار يجبنا ورق موز شايفنا عايشين بالصومال
وفوقها وقت الطبخة
بقلك بنحطها على نار هادية 8-10 ساعات حدا يخبرو انو الطبخة الي بدها 9 ساعات
يعني عنا بتفضى جرة الغاز يعني خر..بان بيت
مفكر عنا حقل غاز يعني ولا الاحتياطي تبع قطر
ولا عنا مزرعة غزلان وتيسونات
مشان الله طبخنا شي مرة خبيزة
فول فلافل مسقعة البندورة
ملينا من الخروف والتيسون والرز النثري
واخر شي بقلك مو مشان شي مشان صحتك ياغالي 😂
والله ياغالي اذا مشان صحتي انا رح انـــ..ــجلط😤
