15/08/2026
اوقات احلى القطع بتطلع من اكتر الطلبات المستعجلة 😂❤
حاكتني الزبونة وقالتلي بدا ساعة وديكور مميز ك هدية لرفيق زوجا لانو هوي عم يفتح كافيه وحابين يكون في قطعة مميزة منن بالمكان
المشكلة كان معي يومين بس للتسليم، واصغر قطعة ريزن بدا اسبوع او اكتر🥲
ولسا ما كانت عارفة شو بدا بالضبط، ف سالتا عن اسم الكافيه... قالتلي OMBRA
ومن هون طلعت الفكرة 💡 قلتلا لي ما يكون حرف الـ O هوي الساعة ونكمل باقي الاسم كتابة؟ وهيك بتكون القطعة ساعة وديكور بنفس الوقت
ولحتى لحّق الوقت اختصرت طريقة الشغل وجبت بلكسي بالمقاس المطلوب وحطيت عليه طبقة ريزن وكملت التصميم
وبـ ٢٤ ساعة بس كانت القطعة جاهزة وسلمتا ياها😍
والنتيجة؟ قطعة مميزة، سريعة، وفوق كل هاد الا معنى خاص لصاحب الكافيه😍✨
شو رأيكن؟ بتحسو الفكرة طلعت متل ما تخيلناها؟ 👀
#ريزن
