เว็บไซต์คืออะไร?

https://www.facebook.com/109653605319692/

Sora Cooking, Don Mueang Airport, กรุงเทพฯ (2026)

23/08/2026

အရသာရှိတဲ့ အရည်သောက်ဟင်းချက်နည်းလေးများ…

ချက်နည်းအစုံ ပုံနှိပ်လေ့လာပါ

23/08/2026

အချိန်အကြာကြီးထားရင်တောင် လုံးဝ မပျော့သွားဘဲ ကြွပ်ကြွပ်မွမွလေးနဲ့ စားလို့ကောင်းတဲ့ ပဲကပ်ကြော် မွမွလေး ကြော်စားကြရအောင်နော်။ Baking Soda သုံးရင် ဆနွင်းနဲ့ ဓာတ်ပြုပြီး အရောင် နီကျစ်ကျစ်ကြီး ဖြစ်သွားတတ်တာမို့ ဒီနေ့မှာတော့ Baking Powder လေးနဲ့ နည်းမှန်လမ်းမှန် ကြွပ်မွအောင် ကြော်နည်းလေးကို မျှဝေပေးလိုက်ပါတယ်။
အဓိက ပါဝင်တဲ့ ပစ္စည်းတွေအနေနဲ့ –
ကုလားပဲ (၆ နာရီ ရေစိမ်ပြီး) – နို့ဆီဘူး ၁ ဘူး
ဆန်မှုန့် – ထမင်းစားဇွန်း ၆ ဇွန်း
ကော်မှုန့် – ထမင်းစားဇွန်း ၃ ဇွန်း
ပဲစိမ်းမှုန့် – ထမင်းစားဇွန်း ၃ ဇွန်း
Baking Powder – ထမင်းစားဇွန်း ၁/၃ ဇွန်း
ရေ – နို့ဆီဘူး ၁ ဘူး
ဂျင်းထောင်း (အရည်ညှစ်ပြီး) – နည်းနည်း
ဆနွင်း၊ ဆား၊ အချိုမုန့် – အနည်းငယ်စီ တို့ပဲ ဖြစ်ပါတယ်။
ပြုလုပ်နည်းအဆင့်ဆင့်ကတော့ –
ဇလုံတစ်ခုထဲမှာ ဆန်မှုန့်၊ ကော်မှုန့်နဲ့ ပဲစိမ်းမှုန့်တို့ကို ရောထည့်လိုက်ပါ။ ပြီးရင် ဆနွင်း၊ ဆား၊ အချိုမုန့်၊ ဂျင်းအရည်နဲ့ Baking Powder တို့ ထည့်ပြီး ရေ နို့ဆီဘူး ၁ ဘူးနဲ့ အားလုံး သမသွားအောင် သေချာ မွှေပေးပါ။ မုန့်နှစ် သမသွားပြီဆိုရင် ရေစစ်ထားတဲ့ ကုလားပဲတွေကို ရောထည့် မွှေပေးရပါမယ်။ ဒီမုန့်နှစ်ကို ချက်ချင်း မကြော်သေးဘဲ နာရီဝက်လောက် နှပ်ထားပေးတာက မုန့်သားကို မွသွားစေပြီး ပိုကြွပ်ဆက်စေတဲ့ လျှို့ဝှက်ချက်ပါပဲ။
နှပ်ထားတဲ့အချိန် ပြည့်ရင်တော့ အိုးထဲ ဆီများများထည့်ပြီး အနေတော် ပူလာတာနဲ့ ပဲနှစ်တွေကို စကြော်လို့ ရပါပြီ။ ၁ မိနစ်လောက် ကြော်လို့ အောက်ခြေလေး ကြွပ်လာရင် တစ်ဖက်ကို လှန်ပေးပြီး အလယ်ပါ ကျက်ညီအောင် ဆီလေး ပက်ပေးရင်း ကြော်ပါ။ မုန့်အနှစ် ထည့်တဲ့အချိန် ဆီအရမ်းပူနေရင် မုန့်ပုံစံ ပျက်သွားတတ်တာမို့ တစ်ဖက်ကြွပ်မှ မီးနည်းနည်း တင်ပေးပြီး နှစ်ဖက်လုံး ရခါနီးရင် နောက်တစ်ကြိမ် မုန့်နှစ် မထည့်ခင် မီးခင်းကို ခဏ လျှော့ပေးရပါမယ်။
နှစ်ဖက်လုံး ရွှေဝါရောင်သန်းပြီး ကြွပ်သွားပြီဆိုရင်တော့ ဇကာနဲ့ ဆီသေချာ စစ်ထုတ်လိုက်ရုံပါပဲ။ အခုလို ဆီစစ်ပြီး အေးသွားတဲ့ ပဲကပ်ကြော်တွေကို လေလုံတဲ့ ပုလင်းထဲ ထည့်သိမ်းထားရင် လချီပြီး အထားခံတာမို့ အိမ်မှာပဲ လွယ်လွယ်ကူကူ ကြော်စားကြည့်ဖို့ တိုက်တွန်းလိုက်ပါရစေနော်။

23/08/2026

ပူတင်းလုပ်နည်းအမျိုးမျိုး…

ပုံနှိပ်ဖတ်ပါ

23/08/2026

ပဲဟင်းချက်တဲ့နေ့ဆိုရင် အမြဲတမ်း တွဲလုပ်ဖြစ်တာကတော့ ထပ်တရာပါပဲနော်။ မနက်စာကို အိအိကျွတ်ကျွတ် ထပ်တရာလေးနဲ့ ပူပူနွေးနွေး ပဲဟင်းလေး စိမ့်နေအောင် တို့စားရတာ တကယ်ကို အရသာရှိတာပါပဲ။ အိမ်မှာ ဂျုံတစ်ထုပ်ရှိရုံနဲ့ အလွယ်တကူ လုပ်စားလို့ရပြီး ကလေးတွေအတွက်လည်း အာဟာရပြည့်ဝတာမို့လို့ ဒီနေ့တော့ လုပ်နေကျ အလွယ်နည်းလေးကို မျှဝေပေးလိုက်ပါတယ်နော်။
ပါဝင်ပစ္စည်းတွေအနေနဲ့ကတော့ အထွေထွေသုံး ဂျုံမှုန့် ၄ ခွက်၊ နွားနို့ ၁ ခွက်၊ ကြက်ဥ ၁ လုံး၊ သကြား ၁ ဇွန်း၊ ဆား နည်းနည်း၊ ပြီးတော့ ထောပတ် သို့မဟုတ် နေကြာဆီတို့ လိုအပ်ပါတယ်။ ရေကိုတော့ လိုအပ်သလို နည်းနည်းပဲ သုံးပေးမှာပါ။
ပြုလုပ်နည်းလေးကတော့ အရမ်းလွယ်ပါတယ်။ ဇလုံတစ်ခုထဲမှာ ဂျုံမှုန့် ၄ ခွက်၊ နွားနို့ ၁ ခွက်၊ ကြက်ဥ ၁ လုံး၊ သကြား ၁ ဇွန်းနဲ့ ဆားနည်းနည်းတို့ကို ရောထည့်လိုက်ပါ။ ပြီးရင် သေချာ အချိုးကျအောင် နှယ်ပေးပါ။ တကယ်လို့ ဂျုံက အရမ်းခြောက်ပြီး စိစိဖြစ်နေရင် ရေလေး နည်းနည်းချင်း ထည့်ပေးလို့ရပါတယ်၊ ဒါပေမဲ့ ရေ အရမ်းများသွားရင် နှယ်ရမကောင်းတော့တာမို့ ဂရုစိုက်ပေးပါနော်။ ဂျုံသား သမသွားရင် မိနစ် ၁၅ မိနစ်ကနေ ၂၀ လောက် အနားပေးထားလိုက်ပါ။
ထို့နောက် ဂျုံတုံးပေါ် ထောပတ်လေး သုတ်ပြီး အဖုံးအုပ်ကာ နာရီဝက်လောက် ထပ်နှပ်ထားပေးရပါမယ်။ နာရီဝက်ပြည့်ရင် ဂျုံတုံးကို အလုံးလေးတွေ ပြန်ခွဲပါမယ်။ ကိုင်ရလွယ်အောင် ဂျုံမှုန့်လေး ဖြူးပေးပြီး တစ်ခါလုပ်စာ အလုံးလေးတွေ လုံးထားလိုက်ပါ။ ပြီးရင် ဂျုံပြန့်ရလွယ်အောင် ဆီလေးသုတ်ပြီး လက်နဲ့ သာသာလေး ဖြန့်ပေးပါ။ ဂျုံအလွှာလေးတွေ အထပ်ထပ် ဖြစ်သွားအောင် အပေါ်ကနေ ဂျုံမှုန့်လေး နည်းနည်း ဖြူးပေးပြီး ခရုပတ်ပုံစံမျိုး ခွေခွေလေး ပတ်ပေးရပါမယ်။
ခွေထားတဲ့ ဂျုံလုံးလေးတွေအပေါ်ကို နေကြာဆီ (သို့) ထောပတ်ဆီ သေချာ နှံ့စိမ့်အောင် သုတ်ပြီး နောက်ထပ် ၁၅ မိနစ်လောက် ထပ်အုပ်ထားပေးပါ။ နှပ်ထားလို့ ဂျုံလုံးလေးတွေ အိအိလေး ဖြစ်လာပြီဆိုရင်တော့ လက်နဲ့ ခပ်ဖွဖွလေး ဖိ၊ ပြီးရင် ပလင်း (သို့) ဒလိန်းတုံးလေးနဲ့ ဝိုင်းသွားအောင် လှိမ့်ပေးပါ။
ကြော်ဖို့အတွက် ဒယ်အိုးထဲ ဆီနည်းနည်းပဲ ထည့်ပြီး အိုးကင်းရိုက်ကာ မီးအေးအေးနဲ့ စိတ်ရှည်ရှည်လေး ကြော်ပေးရပါမယ်။ တစ်ဖက်က နီရဲလာရင် နောက်တစ်ဖက်ကို လှည့်ပေးပါ။ နှစ်ဖက်လုံး နီနီရဲရဲလေးနဲ့ ကျွတ်လာပြီဆိုရင်တော့ အထပ်ထပ်လေးနဲ့ အရမ်းစားလို့ကောင်းတဲ့ ထပ်တရာ ပူပူလေး ရပါပြီနော်။ မြေအိုးလေးနဲ့ နူးအိနေအောင် ချက်ထားတဲ့ အမဲရိုး ပဲဟင်းလေးနဲ့ တွဲစားရင်တော့ ကွက်တိပါပဲ၊ အားလုံးလည်း အိမ်မှာ ချက်စားကြည့်ကြပါဦးနော်။

22/08/2026

စားလို့မြိန်စေမယ့် ထမင်းနယ်နည်း (၅)နည်း

22/08/2026

တစ်နေ့တစ်နေ့ ဆီပြန်ဟင်းတွေကို ငြီးငွေ့နေရင် အခုလို ကျန်းမာရေးနဲ့ညီညွှတ်ပြီး ထမင်းမြိန်စေတဲ့ အသုပ်လေးတွေသုပ်စားကြည့်ပါ...

သုပ်နည်းမျိုးစုံ ပုံနှိပ်ဖတ်ပါ

22/08/2026

ရှူးရှူးရှဲရှဲနဲ့ အဆာပြေစားလို့တအားကောင်းတဲ့ အသုပ်စုံသုပ်နည်းလေးများ

သုပ်နည်းအစုံပုံနှိပ်ကြည့်ပါ...

22/08/2026

ဘုရားပွဲဈေးတန်းရောက်ရင် ကြိတ်ကြိတ်တိုး ဝယ်စားရတဲ့ "လမ်းသရဲမုန့် (ခေါ်) မုန့်ရေပါး / ရေမုန့်" လေးကို အိမ်မှာတင် ဆိုင်ကထက် ပိုသန့်ရှင်းပြီး ပိုစားကောင်းအောင် လုပ်စားကြရအောင်နော်။ တစ်လုပ်စားလိုက်တိုင်း အပြင်သား ကြွပ်ကြွပ်မွမွလေးနဲ့ အထဲက အဆာပလာ ဆိမ့်ဆိမ့်လေးတွေကြောင့် ငယ်ဘဝ အမှတ်တရတွေကို ပြန်သတိရစေမယ့် အဆာပြေ မုန့်လေး ဖြစ်ပါတယ်။
ပါဝင်ပစ္စည်းလေးတွေကတော့ မုန့်ရည်စပ်ဖိုအတွက် ဆန်မှုန့် ထမင်းစားဇွန်း ၂ ဇွန်းမောက်မောက်၊ ကောက်ညှင်းမှုန့် ထမင်းစားဇွန်း ၁ ဇွန်းမောက်မောက်၊ ရေသန့် ၁၅၀ မီလီလီတာ (နိုဆီဘူး တစ်ဝက်)၊ ဆားနဲ့ မုန့်ဖုတ်ဆိုဒါ အနည်းငယ်စီ လိုအပ်ပါတယ်။ အဆာပလာအတွက်တော့ စားတော်ပဲပြုတ်၊ ပဲပင်ပေါက်၊ ခရမ်းချဉ်သီး၊ မုန်လာဥနီ၊ ငရုတ်သီးစိမ်း၊ ကြက်သွန်မြိတ်၊ နံနံပင်၊ ကြက်သားမှုန့်၊ ငရုတ်သီးအရောင်တင်မှုန့်နဲ့ မဆလာတိုပဲ ဖြစ်ပါတယ်။ ပိုဆိမ့်သွားအောင် ကြက်ဥ၊ ငုံးဥ၊ ပုစွန် ဒါမှမဟုတ် ဝက်ဆီဖတ်ကြော်တွေပါ စိတ်ကြိုက် ထည့်နိုင်ပါတယ်။
ပြုလုပ်နည်းအဆင့်ဆင့်ကတော့ –
အရင်ဆုံး ဇလုံတစ်ခုထဲမှာ ဆန်မှုန့်၊ ကောက်ညှင်းမှုန့်၊ ဆားနဲ့ မုန့်ဖုတ်ဆိုဒါတိုကို ထည့်ပြီး ပြင်ဆင်ထားတဲ့ ရေကို လောင်းထည့်ကာ အမှုန့်ခဲတွေ လုံးဝမကျန်အောင် သေချာ မွှေပေးပါ။ မုန့်သားအိအိလေးနဲ့ အိုးထဲလှည့်ရလွယ်အောင် မုန့်ရည်ကို နွားနိုလို ကျဲကျဲလေး ဖြစ်အောင် စပ်ပေးရပါမယ်။
မကပ်ဒယ်အိုးကို မီးအေးအေးနဲ့ အရင်အပူပေးပြီး ဆီ ပါးပါးလေး သုတ်ပေးပါ။ အိုးပူလာရင် စပ်ထားတဲ့ မုန့်ရည်ကို လောင်းထည့်ပြီး မုန့်သားထူမသွားအောင် အိုးကို ဘယ်ညာအသာလှည့်ကာ ဝိုင်းပေးပါ။ ကြက်ဥထည့်မယ်ဆိုရင် ခေါက်ထားတဲ့ ကြက်ဥရည်ကို မုန့်သားအနှံ အရင်ဆမ်းပြီးမှ ပဲပြုတ်၊ ပဲပင်ပေါက်၊ ပါးပါးလှီးထားတဲ့ အသီးအရွက်စုံနဲ့ ကြက်သားမှုန့်၊ ငရုတ်သီးမှုန့်၊ မဆလာတိုကို အပေါ်ကနေ ညီညာအောင် ဖြူးပေးလိုက်ပါ။
ပြီးရင်တော့ မုန့်ရဲ့ ဘေးပတ်ပတ်လည်ကနေ ဆီ ထမင်းစားဇွန်း ၃ ဇွန်းခန့် လိုက်လောင်းထည့်ပေးပါ။ မုန့်သား ဖောင်းကြွပြီး အပြင်ခွံ ကြွပ်သွားအောင် မီးအေးအေးလေးနဲ့ပဲ ကြော်ပေးရပါမယ်။ မုန့်ရဲ့ ဘေးသားလေးတွေ အိုးကနေ ကြွတက်လာပြီး ရွှေဝါရောင် ကြွပ်ကြွပ်လေး ရပြီဆိုရင်တော့ အိုးထဲကနေ အသာအယာ ခေါက်ပြီး ဆယ်ယူလိုက်ရုံပါပဲ။
ပါဝင်ပစ္စည်းလည်းနည်းပြီး မကပ်ဒယ်အိုးလေးနဲ့တင် အလွယ်တကူ လုပ်စားလိုရတာမို မိုးအေးအေး ညနေခင်းမှာ ပူပူနွေးနွေး ကြွပ်ကြွပ်မွှေးမွှေးလေး စမ်းလုပ်ကြည့်ကြဖို တိုက်တွန်းလိုက်ပါတယ်နော်။

22/08/2026

ဒီနေ့တော့ တိုဟူးနဲ့ ကြက်ဥလေးပဲရှိရင် အိမ်မှာတင် အရမ်းအရသာရှိပြီး ကြွပ်ကြွပ်ရွရွလေးနဲ့ စားလိုကောင်းတဲ့ "ကြက်ဥတိုဟူးလုံးကြော်" လေး လုပ်စားကြရအောင်နော်။ လုပ်ရတာလည်း ရိုးရှင်းပြီး ကလေးရော လူကြီးပါ ကြိုက်ကြမှာ သေချာပါတယ်။
ပါဝင်ပစ္စည်းလေးတွေကတော့ တိုဟူး ၁ တုံး၊ ကြက်ဥ ၂ လုံး၊ ခပ်ပါးပါးလှီးထားတဲ့ ကြက်သွန်နီ၊ မုန်လာဥနီ၊ ပန်းပွင့်စိမ်း နည်းနည်းစီ၊ ပဲငါးပိရည် (ပဲပြားရည်)၊ ခရမ်းချဉ်သီးဆော့စ် သိုမဟုတ် ခေးဆီ၊ ဆား၊ ငရုတ်ကောင်းမှုန့်နဲ့ ကြက်သားမှုန့် (သို) ကာနိတုတ်မှုန့် အနည်းငယ်တိုပဲ ဖြစ်ပါတယ်။
ပြုလုပ်နည်းအဆင့်ဆင့်ကတော့ –
ပထမဆုံး တိုဖူးတုံးကြီးထဲကို ကြက်ဥတွေ လောင်းထည့်ပြီး လက်နဲ့ သေချာညှစ်ခြေကာ သမအောင် နယ်ပေးပါ။ စိမ်ထားတဲ့ တိုဖူးနဲ့ ကြက်ဥအရောထဲကို လှီးထားတဲ့ ကြက်သွန်နီ၊ မုန်လာဥနီနဲ့ ပန်းပွင့်စိမ်းတို ထည့်လိုက်ပါ။ ပြီးရင် ပဲငါးပိရည်၊ ခေးဆီ၊ ဆား၊ ငရုတ်ကောင်းမှုန့်နဲ့ ကာနိတုတ်မှုန့် အနည်းငယ်စီ ထည့်ပြီး အားလုံး သမသွားအောင် သေချာလေး နယ်ပေးရပါမယ်။
နယ်ပြီးသွားရင် လက်ကို ဆီနည်းနည်း သုတ်လိုက်ပြီး အစာတွေကို အလုံးသေးသေးလေးတွေ ရအောင် အဝိုင်းပုံစံ ပုံဖော်ပေးပါ။ ပြီးရင်တော့ ဒယ်အိုးထဲ ဆီပူချိန် အနေတော် ရောက်တဲ့အခါ တိုဟူးလုံးလေးတွေကို တစ်လုံးချင်းစီ ထည့်ပြီး ကြော်ပေးရုံပါပဲ။ အရောင်လေး ရွှေဝါရောင် သန်းလာပြီး အပြင်လွှာလေး ကြွပ်ရွလာပြီဆိုရင်တော့ မီးဖိုပေါ်က ချလို ရပါပြီနော်။
ပူပူနွေးနွေး ကြွပ်ကြွပ်လေးနဲ့ စားလို အရမ်းကောင်းတာမို အိမ်မှာ မပျင်းကြေး စမ်းလုပ်ကြည့်ကြပါဦးနော်။

21/08/2026

ကြာကြာအထားခံပြီး ထမင်းမြိန်စေတဲ့ ဟင်းလျာချက်နည်း (၆)မျိုး

ကြော်လှော်နည်းအသေးစိတ်ကို ပုံနှိပ်ဖတ်ကြည့်ပါ

Sora Cooking

23/08/2026

23/08/2026

23/08/2026

23/08/2026

22/08/2026

22/08/2026

22/08/2026

22/08/2026

22/08/2026

21/08/2026

ที่อยู่

เว็บไซต์

แจ้งเตือน

ทางลัด

แชร์

ประเภท

คำขอนำรายการออก