Wasfa Time وصفة تايم

Wasfa Time وصفة تايم السلام عليكم 🙋🏻‍♀️
شارك لحفظ الوصفات على حسابك 🫶وإذا اعجبتك 👍لاتنسى ان تدعمنا بإعجاب 🥰
(1)

السلام عليكم واش عادي خوياومراتو يكونو ساكنين فنفس لمدينة لساكنة فيها انا ونديرو حادثة انا والزوج وميجيوش عندي ولا يسولو...
20/06/2026

السلام عليكم واش عادي خوياومراتو يكونو ساكنين فنفس لمدينة لساكنة فيها انا ونديرو حادثة انا والزوج وميجيوش عندي ولا يسولو حتى فالتلفون وتلاقينا من بعد فدار الوالدين وكلشي الناس كيسولو كيف بقيت الا زوجة الأخ متهضرش نهائيا وتقول غير لأمي بأنها شافت صورة السيارة ديالنا وراها ليها خويا فالتلفون وبلي تكرفسات السيارة ومن بعد يموت ولد خال زوجي وميعزيوش وميسولوش بزوج ثاني انا حسيت احساس خايب خصوصا اتجاه الأخ اما زوجته كتبقى برانيا ومعروف عليه مكديرش معانا صواب نهائيادابا ماتت جدات مرات خاي ومعرفتش واش نعفط على قلبي ونمشي نعزي فسبيل الله ولا نشد تيقاري ونخليهم يفهمو الخطأ لدارو معايا 🚨🚨🚨🚨🚨🚨🚨🚨🚨

بنات أنا نعاود مشكلتي وعاونوني بشي حل انا تزوجت راجل على قد الحال بدينا من الزيرو انا وياه عندي ختي على برا كتصيفط ليا ف...
16/06/2026

بنات أنا نعاود مشكلتي وعاونوني بشي حل انا تزوجت راجل على قد الحال بدينا من الزيرو انا وياه عندي ختي على برا كتصيفط ليا فلوس كتعاوني بيهم عارفة راجلي على قد الحال المهم منين كانت كتصيفط ليا كنوض نتسخر بيهم اللي ناقصة فالدار و نجيب الحليب الولد من فرمسيان و نكسي راسي المهم مكنخبي والو كنكول انا وياه واحد نتعاونوا المهم دازت السنين و راجلي رزقوا الله ودار الدار والطوموبيل الحمد لله مناقصوا خير المهم ختي مبقاتش كتصيفط ليا عرفات باللي ضروفي تحسنات ايوا الراجل منين وليت نكوليه عطيني كتجيه تقيلة يخرج الريال واخا هو كيقيل يخسر على طوموبيلتوا و على عائلتوا ولكن لا بغيت شي حاجة انا كيعطيها ليا بالكشايف حتى كندم علاش طلبتها هادي سيمانة وانا طالباه بغيت نخيط جلابة اليوم وصلني باش نمشي نشري التوب منين كلت ليه عطيني كاليا نتي شريه وانا نخيطوا مع العلم انا معنديش منين يجيوني بقا فيا الحال بزاف وحسيت بواحد الحكرة و اللي ضرني كتر أي حاجة كيخسرها كتجيه عادية كيجي حتى ليا انا وكتجيه تقيلة ويبقا يتحاسب عمروا ما شرا ليا حتى خاتم وخا انا دهبي بعتوا كامل على قبلوا و عمر شرا ليا حتى تلفون كيشريوه ليا غير خوتي ودابا ديالي خاسر كل مرة كيكوليا واخا ومكيشريهش ليا شنو ندير مع هاد الراجل مع العلم عندو رزقوا انا ماشي بنت الحرام يكون هو معندوش وانا نشنقوا على الحاجة
بنات أنا نعاود مشكلتي وعاونوني بشي حل انا تزوجت راجل على قد الحال بدينا من الزيرو انا وياه عندي ختي على برا كتصيفط ليا فلوس كتعاوني بيهم عارفة راجلي على قد الحال المهم منين كانت كتصيفط ليا كنوض نتسخر بيهم اللي ناقصة فالدار و نجيب الحليب الولد من فرمسيان و نكسي راسي المهم مكنخبي والو كنكول انا وياه واحد نتعاونوا المهم دازت السنين و راجلي رزقوا الله ودار الدار والطوموبيل الحمد لله مناقصوا خير المهم ختي مبقاتش كتصيفط ليا عرفات باللي ضروفي تحسنات ايوا الراجل منين وليت نكوليه عطيني كتجيه تقيلة يخرج الريال واخا هو كيقيل يخسر على طوموبيلتوا و على عائلتوا ولكن لا بغيت شي حاجة انا كيعطيها ليا بالكشايف حتى كندم علاش طلبتها هادي سيمانة وانا طالباه بغيت نخيط جلابة اليوم وصلني باش نمشي نشري التوب منين كلت ليه عطيني كاليا نتي شريه وانا نخيطوا مع العلم انا معنديش منين يجيوني بقا فيا الحال بزاف وحسيت بواحد الحكرة و اللي ضرني كتر أي حاجة كيخسرها كتجيه عادية كيجي حتى ليا انا وكتجيه تقيلة ويبقا يتحاسب عمروا ما شرا ليا حتى خاتم وخا انا دهبي بعتوا كامل على قبلوا و عمر شرا ليا حتى تلفون كيشريوه ليا غير خوتي ودابا ديالي خاسر كل مرة كيكوليا واخا ومكيشريهش ليا شنو ندير مع هاد الراجل مع العلم عندو رزقوا انا ماشي بنت الحرام يكون هو معندوش وانا نشنقوا على الحاجة

09/06/2026

أنا مطلقة وعندي الحضانة وكنعيش دابا فالدار ديال طليقي. دابا طليقي شرى دار جديدة وكبيرة. واش ممكن ناخد الدار الجديدة بلاصت الدار اللي ساكنة فيها أنا وولادي؟ واش ممكن المحكمة تحكم ليا بتبديل الدار؟

‎أنا خرجت برا البلاد وأنا مازال عندي 17 عام، ومنين رجعت للمغرب كان عندي 36 عام. خلال 19 عام ديال الخدمة، الحمد لله قدرت ...
08/06/2026

‎أنا خرجت برا البلاد وأنا مازال عندي 17 عام، ومنين رجعت للمغرب كان عندي 36 عام. خلال 19 عام ديال الخدمة، الحمد لله قدرت نوقف على رجلي وبنيت عمارة فيها خمسة طبقات، كريت منهم عشرة ديال البرطمات وحدة عطيتها لخويا مزوج و 2 محلات، وخليت برطمة ليا باش نسكن فيها منين نتزوج.
‎
‎المهم تعرفت على واحد البنت وبغيتها بزاف، ومشيت خطبتها وجلست هضرت مع باها، وتفاهمنا على كل الشروط، وأنا وافقت على كلشي بلا نقاش، حيث كنت باغيها وتعلقت بيها. طلبو الصداق غالي و الذهب وبزاف ديال المسائل وقلت ماشي مشكل.
‎
‎ولكن من بعد، باها زاد شرط آخر ماكانش فالحساب، طلب مني نكتب برطمة ومحل باسم بنتو ، وهنا وليت محتار وماعارف كيفاش نتصرف.
‎
‎بصراحة صعيب عليا نتخلى على البنت حيث ولفتها وتعلقت بيها بزاف… واش شي حد يقدر ينصحني او يوجهني شنو ندير فهاد الحالة؟

‎أنا راجل هاد تزوجت دازت شهر ونص على الزواج. مراتي خدامة فواحد الشركة من زمان، وحتى ملي كنا مخطوبين لمدة عامين كانت خدا...
07/06/2026

‎أنا راجل هاد تزوجت دازت شهر ونص على الزواج. مراتي خدامة فواحد الشركة من زمان، وحتى ملي كنا مخطوبين لمدة عامين كانت خدامة. من اللول وضحات ليا باللي نص الصالير ديالها كتعطيه لواليديها، والنص الآخر كتصرفو على راسها.
‎
‎فديك الفترة ديال الخطوبة كانت كتقول ليا إلا احتاجات الدار شي حاجة غادي تعاون.
‎
‎دابا منين تزوّجنا، أنا كنشوف باللي خاصنا نكونو يد وحدة ونشاركو فكلشي، وكنطلب منها تساهم بصاليرها فمصاريف الدار، خصوصاً وأن الصالير ديالها مزيان وقدر يغطي بزاف ديال الحوايج، وأنا نركز شوية على تسديد الديون ديال العرس.
‎
‎هي من جهتها بقات متشبثة بكلامها، وكتقول باللي راه من اللول قالت ليا بأنها كتعاون والديها حيث وقفوا معاها وقراوها، وهي ما تقدرش تقطع عليهم داك الشي. ومنين تناقشنا فالموضوع علات صوتها.
‎
‎أنا حاولت نشرح ليها باللي دابا راه تبدلات الحالة وولات مسؤولة على دارها وراجلها، وماشي منطقي تبقى تعطي فلوسها كاملة لدارهم، وقلت ليها الكارط بونكير ديالك تكون عندي ونكون أنا اللي مسؤول على المصاريف، وهي إلا بغات شي حاجة تقولها ليا. ولكن هي ما تقبلاتش هاد الفكرة وبقات على موقفها.
‎
‎دابا أنا محتار وباغي نفهم كيفاش كيدبرو هاد الأمور عند الرجال اللي مراتهم خدامات، واش فعلاً كيساهمو فمصاريف الدار ؟ وشنو الفايدة من خدمة المرأة إلا ما غاديش تعاون مادياً فالبيت؟
‎
‎حيت بصراحة هاد الموضوع ولى كيخلق بيناتنا مشاكل كبيرة، خصوصاً وأنها ما يمكنش تخلي الخدمة حيث هي خدامة فشركة ديال الأدوية، وزيد عليها الصالير ديالها طالع على ديالي.

‎أنا عرسي بعد سيمانة وأنا وخطيبي درنا العقد‎وكنا كنشريو شي حوايج ثقال بزاف فـالوزن، وقالّي بلا ما نبقاو هازينهم نمشيو نح...
03/06/2026

‎أنا عرسي بعد سيمانة وأنا وخطيبي درنا العقد
‎وكنا كنشريو شي حوايج ثقال بزاف فـالوزن، وقالّي بلا ما نبقاو هازينهم نمشيو نحطّوهم فالشقة بما أنها قريبة .
‎مشينا فعلاً باش نحطّو الحوايج ونمشيو.
‎فداك الوقت عيط ليا بابا فالتليفون وقلت ليه فين حنا وشنو كنديرو.
‎مكملاتش 10 دقايق وصل وبقى كيغوت عليا وكيضر..بني قدام خطيبي والناس، والعمارة كاملة تفرجات فينا، ومن بعد شدّني وهبطني.
‎حتى لدابا أنا مصدومة وما قادرة نستوعب شنو وقع.
‎حتى إلا تكمل الموضوع ويتدار العرس، حاسة براسي مستحيل نقدر نرجع لهاد العمارة من بعد داكشي اللي وقع قدام الناس كاملين.
‎أنا فين غلطت بالضبط؟

أنا كارية واحد البرطمة في كازا شي عشرين عام هادي ب 500 درهم درت فيها إصلاحات على ذوقي وقاديتها ودابا شي عامين مول السكن ...
03/06/2026

أنا كارية واحد البرطمة في كازا شي عشرين عام هادي ب 500 درهم درت فيها إصلاحات على ذوقي وقاديتها ودابا شي عامين مول السكن توفا والورثة بغاو يبيعوه رفضت ومبقيتش خلصت الكرت هاد العامين، وشرطت عليهم يا إما يعطيوني عشرين مليون تعويض ولا نبقا ساكنة فيها ونخلص داكشي لي كنخلص من شحال هادي، للعلم الحي فين ساكنة الكرا طلع والشقة ولات تكرا ب 5000 درهم وانا معنديش هاد الثمن بغيت نعرف شنو المسطرة لي نتبع باش منضيعش في البرطمة لي قاديتها وولادي كبرو فيها بالخصوص أنني سمعت مؤخراً دارو محامي باش نفرغ الدار
منقول

03/06/2026

حصلت راجلي عندو دار اخرى و مزوج بالفاتحة مع واحد البرهوشة واش إلى دعيتو كتسمى خيـ.ـانة و عندي الدليل ؟!

02/06/2026

أنا اكثر من 12 لعام كاري واحد الدار مولاها قاليا خرج قلت ليه عطيني تعويض مبغاش خلاني سافرت وطرطق القفل ولاح ليا حوايجي شنو ندير ؟

البارح كنا داوين انا وراجلي وقتليه ضاروري غتكون ماماك فرتبة الاولى وانا تانية قاليا لا انا عندي غا ميمتي او ولدي وشي لاخ...
02/06/2026

البارح كنا داوين انا وراجلي وقتليه ضاروري غتكون ماماك فرتبة الاولى وانا تانية قاليا لا انا عندي غا ميمتي او ولدي وشي لاخر مكيهمنيش وقالهالي في وجهي ملي قتلو اذا مكتبغينيش قالي اه قتلو اذا لاش باغا تولد معايا قاليا بغبتك تولدي ليا بنوتة او تكبريهم او ندردبك او نجيب شي فتاتة تقابلهم قتليه اوا مزيان نيت تانا نسوف حياتي قاليا نتي غتكوني مطلقة شكون غيشوف فيك قتليه ويلي غنلبس سروال دجيج وشي تريكو او تشوف قاليا اول زيد او وجهك لي حالتو اش غدير فيه شوية قالي نتي تجي مغاك تكوني باطرونة البنات انا كنت غكنضحك معاه ولكن هوا قالي هدرة لي كتجرح بزاااف والله معا العلم انا كنتهلا فراسي غير هوا انا سمرة او معندي مكياج زوين ولا اكخو ديال شمش او ديما كنقولو اشريه ليا ولكن هوا سقرام مكيبغيش اعطيني والو درهم لا او معا ذلك كندير عكير كنقولو ديما هدرة زوينة معرفتش شنو ندير وخا هوا فلخر قالي غا كؤضحك ولكن انا حسيت بيه داوي بصح
او دبا لاصقني باش نزيد نولد معا العلم ولدي عندو عاماين و 7 شهور

Address

Istanbul

Website

Alerts

Be the first to know and let us send you an email when Wasfa Time وصفة تايم posts news and promotions. Your email address will not be used for any other purpose, and you can unsubscribe at any time.

Shortcuts

Share

Category