12/10/2026
🍽️ Menu de jour ديال بنتي عندها 8 شهور، ما شاء الله 🤍👶🏻
🥪 الفطور: خبز التوست مدهون بزبدة الفول السوداني مع البنان معوس، حمّرتهم شوية فالمقلاة 🍌🥜
🫐 مع الفطور: فْرامبواز حمر معوسين وياغورت طبيعي مع شوية ديال الزنجلان 😋
🥕 الغداء: خضر مفورة: الجزر والبطاطا والجلبانة، مع شوية زيت الزيتون 🫒، معوسين بالفورشيط باش يبقى القوام مختلف.
🥑 العشاء: البنان والأفوكا معوسين بالفورشيط 🍌💚
🍼الرضاعة الطبيعية حسب الحاجة
كل مرة كنحاول ندخل لبنتي شي حاجة جديدة وننوع ليها فالمكونات والقوام، وكنفرح من قلبي ملي كنشوفها كتكتاشف مذاقات جديدة وكتاكل بشهية 🥹❤️
هادشي هو Menu de jour ديال بنتي، وكنشارك معاكم تجربتي كأم بكل حب وعفوية 🫶🏻
الله يحفظها ويحفظ ليكم وليداتكم من كل شر، ويفرحكم بيهم يا رب 🤲🏻❤️
💬 شحال فعمر البيبي ديالك؟ وشنو كتعطيه ياكل فالنهار؟ شاركوني تجاربكم يا الماميز 🥰
