01/10/2026
صينية بطاطس بالفراخ متقولش لعدوك عليها 🧑🏻🩰
English translation in the first comment ✨
المكونات
1 كيلو بطاطس، مقطعة شرائح سميكة.
2 بصلة كبيرة جدًا أو 3 بصلات متوسطة (بصلة واحدة تُضرب في الكبة مع الملح والفلفل – وباقي البصل يُقطع شرائح جوليان).
1 فلفلة رومي خضراء كبيرة، مقطعة شرائح.
2 فرخة، حسب الرغبة.
ملح وفلفل.
كزبرة ناشفة.
بابريكا.
بهارات مشاوي خطيرة ببهارات الشام، أو أي بهارات فراخ.
رشة كمون بسيطة جدًا.
زيت زيتون.
الطريقة
نعمل فتحات بالسكينة في الفراخ، عشان التتبيلة تدخل وتتوزع كويس.
نضرب بصلة واحدة في الكبة مع الملح والفلفل، ونتبل بيها الفراخ كويس، مع إدخال التتبيلة في الفتحات اللي عملناها بالسكينة.
نحط البطاطس في الصينية، ونضيف عليها ملح وفلفل، كزبرة ناشفة، بابريكا، بهارات المشاوي أو بهارات الفراخ، ورشة كمون بسيطة جدًا، ونضيف زيت زيتون.
نضيف الفلفل الرومي والبصل الشرائح، ونرش عليهم ملح وفلفل، وندعك كل المكونات مع بعض كويس.
نرتب الفراخ فوق البطاطس والخضار، ونرش على وش الفراخ رشة زيت زيتون.
في الوقت ده نكون مسخنين الفرن كويس جدًا.
نبل ورقة زبدة ونكرمشها، ونغطي بيها الصينية، وبعد كده نغطي الصينية بالفويل.
ندخلها الفرن على أعلى درجة حرارة لمدة 15 دقيقة.
بعد أول 15 دقيقة، ننزل درجة حرارة الفرن لـ200 درجة مئوية، ونسيبها حوالي ساعة.
بعد الساعة، نشيل الغطا ونتأكد إن البطاطس والفراخ استووا.
نسقي الفراخ والبط
