Խորտիկ

Խորտիկ Contact information, map and directions, contact form, opening hours, services, ratings, photos, videos and announcements from Խորտիկ, Kitchen/Cooking, Armenia, Yerevan.

ՍՄԲՈՒԿՍմբուկը ոչ միայն համեղ բանջարեղեն է, այլև այն հարուստ է օրգանիզմի համար օգտակար նյութերով։ Որոնք են հիմնական օգտակ...
30/06/2026

ՍՄԲՈՒԿ
Սմբուկը ոչ միայն համեղ բանջարեղեն է, այլև այն հարուստ է օրգանիզմի համար օգտակար նյութերով։ Որոնք են
հիմնական օգտակար հատկությունները.
*Սմբուկը հարուստ է հակաօքսիդանտներով` հատկապես մանուշակագույն կեղևը պարունակում է նասունին կոչվող հակաօքսիդանտ, որը նպաստում է բջիջների պաշտպանությանը։
*Օգտակար է սրտի առողջությանը․ պարունակում է բջջանյութ, կալիում և այլ նյութեր, որոնք կարող են նպաստել խոլեստերինի և արյան ճնշման առողջ մակարդակի պահպանմանը։
*Սմբուկը նաև բարելավում է մարսողությունը․ բջջանյութի շնորհիվ աջակցում է աղիների բնական աշխատանքին և օգնում կանխել փորկապությունը։ Այն ցածր կալորիականություն ունի, ուստի լավ ընտրություն է քաշի վերահսկման դեպքում.
Սմբուկը նպաստում է արյան մեջ շաքարի կայունացմանը, բջջանյութը դանդաղեցնում է ածխաջրերի ներծծումը, ինչը կարող է օգտակար լինել շաքարի մակարդակի վերահսկման համար՝ որպես առողջ սննդակարգի մաս։
Սմբուկը ունի նաև վիտամինների հարուստ պաշար և հանքանյութեր (C և K վիտամիններ, B խմբի որոշ վիտամիններ, ինչպես նաև մանգան, կալիում և ֆոլաթթու)։
Ընդհանրապես
ավելի լավ է սմբուկը պատրաստել խորոված, շոգեխաշած կամ ջեռոցում՝ շատ յուղ չավելացնելով, քանի որ այն հեշտությամբ կլանում է յուղը։
Խորհուրդ չի տրվում օգտագործել հում սմբուկը, քանի որ այն պարունակում է սոլանին, որը մեծ քանակությամբ կարող է վնասակար լինել։
Իսկ եթե օրգանիզմը ունի երիկամային քարերի նկատմամբ հակվածություն, ցանկալի է սմբուկն օգտագործել չափավոր, քանի որ այն պարունակում է որոշակի քանակությամբ օքսալատներ։
Ընդհանուր առմամբ, սմբուկը առողջ և սննդարար մթերք է, որը կարելի է ներառել հավասարակշռված սննդակարգում։

ԼՑՈՆԱԾ ՍՄԲՈՒԿ
Սմբուկը լվանում ենք, մաքրում պոչի կանաչ հատվածը, դնում ջեռոցը։ Մինչ կպատրաստվի սմբուկը` պատրաստում ենք լցոնը։
ԼՑՈՆ
Մեկ միջին չափի սոխը կտրատել, ձիթայուղով ու կարագով պատրաստել սոխեռաց, ավելացնել լոլիկ, գազար, գունավոր պղպեղներ, աղ, սև ու կարմիր աղացած պղպեղներ, կտրատած կանաչիներ ըստ նախասիրության։ Պարբերաբար խառնում ենք մինչև եփվի։
Պատրաստ լինելուն պես թողնում ենք հովանա։ Սմբուկները հանում ենք ջեռոցից, նույնպես թողնում` հովանա և լցոնում սմբուկները։
Գեղեցիկ ձևավորում ենք ափսեի մեջ և մատուցում։
Բարի ախորժակ։

Գարունը բնության վերածննդի ժամանակն է, երբ հողից առաջինը դուրս են գալիս կենսունակությամբ լի կանաչիները։ Այդ նուրբ տերևնե...
03/05/2026

Գարունը բնության վերածննդի ժամանակն է, երբ հողից առաջինը դուրս են գալիս կենսունակությամբ լի կանաչիները։ Այդ նուրբ տերևների մեջ կուտակված են ձմռան ընթացքում մեզ պակասած վիտամիններն ու հանքանյութերը՝ դառնալով օրգանիզմի բնական վերականգնման աղբյուր։ Գարնանային կանաչիները հարուստ են հատկապես C, A, K և B խմբի վիտամիններով, ինչպես նաև երկաթով, կալցիումով և մագնեզիումով։ Դրանք նպաստում են արյան մաքրմանը, ուժեղացնում իմունային համակարգը, բարելավում մարսողությունը և օրգանիզմին հաղորդում թարմություն ու էներգիա։
Այս կանաչիների շարքում առանձնահատուկ տեղ ունի եղինջը՝ իր ուժեղ բուժիչ հատկություններով։ Թեև առաջին հայացքից այն կարող է թվալ սովորական կամ նույնիսկ անհարմար բույս, իրականում եղինջը իսկական բնական «դեղատուն» է։ Այն հարուստ է երկաթով, ինչի շնորհիվ օգտակար է հատկապես արյան անեմիայի դեպքում, նպաստում է հեմոգլոբինի բարձրացմանը և արյան շրջանառության բարելավմանը։
Եղինջը նաև ունի հակաբորբոքային և մաքրող ազդեցություն․ այն օգնում է օրգանիզմից դուրս բերել տոքսինները, լավացնում է լյարդի և երիկամների աշխատանքը։ Նրա մեջ պարունակվող վիտամին K-ն նպաստում է արյան մակարդելիության կարգավորմանը, իսկ հակաօքսիդանտները պաշտպանում են բջիջները վնասակար ազդեցություններից։
Բացի այդ, եղինջը բարենպաստ է մազերի և մաշկի համար․ այն ուժեղացնում է մազարմատները, նվազեցնում մազաթափությունը և մաշկին հաղորդում առողջ տեսք։ Գարնանը եղինջի օգտագործումը՝ թե՛ որպես սնունդ (ապուրներ, աղցաններ), թե՛ որպես թուրմ կամ թեյ, օգնում է օրգանիզմին վերականգնել ուժերը և ներդաշնակ անցնել սեզոնային փոփոխություններին։
Հայկական խոհանոցում իր արժանի տեղն ունի եղինջով ապուրը։ Ահա և բաղադրատոմսը։

*** Եռացող ջրի մեջ լցնում ենք մաքրած ու մանր կտրտած կարտոֆիլը, աղ ենք լցնում ու թողնում եփվի։ Երբ արդեն պատրաստ է կարտոֆիլը, ավելացնում ենք լվացած և կտրատած եղինջը, ավելացնում ենք բուսայուղ, մի փոքր նաև կարագ։Թողնում ենք եփվի ևս մի 3-5 րոպ., ավելացնում եք հարած ձու, թեթև խառնում ենք, որ ձուն տարածվի ու եփվի։ Վերցնում ենք կրակից ու մատուցու ենք տաք վիճակում։ Վայելում ենք առողջ սնունդ։

ՆԵԽՈՒՐՆեխուրը երկամյա խոտաբույս է և պատկանում է նեխուրազգիների ընտանիքին։ Այս բույսը ունի հաստ, հյութալի ցողուններ, բո...
22/04/2026

ՆԵԽՈՒՐ
Նեխուրը երկամյա խոտաբույս է և պատկանում է նեխուրազգիների ընտանիքին։ Այս բույսը ունի հաստ, հյութալի ցողուններ, բուրավետ տերևներ և զարգացած արմատ։ Այն մշակվում է որպես բանջարեղեն և համեմունքային բույս։
Նեխուրը առողջարար և սննդարար բանջարեղեն է, որը հարուստ է վիտամիններով (հատկապես C և K), հանքանյութերով և հակաօքսիդանտներով։ Այն նպաստում է մարսողության լավացմանը, օգնում է կարգավորել արյան ճնշումը և ունի մաքրող ազդեցություն օրգանիզմի վրա։ Նեխուրը նաև ցածր կալորիականություն ունի, ինչը նրան դարձնում է օգտակար սննդակարգի համար։ Նեխուրը ունի նաև որոշ հակացուցումներ․
*Կարող է առաջացնել ալերգիկ ռեակցիա զգայուն մարդկանց մոտ։
*Խորհուրդ չի տրվում մեծ քանակով օգտագործել երիկամների հիվանդությունների դեպքում։
*Կարող է գրգռել ստամոքսը՝ գաստրիտի կամ խոցի դեպքում
*Ցանկալի չէ նաև նեխուրի օգտագործումը հղիության ընթացքում։
Չափավոր օգտագործման դեպքում, նեխուրը, որպես կանոն, անվտանգ է և առողջարար։
Հայկական խոհանոցում նեխուրը ընդունված է օգտագործել որպես համեմունք, թթվի կամ պահածոների մեջ, սակայն աննկարագրելի համեղ է տապակած նեխուրը։
*Տապակելու համար նախապես 5-7 րոպե խաշում ենք մաքրած, լվացած ու կտրատած նեխուրը։ Ապա ձիթայուղով տապակում ենք, ավելացնելով հարած ձու։ Մատուցում ենք մածուն սխտորով։

ՍՊԱՆԱԽՄիամյա խոտաբույս է, որը ունի անգնահատելի օգտակարություն։ Այն ամենատարածված բանջարեղենային կանաչիներից է։ Սպանախը հ...
07/03/2026

ՍՊԱՆԱԽ
Միամյա խոտաբույս է, որը ունի անգնահատելի օգտակարություն։ Այն ամենատարածված բանջարեղենային կանաչիներից է։ Սպանախը հարուստ է բջջանյութով, որը կարգավորում է աղեստամոքսային համակարգի գործունեությանը, նպաստում նրա ճիշտ ժամանակին և որակով մաքրմանը։
Սպանախը խոհանոցում օգտագործվող միակ կանաչին է, որ սպիտակուցի պարունակությամբ առաջին տեղում է։
Թարմ սպանախում մեծ է B6 վիտամինի, երկաթի պարունակությունը, սակայն եփված վիճակում ավելի շատ B6, A վիտամինների և K - ի պարունակությունն է մեծ։ Սպանախի օգտագործումը բարենպաստ է ազդում նաև սիրտ-անոթային համակարգի գործունեության վրա։ Օգտակար է նաև տեսողության համար։ Սակայն խորհուրդ չի տրվում շատ հաճախ և մեծ քանակով օգտագործել այն։ Պետք է նաև ճիշտ մթերքների հետ համադրել սպանախը։
Օրինակ`100- 200 գ` շաբաթական։ Խորհուրդ չի տրվում օգտագործել ծովամթերքի, լոբու, դդումի, սոյայի, կաթի, քաղցր կարտոֆիլի, վարունգի հետ։ Կարմիր սպանախը շատ երկաթ է պարունակում։ Սպանախը օգտակար է այն մթերքների հետ, որոնք պարունակում են վիտամին C, որպեսզի օրգանիզմը լավ յուրացնի երկաթը, (կիտրոնի հյութ, կանաչ պղպեղ), ինչպես նաև ճարպերի (ավոկադո, ձիթապտղի յուղ, սերուցք, ընկույզ), որոնք օգնում են հեշտ յուրացնել վիտամին A, E, K։ Հրաշալի համադրվում է պանրի, ձվի,աղցանների, շոգեխաշած ուտեստների հետ։

ՆԱԽԱՃԱՇ ՍՊԱՆԱԽՈՎ
Հարել 2 ձու, ավելացնել աղ, մի քիչ սև պղպեղ, մանր կտրատած սպանախը, մի քիչ քերած պանիր, լավ խառնլ ու լցնել նախապես տաքացրած թավայի մեջ։ 2 կողմից տապակել և ձևավորել ափսեի մեջ։ Բարի ախորժակ։

ՌԵՀԱՆՌեհանի հայրենիքը համարվում է Ասիայի արևադարձային շրջանները։ Իսկ 16- րդ դարում հասել է Եվրոպա և լայն տարածում է ուն...
27/02/2026

ՌԵՀԱՆ
Ռեհանի հայրենիքը համարվում է Ասիայի արևադարձային շրջանները։ Իսկ 16- րդ դարում հասել է Եվրոպա և լայն տարածում է ունեցել։ Իսկ «Ocimum» անվանումը ծագել է հունարեն «արքա» բառից: Ռեհանը մեծ տարածում ունի նաև Կովկասում և կարևոր տեղ է զբաղեցնում կովկասյան խոհանոցում։ Դրա համար էլ ասում են. «Նա, ով ռեհան է ուտում, երկար է ապրում»:
Հնդկաստանում ռեհանը համարվում է սուրբ բույս, հզոր ուժի ու զորության աղբյուր։
Ռեհանը հաջողությամբ պայքարում է այն երևույթների դեմ, որ առաջացրել են տարատեսակ վիրուսները, բակտերիաները, սնկային հիվանդությունները կամ ալերգիկ երևույթները: Ռեհանը համարվում է բնական հակաբիոտիկ միջոց և բակտերիասպան, սնկասպան, հականեխիչ հատկանիշների շնորհիվ այն արդյունավետ կերպով ազդում է օրգանիզմի ջերմաստիճանի բարձրացման պատճառի վրա և իջեցնում է ջերմությունը:

Մեծ քանակությամբ վիտամի С-ի և ռուտինի շնորհիվ՝ ռեհանի օգտագործումը խթանում է անոթների պատերի ամրությունը, կանխարգելում է դրանց փխրունությունը, իսկ ռեհանի բաղադրության մեջ մտնող հակաօքսիդանտները պաշտպանում են սրտանոթային համակարգն ու կանխարգելում են ազատ ռադիկալների բացասական ազդեցությունը: Այս բույսի բաղադրության մեջ մտնող տարրերը նաև նվազեցնում են վատ խոլեստերինի մակարդակը, լավացնում են արյան շրջանառությունը: Ռեհանի շնորհիվ սիրտը ստանում է այդքան անհրաժեշտ կալիումը:
Ռեհանը մեծ քանակությամբ սնդիկ է պարունակում: Փոքր չափաբաժնով սնդիկը դրական ազդեցություն ունի, այն պաշտպանում է օրգանիզմը վնասակար բակտերիաներից, սակայն մեծ չափաքանակի դեպքում կարող է վնասել օրգանիզմին: Այդ իսկ պատճառով չափազանց կարևոր է ռեհանով բուժման դեպքում պահպանել չափաբաժինը: Այս նույն պատճառով էլ ռեհան խորհուրդ չի տրվում մինչև 7 տարեկան երեխաներին:

ՌԵՀԱՆՈՎ ԹԵՅ
Թարմ ռեհանի միջին չափի 5 տերև, 2 շերտ կիտրոն դնել թեյամանի մեջ, վրան լցնել 2 բաժակ եռացած ջուր։ Թողնել թրմվի և լցնել բաժակների մեջ։

Կարտոֆիլի հայրենիքը Հարավային Ամերիկան է։ Այն բնիկներին հայտնի է եղել դեռևս մեր թվարկությունից առաջ։Եվրոպա կարտոֆիլը բեր...
16/02/2026

Կարտոֆիլի հայրենիքը Հարավային Ամերիկան է։ Այն բնիկներին հայտնի է եղել դեռևս մեր թվարկությունից առաջ։
Եվրոպա կարտոֆիլը բերվել և որպես մշակաբույս տարածվել է 16- րդ դարի վերջին։ Այն արագ տարածվեց ու դարձավ շատ երկրներում հիմնական սնունդ, որովհետև ունի փչանալու ցածր մակարդակ, սննդարար է, հագեցնող և մատչելի։ Կարտոֆիլը օգտակար է նյարդային համակարգի համար, նա նաև էներգիայի մեծ պաշար է։ Կալիումի մեծ պաշարի շնորհիվ այն օգտակար է նաև սիրտ անոթային համակարգի համար։
Կարտոֆիլի կարևոր հատկություններից մեկն այն է, որ նա հարուստ է բջջանյութով, վիտամիններ C- ով, B6- ով և կալիումով։
Հայաստանում ևս կարտոֆիլն ունի լայն տարածում ու կիրառություն։ Այն մշակվում է մեր երկրի տարբեր մարզերում, ձմռան ամիսներին կարևոր սննդատեսակ է, ուստի մեր խոհանոցը հարուստ է կարտոֆիլի պատրաստման բաղադրատոմսերով։ Մեր ցանկացած տնտեսուհի կարտոֆիլը պատրաստում է այսպես ասած` փակ աչքերով, նույնիսկ ստեղծագործելով սեփական բաղադրատոմսը։ Կարտոֆիլը մեր ապուրների հիմնական բաղադրիչն է։ Հավանաբար շատերը գիտեն փուռ դրած կարտոֆիլի հիանալի համը։ Բայց այսօր պատրաստելու ենք կարտոֆիլով կոտլետներ, բաղադրատոմս, որը կօգնի ձեզ պատրաստել կարտոֆիլը արագ և համեղ։

ԿԱՐՏՈՖԻԼՈՎ ԿՈՏԼԵՏՆԵՐ
Չորս միջին չափի կարտոֆիլը խաշել, մաքրել կեղևն ու տրորել, ավելացնել մեկ ձու, 1 ճաշի գդալ թթվասեր,աղ, սև պղպեղ, մանր կտրատած սոխ, չոր ռեհան, 2 ճաշի գդալ ալյուր և լավ խառնել։ Ստացված զանգվածից պատրաստել գնդիկներ, ձևավորել և տապակել բուսայուղի մեջ։
Ստացվում է շատ հեշտ ու համեղ։

ԿԱՂԱՄԲՍպիտակագլուխ կաղամբը Հայաստանում տարածված մշակաբույս է։ Այն թեթև կալորիականությամբ, վիտամիններով ու բջջանյութով հա...
26/01/2026

ԿԱՂԱՄԲ
Սպիտակագլուխ կաղամբը Հայաստանում տարածված մշակաբույս է։ Այն թեթև կալորիականությամբ, վիտամիններով ու բջջանյութով հարուստ բանջարեղեն է. պարունակում է C, K, U, և B խմբի վիտամիններ, ինչպես նաև կալիում, կալցիում, մագնեզիում։ Կաղամբը դյուրամարս է, նպաստում է իմունային համակարգի ամրապնդմանը, լավացնում է մարսողությունը, մաքրում է անոթները, օգտակար է սիրտ- անոթային համակարգի գործունեության համար։ Կաղամբի հաճախակի օգտագործումը պրոֆիլակտիկ մաքրում է օրգանիզմը և կարգավորում է հորմոնային ֆոնը։Կաղամբով ուտեստները ցածր կալորիականություն ունեն, սակայն տևական ժամանակ հագեցվածության զգացողություն են ապահովում, նաև հեշտ են յուրացվում։ Օգտակար է ինչպես թարմ, այնպես էլ ջերմամշակված վիճակում։ Թարմ կաղամբը բջջանյութի առատ պաշար է, օգտակար է աղիների աշխատանքին, վերացնում է փորկապությունը, պաշտպանում է աղիները վնասվելուց, ունի սուլֆորաֆեն հակաօքսիդանտը։ Սակայն կան առողջական խնդիրներ, որոնց պարագայում կաղամբ օգտագործել` խորհուրդ չի տրվում, կամ պարզապես բժշկի ցուցումով պետք է առաջնորդվել։
Կաղամբի հայրենիքը Միջերկրական ծովի ափամերձ երկրներն են. Հունաստան, Եգիպտոս, Հռոմ, սակայն այն մեծ տարածում ու կիրառություն ունի աշխարհի շատ երկրներում։ Մեր հայրենիքում ևս այն լայն տարածում ունի։ Նույնիսկ ազգային շատ կերակուրների կարևոր բաղադրիչ է։ Մեր ժամանակակից խոհանոցը հարուստ է կաղամբով պատրաստվող աղցաններով ու ուտեստներով։
Հեշտ ու արագ են պատրաստվում կաղամբով խորտիկները. օրինակ` կոտլետները։

ԿԱՂԱՄԲՈՎ ԿՈՏԼԵՏ
Փոքր կաղամբի կեսը կտրատում ենք բարակ շերտերով, ավելացնում մեկ միջին չափի քերած գազար, 2 ձու, 1 ճաշի գդալ թթվասեր, աղ և սև պղպեղ ցանում, կանաչի և սխտոր` ըստ նախասիրության։ Խառնելուց հետո ավելացնում ենք նաև 2 ճաշի գդալ ալյուր։ Կարելի է ավելացնել նաև քերած պանիր։ Պատրաստել ու ձևավորել կոտլետներ տապակել թավայի մեջ։
Փորձեք պատրաստել ու կիսվել կարծիքներով։Եթե կան այլ բաղադրատոմսեր, կարող եք առաջարկել։

Բոլոր ազգերը` ելնելով իրենց երկրի բնակլիմայական պայմաններից, ստեղծել են իրենց ազգային խոհանոցը։ Սակայն փաստ է, որ նույն ...
07/01/2026

Բոլոր ազգերը` ելնելով իրենց երկրի բնակլիմայական պայմաններից, ստեղծել են իրենց ազգային խոհանոցը։
Սակայն փաստ է, որ նույն տարածաշրջանում ապրող ժողովուրդները նույն մթերքը մշակում են նույն կերպ։, Այստեղից էլ ծնվում է խոհանոցների նմանությունը։ Նաև երբեմն կարող են վերցնել իրարից սննդի պատրաստման որոշ նրբություններ։
Սակայն կան հաստատված փաստեր, որ սննդի մշակման վրա էական է ազդում նաև ազգի բնավորությունը։ Այսինքն` կան բաներ, որ բնորոշ են տվյալ ազգին` կախված ազգային սովորույթներից։ Օրինակ` հայտնի է, որ բորշը (բորշչ - ռուսերենով) ունի ուկրաինական և ռուսական
ծագում, բայց հայկական խոհանոցում այն դարձել է ավելի հաճախ պատրաստվող ապուր` դե իհարկե մեր ազգային պահանջներին համապատասխան։
Բազմաթիվ են այլազգիների անկեղծ խոստովանությունները այն մասին, որ հայ տնտեսուհիների պատրաստած բորշը ուրիշ է։ Այսպես ասած` մերն ուրիշ է ։ ☺️Այն հագեցնող է, հարուստ է բաղադրիչներով, դե իհարկե նաև համեղ է։ Եվ այսպես, կարծում եմ Ամանորյա խրթին ու բազմազան խորտիկներից հետո կարելի է պատրաստտել ու հարազատներին ուրախացնել սիրելի ապուրով։

ԲՈՐՇ
Երկարավուն ու բարակ կտրատած 1 միջին չափի սոխով անում ենք սոխեռաց։ Երբ սոխը մի քիչ եփվում է, ավելացնում ենք տոմատի մածուկ (1 ճ/գ), տապակում ենք նաև տոմատի մածուկը, ավելացնում ենք 0.5 թեյի գդալ աղացած կարմիր պղպեղ։ Մի երկու րոպե տապակելուց հետո լցնում ենք կտրատած կաղամբը (1/3 միջին չափի սպիտակագլուխ կաղամբ), կափարիչով ծածկելով թողնում ենք, որ կաղամբը շոգեխաշվի թույլ կրակի վրա։ Իհարկե չենք մոռանում պարբերաբար խառնել։ Կաղամբը տապակելուց հետո ավելացնում ենք կտրատած կարտոֆիլ և այնքան ջուր, որ ապուրի համար նախատեսել ենք։ Եթե պատրաստում ենք մսով, ապա լցնում ենք արգանակը և մսի կտորները։ Երբ կարտոֆիլը պատրաստ լինի, ավելացնում ենք քերիչով անցկացրած գազարն ու կարմիր բազուկը, ըստ նախասիրության` կանաչ պղպեղը, կանաչ մաղադանոսը, ևս 10 րոպե եփվելուց հետո վերցնում ենք կրակից։

Ապրում ենք մի ժամանակաշրջանում, երբ առողջ մնալը բավականին բարդ է։ Աղտոտված օդը, վնասակար ուտելիքը, անկանոն սննդկարգը, ան...
19/12/2025

Ապրում ենք մի ժամանակաշրջանում, երբ առողջ մնալը բավականին բարդ է։ Աղտոտված օդը, վնասակար ուտելիքը, անկանոն սննդկարգը, անթիվ սթրեսները անում են իրենց գործը։ Իսկ մենք կյանքի արագընթաց ռիթմի մեջ չենք էլ նկատում դա։ Սակայն անհրաժեշտ է գոնե մտածել, ինչպե՞ս ենք սնվում, ինչո՞վ ենք սնվում։
Բուսակերները պնդում են, որ առողջ սնունդը միայն բուսականն է, մսասերները հաստատում են, որ առանց մսի օրգանիզմը կարող է ունենալ բազմաթիվ առողջական խնդիրներ։
Բանը նրանում է, որ օրգանիզմի առողջության համար անհրաժեշտ են համապատասխան վիտամինների, հանքանյութերի, ճարպերի ու սպիտավուցների բավարար համադրություն։ Հետևաբար այս առումով շատ կարևոր է այն հանգամանքը, թե որ աշխարհագրական գոտում է բնակվում մարդը, այդ տեղանքում ինչպիսի բնամթերքներ կան։ Այսինքն, եթե հրաժարվեւմ ես մսից ապա գոնե պիտի սննդակարգում առկա լինեն բուսատեսակներ, որոնք ապահովեն այն ամենը, ինչ որ անհրաժեշտ է օրգանիզմին և ինչը կար մսի մեջ։ Իսկ եթե այդ տեղանքում բուսական սնունդը չի կարող ապահովել այդ պակասը, այդ դեպքում կարելի է մտածել, այդ բացը լրացնելու ճանապարհների մասին։
Մենք` հայերս, մեր սննդակարգում միշտ ունեցել ենք մսով պատրաստվող խորտիկներ, սիրում ենք նաև հյուրասիրել, զարմացնել մեր խոհարարական ստեղծագործություններով։
Այդպիսի ստեղծագործություն կարելի է համարել մսով պատրաստվող
Իշլի քյուֆթան։
Քանի որ մոտենում է Ամանորը, Խորտիկ էջը առաջարկում է պատրաստել այն։
Քյուֆթան ունի արտաքին շերտ և միջուկ։ Նախ պատրաստենք միջուկը, որովհետև ժամանակ է պետք` հովանալու համար։

Եվ այսպես. նախապես թռչում ենք 0.5 կգ ամենամանր բլղուրը և անցնոմ միջուկին։

Միջուկ
1.200 կգ աղացած մսի վրա ավելացնել 4 միջին չափի գլուխ սոխ, աղ, սև և կարմիր աղացած պղպեղներ, մանր կտրատած համեմ, կամ չոր ռեհան, 1,5 սուրճի բաժակ ջուր։ Լավ հունցելուց հետո դնել թավայի մեջ և խառնելով տապակել։ Պատրաստ լինելուն պես վերցնել, դնել հովանա։ Արտաքին շերտի համար անհրաժեշտ է 750 գ մաքուր (առանց յուղի, առանց ջլերի) աղացած միս, վրան ավելացնում ենք աղ, կարմիր պղպեղ, նախապես թռչած բլղուրը։ Լավ հունցել, անպայման պարբերաբար թռչելով ձեռքը։ Հունցել այնքան, որ ստացվի փափուկ պլաստիլինի նման, որ ձեռքի մեջ կարողանաք ձևավորել։ Այնուհետև ձևավորել հավասար գնդիկներ` (խոշոր ընկույզի չափ), բացել գնդիկները թասի նման, լցնել միջուկը և ձևավորել։ Կարևոր է լավ փակել արտաքին շերտը, որ միջուկը դուրս չգա։ Եռացող ջրի մեջ գցել քյուֆթաները եփել մոտ 15-20 ր.։ Մատուցեք կարագով և անուշ արեք։

ԸնկույզԱյս հրաշք բույսի հետ կապված շատ լեգենդներ կան։ Բայց հետաքրքիր այն է, որ նրա վրա ապրում են չար ոգիներ, որոնք վնասո...
16/12/2025

Ընկույզ
Այս հրաշք բույսի հետ կապված շատ լեգենդներ կան։ Բայց հետաքրքիր այն է, որ նրա վրա ապրում են չար ոգիներ, որոնք վնասում են, մարդկանց ու կենդանիներին, նույնիսկ իրենց շուրջը այլ բույսեր չեն աճում։ Իսկ գիտնականները գտնում են, որ ընկուզենու տերևախիտ սաղարթի տակ, արևազուրկ հողում չեն աճում այլ բույսեր։
Այս հսկայի պտուղները դառնահամ են, իսկ սերմը, որն օգտագործում ենք մեր սննդի մեջ,բավականին համեղ, վիտամիններուվ ու օգտակար միացություններով հարուստ է։ Այն ոչ միայն հավելում են աղցաններում և ճաշատեսակներում, այլ օգտագործում որպես պատրաստ մթերք։
Ամեն օր ուտելով 3 հատ ընկույզ, կարելի է բավարարել օրգանիզմի օմեգա 3-ի օրական պահանջը։ Ընկույզը ունի նաև A,B,C,E,K վիտամիններ, ինչպես նաև ցինկ, յոդ, երկաթ, սելեն։
Ընկույզը խորհուրդ չի տրվում օգտագործել ալերգիաների դեպքում, ինչպես նաև աղեստամոքսային համակարգի խնդիրների դեպքում։
Ընկույզը օգտակար է սրտային հիվանդություններ, շաքարային դիաբետ, աթերոսկլերոզ, պսորիազ հիվանդությունների դեպքում։
***Օրգանիզմի դիմադրողականությունը բարձրացնող և շատ համեղ է ընկույզը մեղրի հետ, անչափ համեղ է և օգտակար կտրտած չրերի հետ։ Մի խոսքով,ձմռան շեմին ուժեղացրեք օրգանիզմը ընկույզով։

Address

Armenia
Yerevan
0001

Website

Alerts

Be the first to know and let us send you an email when Խորտիկ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category