Offa kitchen

15/05/2026

13/05/2026

معقول انسى وصفة جداتي وجداتكم (الله يرحمهم )؟؟؟ ....الأكلة يلي لما الجدة بدها تلع احفادها بتعملون ياها ....👌
الزليبة .....طعم ورائحة الزمن العتيق ....♥️♥️♥️♥️
المكونات :طحين ورشة ملح وكميات متساوية من الشمر واليانسون والسمسم وحبة البركة ....ماء فاتر للعجن مع ملعقة خميرة وملعقة سكر
منعجن ومنتركها ترتاح كم ساعة بجو دافئ
منشكل اشكال يلي بدنا ياها ومنقليها بالزيت الحامي إما عجينة سادة أو
فينا نحشيها بعدة حشوات
بس كانو الجدات يعملو حشوة البصل واللحمة والزيت والبهارات متل السماق والفلفل الأسود ...حسب الذوق ...ودبس الرمان
أنا حشيت قسم باللحمة وقسم بالجبنة مع حبة البركة (بتطلع شبيهة بالبرك )...وقسم بالسلق المفروم والبصل وزيت الزيتون والسماق ورشة ملح منقلبون على نار هادية شوية ..ومنستخدمون بالحشوة .....فيكم تعملو حشوات على ذوقكم
وريح يطلع معكم اطيب أكلة 👌..وياسلاااام مع كوب شاي👍😍

13/05/2026

♥️.

19/04/2026

هي الكيكة ميكس بين التريليتشيه التركية وكيكة العسل الروسية !!!!!!!
🧐🤔👌😉اي موضروري دائما نعمل كيكات تقليدية .😁..شورأيكم؟؟
المكونات : كيك اسفنجي.(ذكرت الطريقة باكتر من بوست سابق )...
مسقى بالحليب والڤانليا طبقة كريما شانتيه ...طبقة كيك ...(وعلى التلاجة )....طبقة كراميل
العسل(..بوعاءعلى النار كوب سكر نصف كوب ماء وتلات ملاعق عسل ...ليصير كراميل منضيف ملعقة كربوناتة ..بيصير يفور ويضاعف الحجم .....منتركه ليبرد ......منخفقه بالخفاقة كم دقيقة ..بيصير كراميل عسل رائع ..فيكم تضيفو لوز أو فستق عبيد وممكن بندق ..شو متوفر بمطبخكم )
فيكم تزينو متل مابتحبو ..أنا رسمت خطوط بالكريما فوق الكراميل ..ويعود خشبي رسمت خطوط متعاكسة بالطول وبالعرض ...والنتيجة ..الطعم خياااااال 👌😋😍

16/04/2026

🧐🤔👌😁لازم نحتال ع أطفالنا لحتى نقدر نطعيمون فواكه ...لان اكيد ماراح يقتنعو بأهمية الڤيتامينات الطبيعية ....وهي ا حدى الطرق ..شيش فروت مشكلة مع نوتيلا 👌😉

02/04/2026

كيكة سريعة ...بدون تخطيط مسبق..بدون ترتيب وتزين ...بمواد متوفرة بمطبخك ..بأبسط طريقة
(بمساعدة ياسمينا😉 ♥️🍓)
5بيض كوب سكر باودر برش ليمون فانيليا ...كوب حليب ....ملعقتين خل ابيض وملعقة كربوناتة (بديل المحسن ).....منخفق ليصير خليط كريمي منضيف بالتدريج كوبين ونصف طحين مع بكينغ باودر .....على فرن حامي شي 30دقيقة ...
منسقي الكيك بالحليب والفانيليا ......
الكريما خليط من مغلف كريم شانتيه ومغلف كريم كراميل وعلبة قشطة وكوب ماء بارد منخفق وعلى التلاجة
بعدين منزين ...حسب شومتوفر بمطبخك من فواكه أو مكسرات ...وبالهنا 👌🍓😋

22/03/2026

وخلصنا من طوشة المعمول 👌😁..ورجعنا لا اطيب الاكلات 😋😍
كبة بالسلق .......اطيب أكلة تراثية ...ساحلية
المكونات :عجينة الكبة ...برغل ناعم منقوع بالماء الساخن ..مع رشة كمون ..فلفل اسود ..ملح ..معجون الفليفلة
الحشوة :بصل مفروم ناعم مع زيت زيتون على النار منضيف السلق المفروم ...منقلبون لحتى يدبلو ...منضيف رشة كبيرررررة سماق وعصرة ليمون ورشة ملح
بعد تشكيل الكبة ..منسلقون بماء مغلي مع ملح وحامض وزيت زيتون
الصوص :حامض وزيت وتوم ومعجون فليفلة وتوم مفروم ناعم ..بقدونس مفروم ...وللي بيحب فيو يضيف دبس الرماااان 👌😋

15/03/2026

الطريقة التالتة ..وكمان مجربة ..وهي
نصف كيلو سميد ناعم نصف كيلو طحين زيرو نصف كيلو سمنة حيواني او زبدة .....منعجن شوية مع رشة محلب ومنتركها ترتاح لتاني يوم.......لما بدنا نشتغل فيها منضيف اربع ملاعق قطر سميك وكوب ماء بارد وكوب سكر بودرة..حليب بودرة ربع كوب وعجن بشكل خفيف جدا ...ومنشتغل فيها
أما الحشوات :
جوز مفروم خشن مع قرفة وقطر سميك (فينا نستبدل القطر براحة الحلقوم )ملعقة زبدة ..ماء زهر
فستق حلبي مع راحة الحلقوم وماء ورد وملعقة زبدة
تمر مع هيل ويانسون وزبدة
مربى الزفير ..أو النارنج (هاد بدون اضافات )

15/03/2026

الوصفة التانية وكمان كتير ظريفة ولذيذة 👌
كيلو طحين زيرو..نصف كيلو سمن او زبدة حيواني .نصف كوب سكر بودرة ..وعلبة حليب مكثف محلى ورشة محلب ..منعجن ومنتركها بالبراد كم ساعة ...بعدين منطالعها ومنعجن ومنشتغل فيها (ممكن اضافة ماء الزهر أو ماء الورد حسب الرغبة )