Blumen und Schoggi Quer

31/12/2022

Z‘ Team vom QUER&MEHR wünscht ä guete Rutsch is 2023 u ä soumässig guete Start im nöie Jahr🪅🍀🐷

Bis glii u DANKE für öii Tröii🤝👌

26/11/2022

Hinech spontan äs cremigs Fondue 🫕 im Quer? Äs het no Platz👏

24/11/2022

Hmmm…d Bachstube louft uf Hochtuure im Quer🍰👩‍🍳 Dä Baileys Guguhopf isch dr Renner-u äs git no viu meh Huusgmachts zum gniesse👌🥰
Chömet doch üsi Usstellig cho bsüechle - äs het für jedes öppis derbi!
U dänket drah; morn u am Samstig isch d Usstelig no bis am 9i offe🤩
U i üsem Kafi gits spontan äs herrlichs Fondue 🫕 bis open-end👌 Mir si bereit u fröie üs druuf öich z verwöhne🥂

Bis glii, öies QUER&MEHR Team

14/11/2022

Üsi Usstellig „♥️-erwärmend“ isch am. Start🥳 Mir hoffe mit üsne Kreatione dis ♥️, dis 👁 u o di Goume u verwöhne🥰 Chum doch verbi u gniess di Voradväntlechi Stimmig mit üs zämä. Für liibleche Wohl isch o gsorget🍰☕️🍷🥂

Nid vergässä; abem Donnstig bis Samstig hei mir am Abe Usstellig bis am 9i u i üsem Kafi gits äs leckers Fondue us dr Chäsi Glaus vo Bäup. U de chöit dir ersch no gmüetlech blibe höckle u dä stimmigsvou Abe la usklinge - bis de z Chüssi rüeft🥱🛌

Auso de bis gli, im QUER&MEHR 🥳

04/11/2022

So het jede Jahreszyt siner schöne Site🥳🧣

02/11/2022

D Vorbereitige uf d Usstellig loufe heiss😅 Da wird ghämmeret, Chränzli bunde, Cherzli gsteckt u viu Ideeä entwicklet…💡
Mir fröie üs uf di schöni Zit mit öich u gäbe no vougas🚀

18/10/2022

Scho glii isches ume sowit👏 - Wiehnachtsustellig im QUER&MEHR!! Zämä gniesse, zämä fröid ha u zämä d Wiehnachtszyt la strahle💫✨
Äs isch so wichtig, dass mir üs Liecht, Wermi, Fröid u Liebi witergäbä💝
Chömet verbi, mir mache üs bereit derfür, öies ♥️ z erwärme 🔥!!

18/10/2022

Fondue im QUER&MEHR 🫕🫕🫕🫕🫕🫕🫕🫕🫕🫕🫕🫕🫕🫕

Während dr Wiehnachtsusstellig chöit dir spontan am 17./18./19./24./25. u 26. Novämber äs leckers Fondue vor Chäsi Glauser (Belp) gniesse! Näbst däm gits dusse o ä Chäsbrätu, feine Glühwii, ä heisse Huustee mit Schuss-oder für schwachi Närvä o ohni Schuss. Am Vormi gits natürlech o täglech üsi z‘Morge, äs feins Käfeli/Tee oder was z ‚♥️ so begährt… Huusgmachti Chüeche, spezielli Kafi, säubergmachti Trüffes, äs Apéroplättli u äs feins Glesli Wy, runde üses Tagesagebot ab.

Im Dezember (je nach Nachfrag ono im Januar) biete mir jede Fritigabe ä Fondueplausch a - vom Apéro bis zum Dessertli isch aues derbi. Für sone gmüetliche Abe im Dezember (Januar) müesst dir öich aber amäude. Meh Infos gits unger: 👉 www.querundmehr.ch/news

Mir fröie üs uf wunderbari Äbä mit öich👏

05/10/2022

Willkomme i de Herbschfarbe🍂 Nach däm herrliche Summer isches nid immer eifach am schwindende Tagesliecht u Temperature öppis Guets abzgwinne. D Farbe d Stimmig vom Herbscht wärfe jedoch ganz nöii Elemänt id Waagschale🍁🤩 Was si üser Jaherzyte doch sensationell👌
Mir fröie üs, mit öich di farberfrohi Pracht z gniesse! Chömet verbi u bringet am Beschte grad no chli Zit mit, um äs feins Herbstapero oder o äs Marronidessert z gniesse
👉im QUER&MEHR

26/09/2022

13/09/2022

U hie no paar Schnappschüss vo üsem Betriebsusflug wo mir dank öiem Trinkgäut hei chönne verwürkleche👌 Danke viu mau, äs het gfägt u so guet da, mau chli Zit zämä usserhaub vom Gschäft z verbringe👏🥳 Mir heis uskoschtet😂