حلويات الرنيم

19/11/2024

11/11/2024

04/10/2024

29/09/2024

27/09/2024

جمعة مباركة ان شاءالله

21/09/2024

ياسر طلبوني فالوصفة تاع #موسكوتشو لي نخدم بيها مانيش حنبخلكم لي حابة تسترزق ولا لي سخفت عليها هاهي الوصفة بالتفصيل 🥰
ندير 3 بيضات بحرارة الغرفة يكونو مش باردين ونضربهم بالباتور مع كاس سكر وقرصة ملح 2ولا 3دقايق تحسيه. ولا كي الكريمة نزيد كاس ناقص شوي حليب دافي ونص كاس زيت نخلطهم بالباتور شوي برك نص دقيقة هكاك ونزيد 2 كيسان فرينة لافاني وكيس خميرة الحلوى ومغرف خل ونخلطهم
ندهن المول بالزبدة ونزيدلو الفرينة وننفضها باش ماتبقاش فالمسكوتشو خلاص ونطيبو على 180 درجة حتان نشوفو رجع ذهبي نزيدلو شوي ملفوق
الفور كي تكوني راح تبداي تخدمي شعليه وماتحليهش حتان تطيب .
خليهاتبرد وقلبيها في صحن وزينيها بشوكولاطة الطلي ومكسرات ولا كيما حبيتي التزيين اختياري ☺️

21/09/2024

ليوم جبتلكم تدبيرا للخبز اليابس ( chapelure) لي قادرا تديريها مشروعك الصغير تبدي بيه وتبيعي للكيلو عشرالاف والمعطرا من 12 الف حتى 15 الف وتحطيها عند البوشي ولا حانوت قريب ليك والا عرفتي كيفاش تخدمي أومبالاج شباب ويجذب يكون عندك إقبال بربي ان شاء الله متحتقريش العمل وتحتقري نفسك وتقولي شكون يشري عليا تكلي على ربي وبداي من درك ومنا لرمضان ان شاء الله تكوني نعرفتي وتزيدي تتوسعي فلمجال دخلي تارتولات حلوين ومالحين لي كورني بات فويتي المهم بداي
او حاجة حكمت الخبز درته في بلاطو تاع الفرن وشعلت عليه نار ناااقصا وخليته تحمص مليح بلا ميتبدل لونه وبعدها جبدته وخليته يبرد ملييح وطحنته وصفيته وبقيت نطحن ونصير فيه حتى كملت كل الكمية لي عندي وقسمته على إثنين نصف للمملحات والدجاج وغيره ونصف للحلويات لي بابا خبز الباي بسبوسا الخ
التوابل للموالح درت
ثوم بودرة
توابل اللحم
توابل عطرية كنت خدمتها وحدي
شويا سكنجبير
شويا فقط فلفل اسود
نصف ملعقة كركم
على راس المغرف فلفل احمر
توابل الجبن وخلطتهم مع بعض ملييح وعمرتها في سكريا تاع زجاج وغلقت عليها ودخلتها للثلاجة
للحلو ستعملت
ملعقة كبيرا لافاني
ملعقة كبيرا قشور البرتقال مطحونين
والا عندك قشور الليمون مطحونين او لافاني الليمون لي سبق وقلتلكم عليها زيدو معاها ملعقةوخلطتهم مع بعض ونفس الشيء سكريا والا الثلاجة
بلنسبة للأعشاب المنسمة
درت كمية من المعدنوس مجفف كنت غسلته وقطرته مليييح وخليته فوق شبيكا في مكان فيه الضل يبس على خاطره وزدت قبل منخدم بيه دخلته في فرن مسخن مسبقا وطافي وجبدتهم طحنتهم
زدت عليهم تقريبا نصف الكمية زعيترا تاني طحنتها وصفيتها ونفس الكمية إكليل الجبل طحنته وصفيته وخلطتهم مع بعض ودرتهم في سكريا زجاج باه تبقى محافظة على الرائحة العطرة تاعهم هادو العطريات نستعملوهم في البيتزا من فوق في اللحم والدجاج والڨغاتن بأنواعه متنسيش متابعة للبروفيل حبيبتي 😘 راني نتعب وانا نكتبلكم بلتفصيل الممل
منقول للاستفادة