Quel est le site Web ?

http://www.ramdanifarida-wida.com/

Cuisine Ramdani Farida, Biskra (2026)

12/04/2026

هذا القاطو محشي بالجلجلان مرحي مع حلوة الترك معجون بالعسل
الوصفة:
250غ مارغارين
كاس موش معمر سكر قلاص
فانيلا
2صفار بيض
2مغارف نشا ورشة ملح
الفرينة حسب العجينة ولازم تكون شوي طرية
الحشو
كمية من الجلجلان مرحي زيديه حلوة الترك ومغرف صغيرة كاكاو وخلطي مليح مع بعض من بعد بليه بشوي عسل تتحصلي على حشو متماسك شكلي كويرات من العجينة الكويرة بوزن 35غ والحشو 12غ من بعد شكليهم بالمول وطيبيهم في فرن مسخن من قبل حتى ياخذ اللون الذهبي من بعد لتخرجيه خليه يبرد وعمري الثقبة بالمعجون ولى شوكولا اختياري وبالتوفيق
ملاحظة: الجلجلان تحبي ترحيه او ديريه حب هذا اختياري

24/11/2024

وصفةالصامصة:
4 كيلات فرينة معمرين
كيلة سمن ذايب
قرصة ملح
فانيلا
حبة بيض
نجمع بكيلة خليط ماء و ماء زهر نتحصل على عجينة متكونش طرية لازم تكون معتدلة تبات ليلة كاملة في كيس بلاستيكي
حشو الصامصة :
3 كيلات كوكاو متوسط
كيلة الا ربع سكر عادي
فانيلا
قرفة
نفتلها بماء زهر من الاحسن الحشو يرتاح
نحتاج ايضا الى النشاء للتوريق ، زيت للقلي و عسل ، و التزيين إختياري
طريقة التحضير:
نحل العجينة حتى تصبح رقيقة او بامكانكم تعملوها بآلة في رقم ماقبل الأخير مثلا انا الماكينة انتاعي تبدا من رقم 1الى غاية رقم 6 انا نحبس في رقم 5
ثم نفرش العجينة بالطول و نقطع الحواف بالجرارة لمسننة باش تعطيلها شكل شباب نضع شوية حشوة ملعقة صغيرة تقريبا في الوسط
نغلقها ثلاث مرات ثم نقطعها و من الأحسن ندهن غير الحواف الثلاثة ببياض البيض باش ماتتحلش كي نقليها ولا ماء الزهر غير نبلل صبعي فقط و نتحصل على المثلث
من بعد نسخن الزيت في مقلى و كيسخن الزيت نقص النار ...نحط قبل شوية عجين باش نضبط درجة الحرارة و من بعد نرمي الصامصة و نقليها ونرمي عليها الزيت كثير حتى تتحمر وتتنفخ ثم نقلبها من الجهة الثانية حتى تاخذ اللون الذهبي نحيها خليها تسقطر
و في الاخير نعسلوها بعسل دافيء
وبالتوفيق Ramdani farida

14/11/2024

وصفة كروكي حلوة روس لي راه داير حالة في تيك توك
الوصفة لذيذة جداا نصف كأس سكر بني او عادي +نصف كأس عسل +
125غ زبدة حطيهم في كسرونة مع التحريك المستمر فوق نار هادئة وكيبدأ يغلي حطي مغرف صغيرة بكربونات وحركي شوي راح يحصل تفاعل ويتبدل اللون يولي بني فرغيه في ماعون اخر خليه حتان يبرد من بعد حطي البيضة الاولى وحركي مليح وزيدي البيضة الثانية حتى تكملي البيضة الثالثة وزيدي نصف كاس زيت نفس الكاس لكيلتي به السكر والعسل وزيدي شوي فانيلا وخلطي مليح بالخلاط الكهربائي من بعد شيحي بالفرينة مع مغرف صغيرة انتاع قهوةخميرةكيميائيّة تتحصلي على عجينة متكونش يابسة ومتكونش طرية بزاف وشكلي لحرابش تاعك وحطيهم ايطيبو وكي يخرج وهو اسخون اطليه بالمعجون انتاع المشماش من لفوق وقصي لحواشي تع كل حربوش وارحيهم وخلطيهم مع شوي كوكاو مرحي ومقلي وزيني به من فوق من بعد قطعيه وشهية طيبة تحيات Ramdani farida

12/11/2024

وصفة ميني كيك بالبرتقال: جيتكم اليوم بحيلةوتدبيرة
4حبات بيض
كاس سكر
كاس موش معمر زيت
2صاشي خميرة كيميائيّة
فانيلا
كاس حليب دافيء
2حبات شينة
2كيسان بومبي فرينة
الطريقة:
نطلع البيض مليح مع السكر حتى يتضاعف الحجم من بعد نضيف الزيت بالتدريج نتحصل على خليط نضيف الفانيلا من بعد نجيب كاس حليب دافيء نقطع فيه 2حبات شينة ونمكسيهم مليح نتحصل على خليط نضيفه للخليط الأول ونزيد نخلط من بعد نضيف الفرينة مع الخميرة حتى نتحصل على خليط ميكونش ثقيل واناحبيت ندير ميني كيك ومعنديش لمول جاتني فكرة جبت علب الحليب وقصيتهم ودرتهم شكل مول دهنتهم بالزبدة ورشيتهم بالفرينة وفرشت في قاع العلبة ورق الطهي وفرغت الخليط الى المنتصف فقط وبواسطة سكين درت خط في الوسط من بعد درتهم في سنيوة خاصة بالفرن ودخلتهم للفرن مسخن مسبقا حوالي 25د وكل واحد والفرن انتاعه حتان تشوفيه حمار وكترشقي الموس يخرج ناشف راه طاب والنتيجة مبهرة خرجيه وزينيه كما تحبي
وتأكلوه بالصحة والهناء
فعلا جايشهي الله يبارك جربوه متندموش Ramdani farida

01/11/2024

-إجْعَلْنِي يَا اللهُ شَخْصًا يُقَالُ فِي غِيَابِهِ: "رَعَاهُ اللهُ وَرَحِمَ مَنْ رَبّاهُ، مَرَّ وَلَا ضَرَّ أَحَدًا يَوْمًا."🤲🏻
عرايش ثلاثية الأشكال

08/10/2024

وصفة الكعيكعات:
500غ فرينة
250غ سمن
شوي فانيلا
قرصة ملح
ماء زهر باش تشمخي العجينة
الطريقة:
الفرينة مع السمن دخليهم مليح مع قرصة ملح وشوي فانيلا وشمخي بماء زهر تتحصلي على عجينة طرية متكونش يابسة من بعد نحضرو
الحشو انا استعملت العقدة الطايبة لهي
كاس موش معمر سكر يتشمخ مع ربع كاس ماء زهر ونحطهم فوق النار مع مغرف زبدة كيبدأ يغلي نرميلو 3كيلات لوز او كوكاو الشيء لعند وتقعدي تحركي حتان تنشف وتولي عجينة نطفي عليها ونخليها تبرد مليح تقدري ديريها في الروبو او بواسطة كف اليد فسخيها مليح وزيديها فانيلا او قرفة تتحصلي على حشو طري وارطب من الاحسن تخليه يبات او من الصباح لعشية باش تقدري تستعمليه
من بعد جيبي العجينة لكنتي حضرتيها لازم تكون طرية شوي متكونش يابسة نوزنها كويرات 33غ والحشو 15غ
تحلي الكويرة شكل مربع من بعد تحطي الحشو ولفيها من بعد حاولي دخلي الاطراف في بعضاهم تتحصلي على كعيكعة شكل مسياسة اثقبيهم فوق كل حبة بواسطة عود الاسنان وخليهم يريحو مدة 2 ساعات او اكثر من بعد طيبيهم على نار متوسطة حوالي 15 دقيقة حتى ياخذ اللون الذهبي خرجيهم وخليهم يبردو مليح من بعد نسكرهم نوجدلهم السيرو كاس سكر
2كيسان ماء
يغلو 5دقايق ونطفي ونفرغ عليهم كاس ماء زهر نخليه يبرد مليح من بعد ندير كمية قليلة ب3حبات او4فقط نديرهم في السيرو من بعد نحطهم يقطرو ونرميهم في سكر قلاص يكون مغربل ونغطيهم مليح بالسكر نخليهم مدة 10دقايق من بعد بواسطة كف اليد نسقمهم ونحطهم ونزيد نرش عليهم شوي سكر بواسطة صفاية نخليهم يباتو من بعد نديرهم في لكسات والتزيين اختياري وشهية طيبة وبالتوفيق Ramdani farida
ملاحظة: للأمانة انا الحشو درت عيني ميزاني المهم الحبة تجي معمرة الله يبارك .
ا

26/09/2024

إذا كانت بصمة إصبعك تثبت هويتك الشخصية ، فـ بصمة لسانك تثبت حصاد تربيتك و رقي أخلاقك ، فـ إجعل من نفسك أثراً جميلاً 🤍
صابلي العمرة بالقلاصاج بصحة ماليهم

26/09/2024

" أجمل البشر" 🌹
من يزرع في #قلبك راحة أنت لم تطلبها
ويصنع لك من وقع اللحظة إبتسامة أنت بحاجتها... 🌹☘️
ويرسم لك صورة جميلة تمحي آلآثار السلبية في واقعك المؤلم .. 🌹☘️
ويعلمك أن الصدق ليس بمفقود وأن خير المحبة عطاء من دون مقابل...... 🌹☘️

12/09/2024

المعمول
الوصفة:
4كيلات سميد رقيق
كيلة سميد متوسط
كيلة فرينة
كيلة سمن
اقل من كيلة سكر قلاص
كيلة مخلطة نصف زبدة ونصف زيت
شوي فانيلا
مغرف قهوة خميرة كيميائية
3مغارف حليب غبرة
ماء زهر باش نبلو العجين نتحصلو على عجينة تكون طرية
الحشو:
غرس +شوي قرفة وشوي قرنفل ومغرف زبدة وشوي ماءزهر نتحصل على حشو طري نشكلو كويرات صغار وزن من 15الى 20غ والعجينة من 30غ الى 35غ نحكم كويرةمن العجين ونحشيها بكويرة من التمر ونديرها في مول الورقة نتحصل على هذا الشكل نستفهم في سنيوة وندخلهم اطيبو على نار متوسطة حتى ياخذو اللون الذهبي نخرجهم ونخليهم حتان يبردو باش نقدرو نمسوه من بعد نرش عليه شوي سكر قلاص وبالتوفيق للجميع Ramdani farida
ملاحظة
بالنسبة للشكل تقدرو تشكلوه كما تحبو🌹♥

12/09/2024

كيكة البرتقال لقهوة العشية
الوصفة:
4حبات بيض
200غ سكر
فانيلا
صاشي خميرة
علبة ياؤورت طبيعي
بنفس علبة الياؤورت نكيلو بها الزيت
حبة برتقال مجمدة ومسكرفجة
250غ فرينة
الطريقة:
نضرب البيض مع السكر والفانيلا مليح حتى يتضاعف الحجم انتاعه من بعد نرمي الزيت ونخلط ونزيد نرمي الياؤورت من بعد نزيد نرمي حبة البرتقال المسكرفجة من بعد نرمي الفرينة بشوي مع الخميرة نتحصل على خليط ميكونش خفيف وجدي المول لكان عندك دائري او مربع أوانتاع الكيك ندهنوه بشوي زبدة ونرشوه بشوي فرينة ونفرغو فيه الخليط وندخلوه اطيب على درجة حرارة متوسطة حتان ترشقي موس كتخرجيه ناشف معناها راه طاب خرجيها وزينيها كما تحبي انا زينتها بقلاصاج بعصير البرتقال
نصف كاس عصيرالبرتقال+سكر قلاص+ذوق البرتقال
وزينيها من فوق والتزيين يبقى اختياري

Cuisine Ramdani Farida

12/04/2026

24/11/2024

14/11/2024

12/11/2024

01/11/2024

08/10/2024

26/09/2024

26/09/2024

12/09/2024

12/09/2024

Adresse

Site Web

Notifications

Contacter L'entreprise

Raccourcis

Partager

Type